لراوبر ویب پاڼه لراوبر يو افغان – تازه خبرونه
د لغمان په ولايت کې د نامتو ټولنپوه گل پاچا الفت د زوکړې سلمه کليزه ونمانځل شوه.
مهترلام: د لغمان ولايت د اطلاعاتو کولتور د رياست په نوښت په نوموړي ولايت کې د نامتو ټولنپوه شاعر او ليکوال گل پاچا الفت د زوکړې سلمه کليزه د يوې پرتمينې غونډې په ترڅ کې ونمانځل شوه . غونډې ته له کابل څخه د اطلاعاتو کولتور وزير عبدالکريم خرم ، د اطلاعاتو کولتور د وزارت د ځوانانو د چارو مرستيال ظاهر غوث ، د نوموړي وزارت د بهرنيو اړيکو مشاور زردشت شمس ، د اطلاعاتو کولتور د وزارت اداري مرستيال نجيب منلى ،د لغمان والي لطف الله مشعل، د کونړ والي فضل واحد وحيدي، د ننگرهار د اطلاعاتو کولتور رييس اورنگ صميم او د ختيځ زون يو شمېر ژورناليستانو برخه واخيستې وه.
د غونډې په لومړۍ برخه کې يو شمېر پيغامونه ولوستل شول د غونډې څخه وروسته د اطلاعاتو کولتور وزير عبدالکريم خرم ، د کونړ والي فضل واحد وحيدي او د لغمان والي لطف الله مشعل د مهترلام ښار يو څلور لارى، چې د (گل پاچا الفت) په نوم نومول شوى و. د پټۍ د پريکولو په ترڅ کې پرانستل شو بيا د غونډې لوړ پوړې ميلمانه د گل پاچا الفت مزار ته ورغلل او دغه مزار،چې په نوې بڼه جوړ شوى و پرانست د گلونو گيډۍ يې پرې کېښودې .
د لغمان د کرنې د رييس محمد اسماعيل دولتزي له خوا ورکول شوي نيالگي د گل پاچا الفت د مزار په چاپير يال کې د اطلاعاتو کولتور د وزير عبدالکريم خرم، د لغمان د والي لطف الله مشعل ،د لغمان د اطلاعاتو کولتور د رييس عبدالوکيل اټک او نورو لوړ پوړو چارواکو په لاس وکړل شول .
ده گل پاچا الفت مرحوم ده پیدایش په باره که معلومات راولیگی نو دیر زیات به خشحاله به شم له ستاسو نه مننه حیات الله سیرت
ستانکزی
سلامونه گران سيرت ستانکزی صاحب !
ستاسو لنډ وړانديز چي ستاسوپاک احساس ئې څرگنداوه ،ماهمدا لحظه ولوست . ډير خوښ سوم چي يوڅوک دخپلو تيرو وياړلو شخصيتونوژوندليک لوستلوته دومره تږۍ دی لکه تاسو .
له نېکه مرغه ماهمدا نن مي ديوې بلې انترنت پاڼې لپاره دوتلو څېرودلنډژوند ليک دخپرولوپه لړکي دافغانستان دهمدې وتلي شاعر ،اديب ،ليکوال اوپر وطن مين سياتوال دپښتو ادب دځلانده آسمان دځلانده ستوري دبيوگرافي پر بياکتنه باندي کار پيلاوه چي دلراوبر په ويب پاڼه کي مي ستاسو دغوښتنه ولوستل .
گرانه !
ماتر اوسه يوتوری هم بل پردغه لنډژوند ليک ندی ايظافه کړی کوم چي ماپه ۲۰۰۱ کال هغه علمي نړيوال سمينار ته ليکلې وه کوم چي دسويډن دمالموپه ښار کي دافغانانوپه زيار اوزحمت په اروپاکي دلومړی ځل لپاره دهمدې مېړني په وياړجوړسو اودنړئ دمختلفوهيوادونه افغان ليکوال اوشاعرانودگډون لپاره تشريف راوړی و .
