لراوبر ویب پاڼه لراوبر يو افغان – تازه خبرونه
که چيرې د هېواد د تيرو دريو لسيزو ورور وژنې ، درپه دريو او هېواد ورانونې اصلي لاملونه وڅيړل شي نو د نورو لاملونو ترڅنګ يو پياوړی لامل يې زمونږ د پوهې د کچې ټيټوالی او له پاکو احساساتو څخه ناوړه ګټه اخيستل ؤ.
هرچا خپلو شخصي ګټو په خاطر ورور يې د ورور په لاس وواژه ، موريې د اولاد په ويرکښينوله او د ماشوم له سرڅخه يې د پلار د مهربانۍ لاس لنډ کړ، پتمنې نجونې بې پته شوې او له ځوانانو څخه مو هديرې ډکې شوې ، هېواد مو لوټې لوټې ، په افغاني غيرت مو پښه کيښودل شوه او افغانستان د نړيوالو ترهګرو په اډه بدله شوه .
هر چا او هرې ډلې د خپل توان په اندازه ددې هېواد په ورانولو کې برخه واخيسته او دې لړ کې زمونږ ګاونډي هېوادونو په ځانګړې توګه د پنجاب حاکمانو د اسلام تر پوښښ لاندې د افغانستان په ورانولو او د افغان ملت په درپه دريو کې ترټولو زياته ونډه درلودله او تر ننه پورې خپلو هلو ځلو ته دوام ورکوي .
د پنجاب حاکمانو او ددوی استخباراتي ملايان خپلو هدفونو ته د رسيدو په خاطر له اسلام څخه د يوې وسيلې په توګه ګټه اخيستې ، کله يو ورک نومی پنجابي الاصل د انګريزي ائين پيرو د شهرت لوړو پوړيوته اوچتوي او د مفتي اعظم په لقب ورکولو سره يې له خولې څخه دا فتوای راباسي چې ګواکې په افغانستان کې ځانمرګي بريدونه اسلامي جواز لري مګر په پنجاب کې په مطلقه توګه حرام دی ځکه چې هغوی په اصل شړشمو سرونه غوړوي او ترټولو غوره مسلمانان دي ولې چې د اسلامي قانون پرځای د انګريزي ائين پيروان دي .
دوی زمونږ د ښوونځيو دروانولو فتوای ورکوي ، د معصومو نجونو پرمخ تيزاب شيندي مګر د خپل هېواد نجونې او هلکان يې هغه د چا خبره په يونيورسټيو کې ګډ سبق وايي، خپل زلميان او نجونې د تکنالوژۍ عصري زده کړو ته هڅوي خو زمونږ زلميان ځان وژنې ته روزې ، زمونږ په هېواد کې ياغيانو ته دمجاهد او طالب لقب ورکوي او په خپل هېواد کې طالب ته ترهګر وائي او د پښتنو په اووه واړه اجنسيو کې هره ورځ خروار خروار بمونه پرې ورغورځوي او بې ګناه خلک پرې وژنې. او اوس چې د بې ګناه خلکو له وينو څخه سرې لمبې جوړې شوې او د پنجاب لمن يې نيولې نو هره ورځ د استخباراتي ملايانو او مفتيانو له خولې څخه نارې سورې راوځي چې په هيڅ دين او مذهب کې ځانمرګی بريد نشته او له خپل دولت څخه غوښتنه کوي چې د طالبانو په ځپلو کې کوټلي ګامونه پورته کړي مګر کله چې د ولي الرحمان په نامه له اسلام څخه ناخبره د پنجاب حلقه په غوږ غلام وائي چې مونږ په افغانستان کې خپل جهاد ته دوام ورکوو بيان د مفتيانو او مولاناګانو خولې تر غوږونو پورې وازيږي او خپله فتوای د جيب په يوه څنډه کې ږدي ځکه دوی پوهيږي چې نور نو د پنجابيانو پرځاي مسلمان افغانان وژل کيږي .
