د افغانستان د کرکټ لوبډله دتنزانیا دسیالیو اتله  شوه.

افغانستان په پرلپسې توګه د ۲۰۱۱ کال د کرکټ د نړیوال کپ د تر لاسه کولو د پنځم او څلورم پړاو اتله لوبډله شوه، افغانستان نن د تنزانیا په پلازمینه دارالسلام کې پای لوبه له هانګ کانګ سره وکړه افغانستان هانګ کانګ ته داسې ماتې ورکړه چې په خوب او خاطر کې یې هم نه وه، افغانستان په پرلپسې توګه شپږ سیالۍ یو وړې، لومړی یې له فیجي، دوهمه یې له جرسي، درېیمه یې تنزانیا ، څلورمه یې هانګ کانګ ، پنځمه یې له ایتالیا او پای لوبه یې هانګ کانګ یو وړه، افغانستان په دی توګه د تنزانیا د سیالیو اتله لوبډله وبلل شوه.

نن په پای لوبه کې د افغانستان بېټسمینان لومړی ښه ولوبېدل، بېټسمینانو ۱۷۹ منډی وکړې ، که څه هم دا منډی لږی وې ولې دا چې پایلوبه وه، خامخا زیاتې ګڼل کېدی، خو د افغانستان بالران یو ځل بیا ډېر ښه وځلېدل، د افغانستان بالرانو د هانګ کانګ تکړه بېټسمینان چې د تنزانیا په سیالیو کې یې هیڅ له دوو سوو لږی منډی نه وی کړې، ولې نن وښوېدل او لوبه یې وبایلله، افغانستان هانګ کانګ ته سر په سر دوه ماتې ورکړې.

د افغانستان له خوا په بېټېنګ کې یو ځل بیا اتل ستوری ریس احمدزی وځلېد، هغه په یوازی سر ۴۹ منډی ووهلې، دا ډول محمد نبي عیسی خېل هم ستوری شو، هغه په سختو شراېطو کې د هانګ کانګ مهمې ویکټې واخېستې او خپله لوبډله یې اتله کړه. د افغانستان د کرکت د فدراسیون مشر الله داد نوري ټول افغانستان د اتلې لوبډلې مبارکي ورکړه. د اتل ستوري هستي ګل عابد اتلولي زیاته د پام وړ وه هغه د هانګ دوه مهم لوبغاړي وسوځول، تر هستي ګل عابد وروسته حمید حسن یو ځل بیا د بري لوری خپل هېواد ته واړاوه، هغه دوه ویکټې په یوه اوور کې په دوو مسلسلو بالونو واخېستې، نوروز منګل احمد شا احمدي سمیع الله شینواری هم اتلان وو. محمد نبي وروستی لوبغاړی وسوځاوه. د هانګ کانګ وروستي بېټسمینان مقاومت کوي‌ ، او بالونه وهي. حمید حسن بال کوي. د هانګ کانګ وروستی لوبغاړی پاتې دی ، که یو له دوی وسوځېږي، نو افغانستان د تنزانیا د سیالیو اتله لوبډله بلل کېدای شي. حمید حسن په خپل یوه اوور کې دوه لوبغاړي وسوځول، حمید حسن ډېر ښکلی اوور وکړ.

حمید حسن د هانګ کانګ کپټان تبرک ډار وسوځاوه، یعنې ویکټې یې ورته وویشته، محمد نبي د هانګ کانګ اووم لوبغاړی هم وسوځاوه، هغه دری ویکټې اخېستې دي. هانګ کانګ ۱۰۶ منډی وهلي دي. د هانګ کانګ وروستی راوتی بېټېسمین منیر احمد وو هغه لوبه ګرمه کړه، حمید حسن ورته اوور کاوه. د هانګ کانګ شپږم لوبغاړی هم وسوځېد، دغه لوبغاړی سمیع الله شینواری وسوځاوه، نوروز منګل کېچ ونېاوه، د هانګ کانګ دا لوبغاړی سخاوت علي نومېده. لا تراوسه د هانګ کانګ کپټان تبرک ډار پاتې دی. د هانګ کانګ یو بل تکړه لوبغاړی نجیب عامر لا ولاړ دی، ویره لا تراوسه له تبرک ډار نده، هانګ کانګ په دری دیرش اورونو کې ۸۰ منډی کړي‌ دي.

د هانګ کانګ لوبغاړی الیاس ګل په منډه اووټ شو. اوس هانګ کانګ ۷۹ منډی لري. محمد نبي بټ حسین وسوځاوه، هغه خطرناکه لوبه کوله، اوس ۶۹ منډی شوي دي. اتل هستي ګل دوه وسوځول، د هغه لس ټول اوورنه خلاص شول ، هغه دری اورونه مېډن کړل، هستي ګل ۲۳ منډی ورکړي، ښه بال یې نن وکړ. خو د هانګ کانګ له لوري تبرک ډ‌ار او بټ حسین په مرګ لوبه کوي. بټ حسین شپږه ووهله، احمد شاه احمدي ښه بال وکړ هغه په پنځو اورونو کې اته منډې ورکړې، اوولس اورونه شوي دي. وبخښئ هستي ګل مخکې زین عباس سوځولی وو ، تبرک بار لا ژوندی پاتې دی سوځېدلی ندی، احمد شا درېیم اوور هم مېډن کړ منډه یې ور نکړه ، هانګ په دریو اوورنو کې هېڅ منډه نده اخېستې دوه لوبغاړي یې له لاسه هم ورکړي.