زه به دابيوگرافي نوره هم تکميله کړم اويوڅه به پرې ايظافه کړم ،خودغه زيات والی به ئي په کيفيت کي تغيرنه راولي يوازي به ئې شکل ښکلی کړی اويوڅه نورمواد چي زه ئي اوس ترلاسه کولاي سم ورباندي ايظافه کړم .
همدالحظه دالنډژوند تاسو غوندي وطنپالو فرهنگپالوته ډالی سو.نوربه بيا گورو.
چي په تاسو گوندي افغانانووياړي . غمخور
دمرحوم گل پاچا الفت لنډژوند ليک
ارواښاد گل پاچا الفت دمير سيد پاچا زوي اودسيدفقيرپاچالمسۍ په خټه سيد پښتون دۍ . په ۱۲۸۷لمريزکال دلغمان دعزيزخان کڅ په يوه منوره اوستانه کورنې کښي دنياته سترگې روڼي کړې . په ۱۳۵۶لمريزکال دليندۍ دمياشتي په ۲۸نيټه يې په کابل کښي دابد لپاره له پانې نړۍ نه سترگې پټې کړې ،اودلغمان په ولايت کښې په خپله پلارنۍ هديره کښي خاوروته وسپارل شو.
گل پاچا الفت خپلي لومړنۍ زده کړې په ننگرهار او کابل کښې په خصوصې توگه سرته رسولۍدي .دخپل وخت مروجه علوم يې لکه : صرف ،نحوه ،تفسير،حديث ،معاني اوبيان په ښه توگه څېړلې او زده کړي وه .استاد په ۱۳۴۳لمريز کال د(( انيس)) دورځپاڼې په اداره کښي دکاتب په توگه په رسمې ماموريت شروع وکړه .
په ۱۳۱۵لمريزکال دادبي انجمن دتأليف او ترجمې په څانگه کښې دغړې په توگه ومنل شو. په ۱۳۱۶کال کله چې پښتو ټولنه جوړه شوه د((زيرې ))دجريدې چلونکۍ مقررشو،په ۱۳۱۸کال دصحافت دمديرمرستيال،په ۱۳۱۹کال دپښتو ټولنې دقواعدومدير وټاکل شو.
په ۱۳۲۰کال داصلاح دورځپاڼي مشاور،دپښتوعمومي مدير،مبصراودکابل مجلې دچلونکی په توگه وټاکل شو.
استاد الفت په ۱۳۲۵کال داتحادمشرقې دجريدې مديراوپه ۱۳۲۷کال دننگرهارولايت دقبايلوعمومې مديروټاکل شو.
ارواښاد الفت صاحب د۱۳۲۸کال نه بيا تر ۱۳۳۴کال پوري دننگرهاراو لغمان دولايتونودخلکو لخواپارلمان ته دوکيل او خپل استازي په توگه وټاکل شويدۍ .په ۱۳۳۵کال دپښتو ټولنې رئېس اودپوهنې په وزارت کې دعالي شورادغړي دنده هم ورپغاړه شوه .
په ۱۳۴۳کال دقبايلو دمستقل رياست رئېس اوپه ۱۳۴۴کال دولسې جرگې ددولسمي دورې لپاره دننگرهار ولايت دخلکو لخوا استازي په توگه پارلمان ته وټاکل شو. گل پاچا الفت د۱۳۳۰کال نه تر ۱۳۳۲کال پورې د((ولس)) ازاده ملې جريده چلوله چې په حقيقت کښي يوملي خپلواکه غورځنگ گڼل کېداي شي ،چې ددموکراسۍ او ازادۍ په لاره کښي يې دمطبوعاتې مبارزې لار ښودنه کول .
مرحوم الفت صاحب د ليکوال،شاعر،اديب ،سياست پوه ،عالم،پارلمينټر،ژورناليست،محقق او ملي مبارزپه توگه دوطن دجوړېدو او هغه ته دچوپړ عهدمند سړۍ وو. الفت صاحب دخپل پنځوس کلن فرهنگي ژوندپه بهير کې گڼ شمير علمي او ادبي اثار ټولني ته ډالۍ کړې دې . مرحوم استاد الفت په پښتومعاصر ادبي بهير کښي ديوه ځلانده ستورې پشان وځلېد،چې ځينو ادب پوهانوهغه ان دخپلې زمانې ((خوشحال)) وباله . پوهاند محمد طاهر بورگی ليکې : ((پخپلو ملت پاله اجتماعي ،انتقادي مقالوکښي الفت صاحب په خوږه اوپسته ژبه ډير سريح اوبې لحاضه وو.))
