په ږوب کي دخراسان ادبي کاروان له خوامشاعره وسوه!

په هرګوټ کي ددنيامرمه پښــــــــــــــــــتون يم
بې ګناه مرم،بې ګناه مرمه پښـــــــــــــــــتون يم
دکابل په جنازوسوم ستــــړى ستــــــــــــــــــړى
کندهاره تاکي بيامرمه پښــــــــــــــــــــــــتون يم
پېښور،وزېرستان مي شه ګلنــــــــــــــــارکړل
اوس په سيندکي ناروامرمه پښـــــــــتون يم
هنرمل

په ږوب کي دخراسان ادبي کاروان له خوادمېلمه شاعر عبدالسلام داغي په اعزازکي تېرماښام يوه درنه مشاعره وسوه . چي ګڼ شاعرانو،ليکوالانواودادب مينه والوپکښې ګډون درلود .
دمشاعرې مشرمېلمه دګوملې دشيخ طوطي باباادبي ټولنې مشرعبدالسلام داغي اوصدارت دخراسان ادبي کاروان دمشرمحمدطاهرخوږمن هوتک پرغاړه وو. دسټېج چارې مسرورموسى خېل پرمخ بيولې .
مشاعره ماښام ٦بجې پيل سوه،چي ترڅوساعته پوري وغزېده .

ځان که زه په سمه که په غره يوســـــــــــم
تابه لکه اوښکه پرلېمه يوســـــــــــــــــــــم
لابه دلمبوپه ميدان ګډسمــــــــــــــــــــــــــه
لابه دي له سترګونه يوڅه يوســـــــــــــــم
ستابه ګټه څه وي چي ماوسېـــــــــــــځې
زه چي دي پتنګ سم نوبه څه يوســـــــم
عابد

محمدطاهرخوږمن هوتک،عبدالسلام داغي ته په ږوب راتګ تودهرکلى ووايه . اودنوموړي دادبي هڅوستائينه ئې وکړه .
په پيل کي عنايت الله وفا دقرآن دڅوسپېڅلوآياتونوتلاوت وکړ، اوبيادشعرونوبرخه پيل سوه .
عبدالرزاق غورځنګ،محمدآمين شېراني،عنايت الله وفا،عابددوتاني،ګران ولات مندوخېل،عبدالوهاب کارېزي،لاجان ترابي،رفيع الله مندوخېل،رحيم شاه فولاد،محمدايوب انجم،مقبول احمدناصر،عبدالسلام داغي او محمدطاهرخوږمن هوتک خپل خواږه شعرونه مينه والوته واورول،چي دوي ئې په تودو چکچکوبدرګه کړه .
دمشاعرې په پاي کي محمدطاهرخوږمن هوتک خپله لومړۍ شعري ټولګه دازمادزړه درزاده، مېلمه شاعر عبدالسلام داغي ته ډالۍ کړه .

ډېردي په وينوکي ويده کړى ډېــــــــــــــــردي وژړوى
تقديره بس يتيم بچى دافغان وزنــــــــــــــــــــــــــــــــــــګوه
ترپلولاندې به درپوه سم چي نن خولــــــــــــــــه راکوې
که ته موسکۍ سوې نوپه شونډوپېزوان وزنــــګوه
چي دخپل قام په سرسوداکړي اوخپل قـام خرڅوي
اجله راسه دقام دا مشران وزنګـــــــــــــــــــــــــــــــــــــــــــوه
ګران

عبدالسلام داغي دشاعرانودشعرونواودخلګودمېلمه پالنې زښته زياته مننه وکړه . چي ورسره سم تياره ماښام دغه پرتمينه مشاعره هم پاي ته ورسېده .