لراوبر ویب پاڼه لراوبر يو افغان – تازه خبرونه
د افغانستان او د سيمي سياسي او نظامي حالات داسي ژور سوي دي چي د کرزي صاحب حکومت بايد ډير دقيق د سياسي هنر او فن نه کار واخلي او د خپل هيواد د سياسي او نظامي حالاتو د پوره بري لپاره لازم تدبيرونه او په يوه بريالۍ ستراتيژۍ کار وکړي .
که دافغانستان دتاريخ تيرو پاڼو ته ځير سو د انګليسي هند د نظام د مستقيمو تهديدونو په لړۍ کي زموږ د پياوړي هيواد يوه لويه ټوټه او د افغان ولس يوه لويه برخه يې له موږ څخه د اوس لپاره جلا کړ .
کله چي طالبانو خپلو خوځښتونو ته دننه په پاکستان د اسلامي قوانينو د نافذولو لپاره وسله واله مبارزه پيل کړه پاکستاني چارواکي په دې وېره کي سول چي مبادا هيواد يې ټوټې ټوټې نه سي او پاکستان د داخلي جګړې ډګر ونه ګرځي . له همدې کبله يې له خپلو طالبانو سره د سولي تړون لاسليک کړ .
سره له دې چي د طالبانو د حرکت او د هغوی د ايډيالوژۍ مفکر خپله د پاکستان آی ايس آی وه ، کله چي يې نظامي زور ونه رسيد نو خبرو ته کښېنستل ، په پښتو ژبه کي يو متل دی وایی چي : ( مه کوه په چا چي وبه سي په تا ) .
سره ددې چي د نړۍ بډای هيوادونه امريکا او ناټو د افغانستان د امنيتي وضعې د ښه کولو لپاره کوښښ کوي خو د امريکې د نظامي تيري له کبله چي په افغانستان کي يې د طالبانو حکومت راوپرزاوه خو د لږ وخت څخه وروسته طالبانو بيا خپلي ليکي منظمي کړې چي د هيواد دننه او له بهره د مرستو ټټر ووهل سو .
د ناټو او په سرکي د امريکې د متحده ايالاتو نظامي او سياسي مخالفين که دافغانستان سره ګاونډي هيوادونه او يا د دوی نړيوال مخالفين دي غواړي چي په افغانستان کي دغه نړيوال سياسي اونظامي ماشين مات او يا ورته تر يوه حده ستونزي پيدا کړي .
که واقعيتونو ته ځير سو ددې جهدوجهد تاوان د افغانستان ماشومانو ، ښځو ، سپين ږيرو او ځوانانو ته رسيږي . د افغانستان غرونه او رغونه بانډې ، کلي او ښارونه د درندو بمونو په وسيله سوځي ، ما په ټلويزيون کي د هلمند د يوې سيمي نه د جګړې راپورتاژ کاته چي له مځکي نه د اور لمبې ختلې ، تا به ويل چي اور غورځوونکی غر چاودلی دی ، که طالبان يا ولسي خلک وژل کيږي دا هم افغانان دي او که بهرني سربازان وژل کيږي ددوی ميندي هم يو يا دوه بچيان زېږوي ، دوی هم د يو نظام تابع دي .
دلته زما وړانديز دا دی چي ملګري ملتونه او يا خپله کرزی صاحب د خپل افغاني، اسلامي او سياسي شهامت په مټ له طالبانو سره مخامخ او مستقيمآ خبرو ته کښېني او يو ګډ ملي او اسلامي حکومت دافغانستان د اساسي قانون په رڼا کي چي د هر افغان مصئونيت او حقوق پکښي په پام کي نيول سوي وي منځ ته راسي او دغه ديرش کلني غميزي ته دپای ټکی کښېږدي .
ځواکمن مشر هغه څوک دی چي خپل سياسي مخالفين په پرديو يا خپله د ټوپک پذريعه له منځه يو نه سي ، بلکي هغه د خپل سياسي مخالف يا اپوزيسيون په توګه ومني او سياسي اپوزيسيون خپل هيواد وران نه کړي ، بلکي د ښېرازۍ او ابادۍ لاري چاري وسنجوي او دخپل ولس د هوسا ژوند لپاره مبارزه وکړي .
افغانستان د ټولو افغانانو ګډ کور دی ، که مو خپله زده نه وي راځئ چي له ګاونډيانو څخه يې زده کړو او خپلو جګړه ځپلو هيوادوالو ته يې هديه کړو .
خدايه !
موږ لراوبر افغانان سره يو کړې او سوله مو په برخه کړې .
حسن شور
اوتريخت – هالنډ
له بورتني ورانديز سره بايد تول افغانان موافقه وكري او تايد يي كري او محترم رئيس جمهور صاحب بايد دغه او داسي نور ورانديزونه به غور سره واوري او دخبل ملك او خلقو به هوسايي كشي كوشش وكري او داسي وكني جه تول افغانان ددي وطن بجيان دي.
da qabala kho pah cha ay many!