لراوبر ویب پاڼه لراوبر يو افغان – تازه خبرونه
د رسنيو د نورو دندو تر څنګ يوه مهمه يې ټولنيز مسوليت يا Social Responsibility ده، چې بايد په ډېره ټينګه په پام كې ونيول شي، رسنۍ مكلفي دي، تر دې وړاندې چې يو خبر خپور كړي، وګوري چې د دې ګټه عامو خلكو ته څومره ده، ايا د دوى يو لنډ راپور خو به د افغانستان په يوه كونج كې يوه افغان اوسېدونكي ته زيان نه ور اړوي، ټولنيز او سيمه ييز تاوانونه خو لا هلته پرېږده چې كېداى شي د يوې رسنۍ د بې پروايي له لاسه رامنځته شي.
په افغانستان كې رسنيو ته د ملي ګټو پته هم نه لګي، بېسوادي په كې اوج ته رسېدلې، او بس يوازې همدا يوه خبره د هر چا پر خوله ده ( د بيان ازادي) او بس.
كندهار چې د افغانستان لپاره يو برخليك ټاكونكى ولايت دى، له بېسوادو ژورناليستانو ډك دى. د دې بې خبره ژورناليستانو مركز په كندهار كې شهيدانو چوك ته نژدې نورجهان هوټل دى، چې كله هم يوه جرئت نه دى كړى چې له خپلو كوټو راكښته شي، او ښار ته سر ورښكاره كړي ولسوالۍ او كلي خو لا هلته پرېږده.
د دوى لپاره تر ټولو په زړه پورې خبر دا دى چې كله د دوى په وينا ځانمرګى او بمي بريد (په لاره واچول شي) دا ډول خبر د دوى ټولو په استازيتوب يو خبريال تياروي او همدا يو خبر بيا ټول خپلو رسنيو ته لېږي.
دوى د مركو لپاره خلك همدې هوټل او يا هم (هندارې مركز) ته ور غواړي او ورسره مركه كوي، هيڅكله يې دا تكليف نه دى كړى چې لږ د ښار واټونو ته ور ووځي او د خلكو ږغ واوري.
د بيا رغونې چارې، سپورټ، پرمختګ، اقتصاد، شخصي پانګه اچونه، پوهنه، كرنه، مالداري، لاسي صنايع، كلتوري او فرهنګي هڅې دوى ته خبري ارزښت نه لري، او موږ كله هم و نه ليدل چې په دې اړه دې كله هم دوى كوم خبر وركړى وي، په داسې حال كې چې په لوړو يادو شويو برخو كې ډېر پرمختګ شوى ، او د دې تر څنګ ډيرې ستونزې هم لري چې بايد همدا دوى يې راپيدا خلكو او چارواكو ته يې ورسوي.
د ايران او پاكستان کونسلګرۍ، د شاه ولي خان كرزي بيټك او منډيګك ماڼۍ د دوى د مېلمستياوو او بنډارونو مركزونه دي، كله كله خو په كې يو نيم کونسلر هم په نورجهان هوټل کي د ويدو خبريالانو سلام ته پېښه ور وكړي .
زه له ټولو خبريالانو او د دوى د مسولو رسنيو څخه تمه كوم، چې سم دې شي، او دا وركړل شوې پاكه دنده دې په ايماندارۍ سر ته ورسوي كه يې نه شي كولاى بل چا ته دې پرېږدې هسې هم د دوى جېبونه نور ډك شوي، كه نه په بله ليكنه كې د هر يوه نوم او كارنامې ليكم بيا يې مسوليت پر خپله غاړه.
په افغانستان کي د مطبوعاتو د حالت په اړه د پژواک خبري اژانس له مشر سره د لراوبر ځانګړې مرکه
da kandahar pa shan helmand ke ham journalistano zanona pa sani shashuja da angriz star ghulam gulab mangal ploraly aw pa haqayaqo stargy pati kari sirf da sani shashuja pa sifat lagya di aw mazlom wolas da wino sawdagar gulab de chaplosano journalistano ta pa moqabil ke yawa yawa rihayeshi numra warkari… no za da helmand journalistano ta ham wayam che da khudai pa khatar da ghulamy sa zan khlas ky os no haqiqatona walikay aw da star khayan aw da rohani shaheed qatil gulab nor roswa kry. manana.