نو زه د يو درديدلي افغان په توګه له دغه مفتي اعظمانو او مولانا ګانو څخه پوښتنه کوم چې ترپرونه پورې خو تاسو داعمل روا ګاڼه او په افغانستان کې به چې د کومې تروريستي پيښې قربانيان ډير وو په هماغه اندازه به تاسو شاندار جشنونه نيول نو اوس څه چل وشو چې يو ناڅاپه ستاسو په پنجابي اسلام کې دومره لوی بدلون راغی …؟
په درنښت
زماسلام مونه ومنی ریشتا هم دافغانستان کی دیر مکتبونه وران شو او دیر هلکان او انجی مو شهیدان شول زما په فکر چی داکار پنجاپیانو یا انگریزانو کول زکه چی طا لبانو کم زیکی واکمندی هلته ما مکتابونه لیدالی دی چی هلکان درس پکی وایی . په اخیرکی ده وایم چی د طالبانو معوین ملا برادر اخند چی سومیاشتی مخکی له یو ویب کی داخبرا کری وا…………………………………………پوښتنه : تعليم اوتربيه چې هم ديني اصل دی اوهم دُنيوي اوبشري اړتيا، په اسلامي امارت اعتراض دادی چې چندانې توجه نه ورته لري ، دکابل اداره وايي چې ښونځي طالبان سوځوي ، ايادغه تورونه ترڅومره سم دي ، اسلامي امارت په خپلواوسنيوتشکيلاتواوپاليسيوکې دغې برخې ته ځاى اوپاملرنه لري؟
ځواب : موږدخپل وس په اندازه داسلامی امارت دواکمنۍ په مهال هم تعلیم ته توجه کړی وه اواوس هم داسلامی امارت په تشکیلاتو کې دتعلیم اوتربیې دپاره ځانګړی کمیسیون لرواوکوښښ کووچی دخپل توان په اندازه په دی برخه کی خپل بی وزلی ملت ته خدمت وکړواودمکاتبودسوزلوپه باب باید ووایم چی دښمن په موږپسی خورازیات تبلیغات کوی خوملت اوس پوه دی اوزموږکړه وړه ورمعلوم دی نوریې په تبلیغاتونسی ختایستلای موږکه مکتب سوزولای نواوس به په هیوادکی لس فیصده مکاتب هم نه وای پاته دشمنان ډیرځله په اطرافوکی له ویری څخه دمکاتبو په پخوتعمیراتوکی امنیتی پوستی ،نظامی قرارګاوی اوحتی ولسوالۍ جوړی کړی چی بیا دغه پوستی یاولسوالۍ په جنګ کی فتحه یاتخریب شی نودوی بیااعلان وکړی چی طالبانو مکتب تخریب کړی داهغه حقیقت دی چی ولس یې په سترګووینی
سلام وګرانو لوستونکو ته:
ټولو لوستونکو ته دا تریخ حقیقت معلوم ده چه د طالبانوله اوسنیو مبارزو څخه یو هم د مکتبونو بندول،سوځول او په بنسټیز ډول د پښتون ولس خوار بچیان بیسواده تر دی دنیا تیرول دی.
دخدای لپاره د پښتون ولس خو ددوی د جاهلانه پالیسیو له امله نن له ډیرو غټو ننګونو سره مخ دی مثلآ نن د غزنی دولایت د جاغوروپه ولسوالی کی چه یوه هزاره میشتی ولسوالی ده شااوخوا ۲۸ لیسی فعالی دی او هرکال د دغو ۲۸ لیسوفارغین د کانکور لپاره امتحان ورکوی اما متآسفانه دپښتنو له څو ولایتو څخه په دومره اندازه شاګردان په کانکور کی اشتراک نشی کولای. مثلآ په ټول زابل کی د ما دمعلوماتو له مخی یواځی یوه لیسه فعاله ده او هرکال یواځی ۱۰یا۱۲فارغین لری همداشان د غزنی ولایت پښتون میشتی ولسوالی او همدارنګه د پکتیکاولایت چه دتعلیم کچه یی بیخی ټیټه ده.
نو څنګه به مونږوکولای شو چه په آینده کی له نورو میشتو قومونو سره په هر ډګر کی سیالی وکړو زه فکر کوم چه مونږخپلی ریښی په خپله ځپو..
دا ملابرادر خو یی نه منی دوی خو دا اوس اوس هم ډیر مکتبونه بند کړی او اخطارونه یی ورکړی دی.
همدا راز ډیر ښوونکی یی ویرولی او توهین کړی دی مثلآ تیر کال دوی یو ښوونکی په زابل کی په وهلو ډبولو د مرګ پولی ته نه ورساوه؟
هغه خو څه کوی چاچه په ټاکنو کی برخه اخیستی وه او دوی یا پوزی او یا ګوتی ځینی پری کولی.
ټول کارونه یی داسلام په نامه دی خو تر ډیره بریده د ارغندیوال صاحب په خبره د پنجاب اسلام ده یواځی او یواځی د آي ایس آی فرمان تر هرڅه مخکی دوی ته تر ټولو سترقانون ده.
په درنښت.
