لراوبر ویب پاڼه لراوبر يو افغان – تازه خبرونه
د افغانستان ولسي جرګې چي نننۍ غونډه يې د ولسمشر كرزي له خوا درو وړاندي سوو وزيرانو ته د اعتماد په اړه وه، دوه وزيران ومنل او دريم يې رد كړ.
د سوداګرۍ سرپرست وزير عنايت الله شهراني توانېدلئ چي له ولسي جرګې څخه د اعتماد رايي واخلي او د سوداګرۍ د وزير په توګه مقرر سي.
همدا راز عبدالكريم براهوي د مهاجرينو د وزير په توګه د اعتماد رايه ترلاسه كړې ده، خو اسدالله خالد چي د قبايلو او سرحدونو د وزير په توګه ولسي جرګې ته ورغلى و، ونه توانېدئ چي د ولسي جرګې غړو ته قناعت وركړي.
اسدالله خالد چي مخكي د غزني او كندهار د والي په توګه دنده ترسره كړې، تېر كال د كاناډا د بهرنيو چارو د وزير له خوا د فساد جرړه وبلل سوه. او له حامد كرزي څخه يې وغوښتل چي له كندهار څخه يې وباسي.
اسدالله خالد تېر كال د كندهار د محبس تر ماتېدو وروسته د نورو چارواكو سره يو ځاى له دندي ګوښه او د پارلماني چارو د وزير په توګه مقرر سو، چي له دې دندي د نامعلومو دلايلو پر بنسټ د هرات د والي په توګه وټاكل سو. خو هراتيانو د مظاهرو په كولو سره رد كړ او ښاغلى خالد يې په غزني او كندهار كي د ندو پر مهال ناكامه وباله.
كارپوهان پر ولسمشر كرزي نيوكه كوي، چي په حكومتي چارو كي له شخصي اړيكو او مصلحتونو څخه كار اخلي او د يوه ولايت ناكامه والي، د دې پر ځاى چي ګوښه او مجازات يې كړي، تر پخوانۍ هم درنه دنده ورسپاري .
محترمه هاالسلام عليکم!وائي اوښ ته ئي ويل چه غاړه دکږه ده د ورته وويل چه کوم ځای مي سم ده ددي حکومت به کوم معقول ځاي راوښياست، والسلام
da asadullah khalid di rang wrak si. pa sharmo ye sharmawali yu.
ولسي جرګې داسدالله خالدپه ردولوسره واقعا دځورېدلي ولس نمایندګي وکړه .هیله مند یوچي په راتلونکي کي هم دملت درښتینواستازو په توګه نه یوازي داچي منفوري څېرې ردکړي، بلکي مجازات یې هم کړي .
ډېر ښه سو چې دا هيواد دښمنه كس ولسي جرګې رد كړ كنه قيوم كرزي او بينوا ويبپاڼي ډېره دزړه له قوي چاپلوسي ورته وكړه. دبېنوا مثال وګورئ .
وروسته تر هغه چې اسدالله خالد د دوشنبې په ورځ د پارلمان څخه د سرحدونو، قومونو اوقبایلو چارو د وزیر په توګه د باور رایه تر لاسه نه کړه او د رایو په لږ تفاوت دغه مقام ته و نه رسید، د دوشنبې په ورځ ناوخته ولسمشر کرزي یو ځل بیا ښاغلی خالد ولسي جرګې ته د باور د رایو اخیستلو لپاره معرفي کړ. د ولسشمر کرزي له دفتر څخه په یوه خپور شوي بیان کې چې یوه کاپي یې بینواویب پاڼي ته رسیدلي راغلي چې د موجه دلايلو له کبله ښاغلى خالد بيا ولسي جرگې ته ورپېژندل کيږي .اسدالله خالد د طالبانو د واکمنۍ له ړنګیدو روسته د ملي امنیت د پینځمې اداری د ریس، د غزني او کندهار د والي او د پارلماني چارو د وزیر په توګه هم دنده تر سره کړي ده.نوموړي د غزني او کندهار په ولایتونو کې د خپل ماموریت پر مهال د بیاودانولو او امنیت په برخه کې د پام وړ کارونه کړي چې بیلګي یې اوس هم له ورایه تر سترګو کیږي.
د غزني ولایت د ادارې ودانیو او په دغه ولایت کې د پارکونو او ړنګ ادارې نظام بیاجوړونه او په کندهار کې په بیلا بیلو برخو کې د سلګونو پروژو پلي کول هغه څه دی چې د اسدالله خالد د ماموریت د پام وړ ټکي بلل کیږي. ښاغلی خالد د افغانستان په کچه یو له هغو والیانو څخه شمیرل کیده چې د کندهار ولایت په څير یوه سیمه کې یې امنیتي حالت د پام وړ ښه کړی وو.
د نوموړی د ماموریت پر مهال د کندهار او سپین بولدک ولسوالۍ تر مینځ پروت واټ او یو شمیر نور عمده واټونه کریړ شول چی اوس پرې هره ورځ په زرګونو کسان په آسانۍ سره تګ را تګ کوي.
نوموړي د تاجکستان په ملي پوهنتون کې د حقوق پیژندي په برخه کې د لیسانس درجه تر لاسه کړي او په خپلو ملي ژبو پښتو او دري سربیره په انګریزۍ او عربي هم تسلط لري.