لراوبر ویب پاڼه لراوبر يو افغان – تازه خبرونه
درنو لوستونکو هیله ده چې راته خواشینی نسی ځکه دا دریمه لیکنه ده چې زه ستاسی ماغزه په درخورم خو بیا هم لکه چې هیچا کتلې نه وی ځکه پر موږ خوارانو خو د ظلم او زور څپه نه دا چې کراره سوی نده بلکه لا تیزه سویده، د زابل والی دلبرجان ارمان دی خدای لری پر زابلیانو یې رڼا ورځ توره شپه کړیده خو په کابل کې ناست ښاغلی په نس ماړه حکومتی لوړ رتبه خلک ولاکه دا وایی چې زابلیان هم د خدای بنده ګان دی او که هسی اوبو راوړی دی او چې هر څه ورباندی زده کیږی پروا نلری.
د زابل والی د خپلو شخصی مخالفتونو په نتیجه کې په کلات کې زر دوکانه ونړول او د زرو کورنیو له خولې یې یوه هغه حلاله ګوله چې دوی به لدې لارې پیداکوله واخیسته خو هیچا دا ونه ویل چې دلبرجانه ولې؟ په کوم قانون؟ په کوم جراات او په کومه مشوره؟
دلبرجان له ښاروال سره په ګډه پدې لړ کې دوه مسجدونه هم شهیدان کړل هغه سپیڅلي ځایونه چې مسلمانان یې په دفاع کې ځانونه قربانوی او دهغه په ساتنه له هرڅه تیریدو ته تیار دی خو نه د حج او اوقافو ریاست او نه د علماوو شورا پدې اړه خپل غوږ وګروی او داسی یې وګڼله لکه والی صاحب چې جهاد کړی وی او یو مندر یا کلیسا یې نړولې وی که هر څو د کلات بیچاره خلکو غوښتنه وکړه چې مسجد دی نه ورانیږی خو وسله والو پولیسو په وهلو او ټکولو هغوی له سیمی وشړل.
والی صاحب پخپله د خپل کور او ځان د ساتنې لپاره په حساب اته کوڅې تړلې دی پداسی حال کې چې په نورو ولایتونو کې د خلکو د هوساینې لپاره نوی سړکونه جوړیږی خو په زابل کې والی صاحب نه د خلکو هوساینې ته ګوری او نه هم قانون او اصول سته چې څوک یې وریاد کړی او دا ښاغلی د قانون ساتونکی یې عملی کړی.
د زابل خوار غریب او بیچاره خلک دا پوره یوه میاشت کیږی چې د والی له ظلم څخه کابل ته راتښتیدلی دی او په دی شنه یخ کی په پردیو چټلو او خیرنو مسفرخانو کې پراته دی تر څو یو څوک پیدا کړی او دوی له ظلم او ستم څخه خلاص او یا هم لږ تر لږه دلاسا کړی خو ….
په وارو واور مو د پارلمان ، ارګ، داخله وزارت ، لویی څارنوالی او نورو ځایونو مخ ته خپل د بیوزلۍ ږغ پورته کی خو چا وانه وریدی او باید اوریدلی یی نه وای ځکه د مظلوم اواز نو څوک اوری او څوک دی چې ددی ظلم په زمانه کې ظالم ته ووایی چې ولې؟
موږ له کرزی صاحب او نور حکومت څخه نوره د انصاف هیله نه کوو دا نه غواړو چې د زابل والی دی د خپلو اعمالو په جزا ورسیږی بلکه ورته وایو چی خپل والی مو حمایت کړی او نور واک هم ورکړی تر څو زموږ په وینو او غوښو لا نوری مزې او چړچې هم وکړی، تاسی ورته څه مه وایاست پریږدی چې د زابل والی صاحب د کلات خلکو ته سزا ورکړی او دولتی برق ورباندی قطع کړی ، زابلیان خو ګناهکاره دی ځکه ولی د والی صاحب شکایت کوی هغه هم پداسی حال کې چې ټول لوړ پوړی د مظلوم په زورولو خوشاله کیږی او له دغو دردونکو نارو او چیغو څخه یو ډول خوند اخلي.