هغه متل دی چی وایې تو غوږ دی سپی یو ووړ نو چی بی عقل وی هغه خپل غوږ نه ګوری په سپی پسی زغلی دطالبا نو له لوری دمکتبونوسوځول هم همدا سی دی چي پنټاګون ووایې چی طالبا نو مکتب سوځولی ګوډاګیان یې لکه دترږمۍ چغالان ټول ناری کړی وای طالبانو مکتب سوځولی نوره پوښتنه نه کوی چی دا رښتیا مکتب و او که دپي ار ټی دفتر یا پوسته وه نور نو عا قلانو ته اشاره په کار وی وخت مو نه اخلم والسلام جان ګل شیرزی
گرانه وروره
دیر دی شه پیزندلی دا د منافق بچیان. زه خو پدی باور یم چه شکر دی چه خدای ج په دی بی ناموسه قوم کی کوم پیغمبر ندی رالیژلی …که نه والله که می پری ایمان راوری. خدای ج دوی او ایرانیان په خپل قهر او غضب اخته کری او هم دی په دنیا او اخرت مخ توری کری.
دادپښتو يو متل دى چې دچا ددرغلي په بدل کي ويل کيږي ،چي که دي زه وغولوم، ماته دي زيان راورساوو. زه به فرصت او موقع ته ګورم او وار به اخلم . ددي متل اصل اومنشاء داده چې کڼى اوبدونکو دچا ټغر جوړاوو.کڼي باف کسان ، خلک ښه نازوي،ښه ډوډۍ ورته ورکوي ترڅو يې ټغرونه ورته سم واوبي. دي سړي ورته يوه ورځ په شلومبوکې ډوډۍ ورکړي وه .شلومبى په افغانستان کي دغرمي له لوري يو معمولي خوراک ؤ.کڼي باف ورته وويل : ډوډۍ دې راکړه په شلومبي کي ،ټک به درکړم په کڼي کې . يعني په ټغر اوبدلو کې به دي کار وکړم …
دافغانستان په امريکايي اداره کې هم دشلومبو اوکڼي لوبه رامنځته شوه. انتخابات وشول، هغه هم هسي په نوم ،نه ملي وو او نه سراسري . هسي درغلي وه. يوه درغلي خو اصل انتخابات ؤ چي خلکو ګډون پکې ونکړ ،خو پيسي مصرف شوي ، تبليغات وشول او صندوقونه په يوه ، يوه لاس ډک شول . بل داچې هره يوه کانديد دبل په مقابل کې چل او فريب، درغلي او دوکه وکړه .خوکرزى چې روپۍ ورسره ډيري او امريکايي مرسته ورسره ښکاره وه، يو نيم مليون رايي يې غصب کړي. په دې غصب کې ورسره حکومتي لوړ پوړي کسان هم وو. کرزى ورته په بدل کې کابينه ورسره وويشله اوپه داځل کابينه کې يي دهغوى په ونډو ليست برابر کړ.خو مخالفين ،چي په درغليوکې هم ناکام شوي وو، د کرزي دادشلومبو ډوډۍ په ياد وه او دوى په شورا کې ورته کڼى جارکړ.
دکابينې درايې ورکولو په مهال، ورته يي دکڼي ټک ورکړ او تر دوه په دريمي زياته برخه کابينه يې ورته رد کړه. زما په خيال په دي کار کې چې دومره ډير وزيران رديږي، هم دي مفسدې ادارې عام له حکومت، شورا او قضاء څخه يو ريکارډ قايم کړ او دابه څووم ريکارد وي چي دافغانستان حکومت پکښې مډال اخلي، دفساد درجه ، دبي کفايتې درجه ،دمخدره موادو درجه ، دارتشاء او درغلۍ درجه…
دکابيني په رد کي نور عوامل هم وو.مثلا،دکرزي له خوا دشورى ددي دوري نه اوږدول چي شورا داغوښتل ترڅو تس په توره، نور هم دڅه مودي لپاره دمعاش په نوم دالر ترلاسه کړي . يانورسياسي ملحوظات،خويو خبره ښه شوه ،ځيني خلک پوه شول چي که په داسي مفکوره ،سياسي فعاليت کوي چي صبغه يي غير ديني يا ددين په خلاف وي ،په مسلمان ملک کي ځاى نلري ،آن امريکاپلوه خلک به يي لا دخپل غرض لپاره ردوي .په هرحال …
په دې کې هيڅ شک نشته چې دافغانستان په اوسنۍ اداره کې دواړه لوري ،کرزى او مخالفين يې ديوه آس غوږونه دي . دواړه دامريکايانو ملګري او دهغوى په راوستلو کې يو تر بل سره وړاندي کيدل . فقط تز او انتې تز يې دامريکايي دوستي په سيالي کې ده، هريو غواړي ددي پردۍ ادارې په يوه کونج کې داسي ځاى ولري چي استعمار ته پکې ډير خدمت وکړاى شي او ډيرڅه ترلاسه کړي …
عجيبه داده چې شورا دکرزي په مقابل کې، داسي اتفاق ته ورسيدله چي ان ځينې وړ شخصيتونه يې لا دکرزي په دښمنې کې رد کړل . خو دامريکايي بمباريو، وحشتونو او ظلمونو په مقابل کې يي تر اوسه په يوه خوله خبره ونکړه او نه يې په اکثريت داسي څه وويل چې، امريکايان دي بې دفاع خلک نه وژني . دشپې دې په الوتکو او توپونو دخلکو ژوند نه ناارامه کوي. خلک دي دخپلو کورونو ترمخ نه وژني او دامعصومې ميرمنې دي دبوش په سپيو نه داړي او….
