د ځوان افغان کرکټ اکاډمۍ لوبډلي لومړۍ لوبه و بايلله

بېګا شپه د افغانستان د ځوان کرکټ اکاډمۍ لوبډلي ته د پاکستان چورنګي الفتاح کرکټ کلب په درې ويکټو ماتي ورکړه.
د ځوان کرکټ اکاډمۍ لوبډلي پچه وګټله او توپ وهنه يې غوره کړه په شل اورنو کي د ۷ لوبغاړو په سوځېدلو ۱۱۶ منډې جوړي کړې.
له لږي دمي وروسته د کورنګي الفتاح لوبډلي په توپ وهنه پيل وکړ او د ۱۹ اور په څلورم توپ يې ټاکل سوي هدف د ځوان افغان کرکټ اکادمۍ لوبډلي ته پوره کړ.
د ځوان افغان کرکټ اکاډمۍ لوبډلي د منډو شمېر پاڼه:
شپږيزي څلوريزي منډي توپونه لوبغاړي
۳ ۲۸ ۱۴ سميع الله شينواري
۰ ۱ خالق داد نوري
۱۳ ۱۶ شفيق الله شفيق
۱ ۲۲ ۲۱ محمد نبي عيسي خېل
۰ ۱ بادشاه حسين
۲۰ ۱۵ اصغر ستانکزي
۱۹ ۱۲ جاويد احمدي
۳ ۱۳ ۱۳ محمد شهزاد

د ځوان افغان کرکټ اکاډمۍ لوبډلي د توپ اچونې شمېر پاڼه:
ويکټې منډې اورونه لوبغاړي
۱ ۱۹ ۴ عبدالله مزاري
۲۱ ۳ خالق داد نوري
۴ ۲۰ ۴ شاپور ځدران
۱۲ ۳ محمد نبي عيسي خېل
۱ ۲۶ ۳.۴ حميد حسن
۱ ۱۹ ۳ سميع الله شينواري

د ځوان افغان کرکټ اکاډمۍ لوبډلي کپتان خالقداد نوري په بيګانۍ لوبه نيوکي لري او وايي(( د چورنګي الفتاح سره بايد بيګانۍ لوبه په ۱۱ بجې د شپې پيل سوې واى خو داسي ونه سول او لوبه يې په ۱ بجه د شپې پيل کړه، لوبه يې ځکه ناوخته پيل کړه چې تلويزيون د پاکستان د ملي لوبډلي لوبه په ژوندۍ بڼه د کرکټ مينوالو ته وړاندې کوله)).
همدارنګه خالقداد نوري په لوبڅارانو نيوکي وکړې چي د ځوان افغان کرکټ اکاډمۍ لوبډلي په خلاف يې پريکړي کولې، تر اوسه لا معلومه نه ده چې د ښاغلي نوري په لوبڅارانو نيوکي څومره حقيقت لري خو وايي(( لوبڅار زموږ د توپ اچونکو صحيح توپونه چې وايډ نه ول او وايډ به يې ورکول او د چورنګي الفتاح وايډ توپونه يې وايډ نه ورکول. نوري دا هم وايي چې د ځوان افغان لوبډلي د توپ اچونکو ۳ ويکټې چې بايد سوځيدلي يې ورکړي واي خو لوبڅار ورنکړې نو همد لامل سو چي لوبه د چورنګي الفتاح په ګټه تمامه سوه)).
د ځوان افغان کرکټ لوبډله نن شپه ۱۱ بجې په کراچۍ کي د ميلر جم خانې کرکټ کلب لوبډلي سره لوبه لري، په ميلر جم خانه کي د پاکستان د ملي لوبډلي لوبغاړي يونس خان،عبدالروف، فيروز خان او خالد لطيف هم لوبه کوي.
د رمضان کپ د اګست په ۲۰ نېټه پيل شوي د ځوان افغان کرکټ اکاډمۍ کلب پکي لومړۍ لوبه د چورنګي الفتاح په خلاف وبايلله او نن د اګست به ۲۸ نېټه د ميلر جم خانې کرکټ کلب سره د شپې په ۱۱ بجې سيالي لري.
د ځوان افغان کرکټ کلب دريمه لوبه به سبا شپه ۱۱ بجې د اګست په ۲۹ نېټه د ملک اټير کرکټ کلب سره وي.
د ځوان افغان کرکټ اکاډمۍ سره په دې سياليو کي د اوسنۍ ملي لوبډلي ۹ لوبغاړي او د ملي لوبډلي ۲ پخواني لوبغاړي هم لوبه کوي.
د ځوان افغان اکاډمۍ لخوا د رمضان کرکټ سياليو ته غوره شويې لوبډله په لاندې ډول ده:
۱- خالق داد نوري( کپتان)۲- اصغر ستانکزي۳- شهزاد محمدي۴- محمد نبي۵- شاپور ځدران ۶- حميد حسن۷- جاويد احمدي۸- عبدالله مزاري۹- سميع الله شينواري۱۰- بادشا حسين۱۱- خان محمد۱۲- جمعه ګل۱۳- شفيق الله۱۴- ايمل هوتک.
د ځوان افغان کرکټ اکاډمۍ لخوا د دې سياليو لپاره غوره شوي ادري ډله:
شفيق الله عصمت ستانکزي ( د لوبډلي مدير)اسد الله خان ( د لوبډلي روزونکي)حق داد نوري ( مرستيال روزونکي)حمزه لامع ( د همدې سفر مشر )کاظم بشير( د ځوان افغان د کرکټ د اکاډمۍ د ويب پاڼې مسؤل )
د ځوان کرکټ کرکټ اکاډمي په ۱۹۹۷ز کال کي جوړه شوي او په کورني کرکت کي يې په هيواد کي د کرکټ د پرمختګ لپاره ډېرې هلې ځلې کړي، د ځوان افغان کرکټ اکاډمۍ کرکټ کلب په ګاونډيو هيوادونو کي د کلب کرکټ په کچه پخوا هم لوبيدلي، هندوستان، سريلينکا او پاکستان ته يې سفرونه کړي چې د افغانستان په استازيتوب د کلبونو په کچه ښه ځليدلي کرکټ کلب دي. د ځوان کرکټ اکاډمۍ لوبډله د افغانستان کرکټ بورډ سره راجستر شوي اکاډمي دي په افغانستان کي د کرکټ د ودې، پرمختګ او د کرکټ اړوندو چارو ټول مسؤليتونه د افغانستان کرکټ بورډ په غاړه لري.

د کرکټ مينوال کولاي شي په لاندې رسنيو کي د ځوان افغان کرکټ اکاډمۍ د دې سياليو ژوندي حال تر لاسه کړي:
د جيو سوپر تلويزيون لخوا په ژوندۍ بڼه خپريږي.
شمشاد تلويزيون هم پتيلې چې د ځوان افغان کرکټ اکاډمۍ د لوبډلي حال په ژوندۍ بڼه د کرکټ مينوالو ته وړاندې کړي.
د ځوان افغان کرکټ اکاډمۍ د ويب پاڼې مسؤل هم هوډ کړي چې د کرکټ مينوالو ته نيغ په نيغه د ځوان افغان کرکټ اکاډومۍ لوبډلي د سياليو تازه حال د خپل ويب پاڼې له لارې وړاندې کړي.
www.ayccricket.com
نورو معلوماتو لپاره په دې شمېره له موږ سره اړيکي ټينګي کړئ: ۰۰۹۳۷۸۹۰۶۷۷۲۹

د افغانستان د کرکټ بورډ د رسنيو څانګه
acb.media@afghancricket.af
afg.cricket.media@gmail.com