د هغو خلکو چې پر لوړو چوکیو یې کار کړی دی له خولی چی چوکۍ او قدرت ډيره بده نشه لری نو کیدای سی دا به د همدی نشی او بې هوشۍ حالت وی چې د خوارو زابلیانو ږغ په پوره یوه میاشت کې تر چا پوری ونه رسید له پنځه سوه تنو څخه ډیر خوار غریب زابلیان په کابل کی پدې خټو او واورو کی پراته دی تر څو غور یی وسی خو له بده بخته چی تراوسه خو هیچا ان مطبوعات هم زموږ ږغ وانه وریدی صاحبان خو لا پرځای پریږده.
زابل هغه ولایت دی چې یو لوی تاریخ لری او زابلیان هغه خلک دی چی تل یې د وطن لپاره هر رنګه قربانی ورکړی ده زابلیان هغه خلک دی چی غریب دی خو پدی مطمین و اوسی چې همتناکه خلک دی د نورو پښتنو په څیر میلمه پاله دی او خپل حق په هیڅ حال کی هم بل چاته نه ورپریږدی نو اوس هم مطمین اوسی چې موږ په هیڅ حالت کی هم تر خپلو حقوقو نه یو تیر او په هر رنګه چی کیږی موږ به خپل حقوق له دلبرجان او د هغه له انډیوالانو اخلو لمړی خو دادی د خپل حکومت او قانون د درناوی په خاطر کابل ته راغلی یو او غواړو په سمه او روا ډول مو حقوق راکړل سی او نا حقه ونه ځوریږو موږ حوصله کړیده او حوصله به کوو خو له یاده ونه باسی بیا هم درته وایم چی دا مه هیروی چې موږ له تر خپلو حقوقو همداسی مفت په مفت تیریږو او بیا به هم د زابل د ظالم والی دلبرجان تر لاس لاندی ژوند تیرو او چی هغه هر ډول میچنې راباندی چلوی موږ به ګونګیان پاته یو.
که مو دلته ږغ وانه وریدل سی او حقوق مو رانکړل سی نو بیا خو (ملک خدا تنګ نیست پای فقیر لنګ نیست) نوری ډیری لاری هم سته که نور نه وی نو پاکستان خو دری ساعته مزل دی هلته به ور بار سو خدای روزی رسان دی دا ملک دی دلبرجان او دهغه یارانو ته خدای بختور کی.
په اخر کې بیا هم د حکومت مشرانو او دواک لرونکو خلکو ته وایم چې نور د زابل خلک ستاسی څخه د رحم هیله نلرو مرسته نه درڅخه غواړو او خیرات نه درڅخه غواړو بلکه خپل حقوق درڅخه غواړو او دا وایو چې د خپل رالیږل سوی دلبرجان څخه مو خلاص کړی او یو سم سړی راولیږی، که تاسی نه غواړی چې دا راسره ومنی نو بیا به ګیله نه وی بلکه د مهاجرت ، جهاد او راتلونکو پیښو مسوولیت به دلبرجان او دې نورو صاحبانو په غاړه وی نه د خوارو زابلیانو.
د دولت لاس تر زابله چېرته رسيږي، ګرانو زابليانو وروڼو زما په اند که د ګوډاګي دولت په عوض خپل شکايت د سيمي طالبانو ته ولېږئ، د والي صيب به درله دايمي علاج وکړي !
We need a systematic solution to the issues of people from Zabul. It is really sad to hear what is happening there, and I believe that you have done the right thing to ask the government to do their part. I know people from Zabul are very descent, and they really deserve our help. Unfortunately, the government is more focused on Hazaras than Zabulians.
يې د زابل فريادکوونکې وروره ، په خدای چي ليکني لوستلو مي زړه راتګ کړ ، په خدای چي دا نوروز ورور ښه ليکلي دی ، دی وايي ددولت لاس تر زابله نه رسيږي ، خو زه وام دولت يو لاس لري په هغه ډالر ټولوي ګيله مه ترې کوئ ، طالبان په خبر کړئ چي هغه لاس يې هم پري کړي ، دا د زابل والي خو مخ هم لکه د چرګي کوناټئ داسي کړی دی ، ځان ته به ښه مسلمان هم وايي ، دی ولي داسي بې مخه دی ؟
Gela la dowlat na pakar da no da kho dowlat na da biya gela da cha na aokro da noroz khabara che taleban pre ra khabar kari yaw intehari di lapara bas dai
ګلاب جانه وروره ستاټوله ليکنه مې ولوستل اوهغه خپل دزړه دردچې دي درلودهغه دي ټول بيان کړي وو.
خوخبره داده چې وروره زه منحيث ديوې رسنی دکارکونکې دادرته وايم چې دغه دزابل ددوکانونووپه اړه موڅوواري دزابل له والي ،مرستيال والي اوښاروال جنت ګل سره خبرې وکړې .