زموږ دهيواد پېژندل شوۍ ليکوال او اديب پوهاند ډاکتر مجاور احمد زيار دالفت په هکله ليکلي دې : استاد الفت دفرهنگيالۍ تر څنگ يو جنگيالۍ او تر هر څه دمخه دخپل هيواد دپرمختيا،دهيوادوالو دروزنې او لارښوونې ليوال و،لدې امله يې غوښتل دقلم په توره مخ ته پراته خنډونه له منځه يوسې .
دروسې دفدراتيف جمهوريت دعلومو اکاډمۍ غړې اومشهورې ليکوالې چې په پښتو ژبه هم ځېني اثار لري ميرمن آ.س.گيراسيموه دمرحوم استاد الفت هغه سمينارته چي په ۲۰۰۱ دمالمو په ښارکي دحبيب اله غمخور په نښت جوړشوۍ و پخپله رالېږل شوې مقاله کې ليکې :(( دالفت شعر له حکمته ډکاو آرام دۍ ،دژوندانه او مرگ ،حرکت او سکون اودپيغام رسونکی په توگه دشاعر دونډي په اړه پکې دفلسفي تفکر نښې ليدل کيږي .))
دافغانستان مشهور تاريخ ليکونکۍ غوث خيبري داستاد الفت په اړوند ليکې: ((گل پاچا الفت دپښتو ادب ((اناطول فرانس)) دنظم اونثردآسمان غه ځلانده ستوری دۍ چې افغانيت او انسانيت يې دليکنو اصلي جوهر گڼل کيده ،او(( لوړ خيالونه ژورفکرونه)) يې دهمدې اندېښنې راټولېدونکي گلان دې .))
دهيواد مشهور ليکوال ډاکتر اکرم عثما ن ليکې : درباغستان پرپهناومعطر ادبيات معاصر پشتو ، شادروان گل پاچا الفت چهرۀشاذماندگارواستثنايي است .که هرچه زمانميگذرداوخردراژرفترپوياتر وگوهرتر نشان ميدهد .عدهاي اورافقط يک شاعر شناسند،عده اي نويسنده ومترجم قطعات ادبي، عده اي خامه پردازاثارسياسي واجتماعي،عده اي منتقدبي ترسومنصف مفا سد دولتي وعده اي هم آموزگار شرين کلام ودلسوز .
محترم محمدگل وطنپال دياني دالفت صاحب په باب ليکې : (( استاددهغو کلتوري اوټولنيزوکمښتونواو نواقصو ته هم گوته نيسي چې ملي وحدت،ملي هويت اوملي اصالت ته ضرراو تاوان رسوې .))
ارواښاد گل پاچا الفت په هيواد کښي دخپل عصر دملې دموکراتو دډلې يو له سرغندويانو او زحمت کښو وطنپالو مبارزينو څخه شميرل کيږې .هغه په افغانستان کښي دويښو زلميانو چې يو دموکراتيک نهظت ود فعال غړې په توگه په هيواد کښي ددموکراسۍ ،ټولنيزعدالت دراتگ اوټينگښت لپاره زيات زيار ايستلی دئ ،هغه په دولت کښي داداري فساد اوپه ټولنه کښي داجتماعي ناانډولۍ خرافاتو سر سخت مخالف انسان و . الفت صاحب په خپلو شعرونو کښې نه يوازي داچې ټولنه يي منعکسه کړيده بلکه په ټولنه کښي يې دټولو ناخوالو پرخلاف دشعر په ژبه خپل غبرگون ډير واضح او روښانه څرگند کړی دۍ .
مرحوم استاد گل پاچا الفت زموږ دهيواد دپښتو ادب دپنځو ستور له جملې څخه يو ځلانده او تل پاته ستوری دۍ . روح دې ښاد او ياد دې ابدي وي.
حبيب الله غمخور