د افغانستان د لوبډلې اتل ستوری ، د باغیرته مور ځوی ، توریالي پلار خوږ اولاد هستي ګل عابد یو ځل بیا د افغانانو د برم د ساتلو لپاره بل ګام پورته کړ هغه د هانګ کانګ کپټان تبرک ډار وسوځاوه. د هغه کېچ احمد شاه احمدي ونېاوه. د احمد شا دوهم اوور مېډن شو، یعنې منډه یې ور نکړه، خو د هانګ کانګ دا دواړه لوبغاړي په مرګ لوبه کوي، باید دواړه یا یو یې ژر وسوځیږي. هستي ګل خپل څلورم اوور مېډن کړ، د دولت احمدزي د تیز بال اړتیا نور نه احساسېده کپټان احمد شا احمدي چې سپنر دی بال ته راووست. نهه اورونو شوي دي، هانګ کانګ په مرګ لوبه کوي، دوی ۳۲ منډی وهلي، هستي ګل په خپل څلورم اوور کې یو لوبغاړی وسوځاوه، هانګ کانګ ۲۰ منډی کړي. په ۱۷۹ منډو د افغانستان ټول لوبغاړي وسوځېدل، افغانستان لږ تر لږه باید نن تر دوه سوه دیرش منډی باید وهلې وای، ولې بیا هم که د افغانستان بالران ښه وچلیږي، ښایي اتلولي خپله کړای شي، د هانګ کانګ بېټېنګ هم دومره بد ندی. اوس به د افغانستان له اړخه حمید حسن، دولت احمدزی ، هستي ګل عابد په تېزو بالونو او احمد شاه احمدي محمد نبي عیسی خیل په سپینز بالونو د هانګ کانګ د منډو مخه نیسي، تراوسه د افغانستان اته لوبغاړي سوځېدلي، ۴۹ اورونه شوي دي، وروستی اوور پاتې دی.

 افغانستان ۱۷۲ منډی لري. تکړه لوبغاړی هستي ګل عابد راغی، شفیق الله د لوړ شاټ کوښښ وکړ ولې بریالی نه شو. شفیق لومړی څلوری واخېسته. اتل لوبغاړی ریس احمدزی په ۴۹ منډو وسوځېد د هغه هېله پوره نه شوه چې پوره پنځوس منډی وکړي، سمیع الله شینواری لا ولاړ دی، هغه ۲۰ منډی اخېستې دي. هستي عابد مېدان ته ننوت هغه کله ناکله ښه لوبه کوي. نن به یې وګورو چې څه کوي. ریس احمدزي ۴۹ منډی کړي په تمه دی چې بله منډه واخلي او پنځوسی منډی ووهي. افغانستان تراوسه ۱۵۷ منډی لري، اتل ستوری ریس احمدزی څلوری ووهله، هغه تراوسه په یوازی سر ۴۳ منډی کړي، دوه یې څلوری وهلي او دوه یې شپږی وهلي، له نوروز منګل وروسته سمیع الله شینواری مېدان ته ننوت. د افغانستان د کرکټ د ملي لوبډلې کپټان نوروز منګل وسوځېد، د هغه بال ونېول شو، بال د هانګ کانګ تکړه بالر ندیم احمد کړی. د کرکټ تجربه کاره لوبغاړي ریس احمدزي شپږه ووهله، هغه ۵۳ بالونو ۳۳ منډی کړي، نوروز منګل لا تراوسه ۴۰ منډی لري. اتل ستوري ریس احمدزی او نوروز منګل لا ولاړ دي. دوی ښه لوبه کوي، که خدای وکړي، چې ښه پرمخ ولاړ شي.

افغانستان ۱۱۵ منډی کړي، اتل ستوری ریس احمدزی او کپټان نوروز منګل ولاړ دي، ریس احمدزي دوه شپږی وهلي، هغه تراوسه ۱۶ منډی کړي، نوروز منګل هم په یوازی سر ۳۵ منډی لري. څلورم لوبغاړی محمد نبي عیسی خیل وو چې وسوځېد، هغه ۱۴ منډی وکړې اوس ریس احمدزی او نوروز منګل په مېدان ولاړ دی ، دافغانستان وروستۍ هېلې دوی ته دي که یې څه وکړل وه یې کړل او که نه نو بیا د بری چانس لږ دی. نوروز منګل او محمد نبي عیسی خېل بېټېنګ کوي، افغانستان ۴۸ منډی لري، خو دری سوځېدلي دي، تراوسه ټول اورونه ۲۰ شوي دي‌، د هانګ کانګ له لوري ندیم احمد بال کوي هغه چې د پاکستان د کرکټ د لوبډلې څلور لوبغاړی یې سوځولي وو.

کریم صادق، احمد شاه احمدي او اصغر ستانکزی په دریو سوځېدلو لوبغاړو کې ګڼل کیږي. د افغانستان له خوا یو لوبغاړی سوځېدلی دی، ۲۷ منډی شوي دي، خو لس اورونه شوي. تراوسه کریم صادق سوځېدلی، ولې احمد شاه احمدي او اصغر ستانکزی په لوبه اخته دی، افغانستان په اتو اورونو کې ۱۹ منډی لري. په افریقايي هېواد تنزانیا کې د کرکټ د نړېوالې شورا له خوا د نړیوال کپ د غوراوي په څلورم پړاو کې افغانستان له هانګ کانګ سره خپله پای لوبه کوي، افغانستان لومړی بېټېنګ کوي،