دزابل دوالي ،مرستيال والي اوښاروال خبره داوه چې دوی دمرکزي دولت دامرسره سم دنوي ماسټرپلان له مخې دغه کارکړي اوپه عوض کې يې دوی دکلات په نوي ښارګوتې کې دترانسپورت له رياست سره جوخت دمارکېټ په ډول دوکانونه جوړکړي اودوی يې بديل ورته برابرکړی .
البته خپله ښاروال دهغوترافيکي پېښوڅخه هم يادونه کول چې پردغه لويه لاربه رامنځ ته کېدلې .
نوکله چې زه له يوې ډلې خبريالانوسره کلات ته درغلي وم هم موولېدل چې په نوي ښارکې واقيعآهم ډېرپه نقشه برابراومنظم دوکانونه جوړسوي ول اوستاسودځاي مشکل په پام کې نيول سوي هدف مې له دې خبري څخه دادي چې پرحقيقت باندی بايدسترګې پټی نه کړواوترخوايې يوه ورځ خوبايدپه دغه هيوادکې قانون پلي سي .
خوکه ريښتياراباندې وايې هغه وخت مې هم په ياددي چې د حميدالله توخي دولايت مهال واوزه ديوه څېړنېزراپورلپاره درغلي وم چې دکندهارله قوال اوردوڅخه يې دملاعبدالخاليق په مټ دراوستل سويوبارکولونواووسلوپرسره دواڼه اوميرام شاه له قاچاق برانوسره سوداکول .
يعنې موشت نمونه يې خروار،هغه مهال دغه تاسي چېري واست اوولي مودحميدالله توخي چې ستاسي دکلات اوسيدونکي هم دي څه ونه ويل اوحتي همداوس چې هغه ستاسي په رايوباندی پارلمان ته لارپيداکړی ده ولي چپ ياست چې لس واري يې پريونس قانوني اومتحدې جبهې باندی خرڅ کړي ياست اوولاموهم پرسرسوداوي کوي .
زه نه وايم چې دلبرجان ارمان اوملګري ټيم به يې زابل ته دپام وړڅه کړي وي خوکه دحق خبره کونوبايدچې يوطرفه قضاوت ونه کړواودټولوهغوکسانوڅخه دخپل حق غوښتنه وکړوچې له موږسره يې خيانت کړي وي اولايې هم راسره کوي .
په درنښت
خیرصافی صاحب! حمیدالله زموږ والی و او زموږ موټر یی خرڅ کړی په تا اړه نه لری دا دی یوه بله خبره داده چی ته وا زه کلات ته درغلم نو که راغلی یی نو دوالی صاحب له خوا تړلې کوڅې به دی هم لیدلی نو هلته بیا ولی قانون او اوامر نسته تا دا پوښتنه ولی نه ځینی وکړل چی تا دا دونه لاری ولی تړلی دی د متحدی جبهې او حمیدالله توخی دی پر تا او ستا پر بادار دلبرجان بلا وګرځی دحمیدالله په وخت کی ته هرې ولسوالۍ ته تلای سوې خو اوس که نر یې له کندهاره کلات ته راسه. تا ډیر لغاتونه کار کړی دی که دی قناعت نه کیږی د ایمیل ادرس دی ولیکه یا ما ته ایمیل وکه چی قناعت درکم او نور مو نو پر خوږ زړه مالګی مه را دوړوه بې له هغه هم د کابل مسافریو زړه راخوړین کړی
ليکوال ته سلامونه! حقيقت داسي ندى، کوم دوکانونه چي د لوېي لارې پر يوه اوبله غاړه د دولتي ځمکي د غاصبانو له لورې جوړ شوي ؤ بايد وران شوي واې. او دولت د ماسټر پلان د تطبيق مسوليت پر غاړه لرې- ښاغلي زابليه! په کوم هيواد کي دى ليدلي چي مفته بريښنا هيوادوالو ته وړاندي کوى؟ دوه کاله کيږي چي د کلات وسدونکي بريښنا مصرف کوي خو مصرف ېي نه ورکوى نو دولت خو مجبور دي چې يو څه وکړي – وچ بار نه وړي دا به مو حال وي – ياد ساته هرکله چې ليکنه کوى نو ناپيلې اوسه او د واقعې معلوماتو له مخې ليکنه کوه. د درواغو مزل لنډ دي
*