رښتيا دخپلو منافعو په هکله سره متفق دي اما دملت دګټو ، دهغوى دارامې او دامريکايي وحشت دمخنيوې په هکله سره خوله،خوله او دقرآن کريم په خبره:{ فَتَفْشَلُواْ وَتَذْهَبَ رِيحُكُمْ .}ځاى ته رسيدلي دي .
دکابينې رد کولو وښودله چې په انتخاباتو کې جعل کاري وشوه ،دکرزي برخه پکې ښکاره وه ، دهغه ملګرو لا سر پکې وخوړ. که څه هم ځينې به پکې اهل خلک هم وو خو دهغې درغلۍ له امله رد شول. دوچ کرزي له امله لانده وزيران وسوزيدل .د استعمارکار او ملګرتيا همدغسي ده .
امريکايان دملت له خوا رديږي او نژدې ده چې ژر تيښتې ته چمتو شي. خو ملګري به يې هم ورسره تيښتي ته مجبوريږي . اوس چې دامريکا په زور په ملت باندې تپل شوي، بيرته به ورته راقى شي . داچې شورى په ګروپې مقابله کې، وزيران ردکړل، ملت به په ملي روحيه دا دواړه(حکومت او شورى) رد کړي . داوخت نژدي دى . انشاء الله .
دا اصطلاح اوس دومره عامه شوې ده چې آن دتيري کوونکو په خوله لا هم د ورد په څير جاري ده. داخبره داښيې چې امريکايان په خپلو معنوياتو ،جنګې مورال او سياسي کړو ، وړو کې دي ځاى ته رسيدلي دې چې ددوى ماتې په افغانستان کې حتمي او ددوى دامپراطوري هديره هم افغانستان ده . خو دلته راته دا پوښتنه ضروري ښکارې چې ولي امپراطورۍ په تيري راځې او بيا ولې ماتې خوري؟ دنشه اى روسانو او امريکايي شرابيانو په څير ديوه جسد وينې، بل ورباندې روان وي…
دافغانستان جغرافيايې موقعيت داسې جوړ دى چې له يوه لوري دتجارتې کاروبار ديوه څلور لارې حيثيت لري ، له بلې خوا په سوق الجيشي لحاظ دسنګر په څير دی. که څوک پکې ځاى ونيسي ،بل ورباندې ورتلاى نشي . همدغه موقعيت يې دى چې امپراطورې ګانې ورته هوسيږي، څوک له شمال څخه ورباندې بريد وکړې جنوب ته لاره پرانيزي او څوک دجنوب څخه بريد وکړي شمال ته ورباندې رسيدل غواړي . څوک له غرب څخه شرق او څوک يې په عکس تکل کوي. خو تر اوسه کومه امپراطوري په دې بريالۍ شوې نه ده چې دلته پکې ځاى ونيسي او دبلې امپراطورۍ مخه ډب کړي. کله ، کله داسې شوي دې چې په کمزوري ځاى دويش چاړه کښيږدي ،شمال ، جنوب ، شرق او غرب يي راوسکڼې . همداسي سازشونه دې چې روسانو او انګريزانو ټوټې ورڅخه سکڼلي دي، اما ټوله قبضه يې ورباندې راغلي نه ده.
تر اسلام وړاندې يونانيانو او فارسيانو دلته يرغلونه کړي او ان دهند دنيولو لپاره يي همدا ميدان او معبر ګرځولى دى . خو هيڅ يې کړې نه دي. ديونانې امپراطورۍ ، افراد او پوځونه دلته ختم شول.
دافغانستان په شمال کې ديونانيانو پوځ پاته شو،مرکز يې جوړ کړ ،خو دتاريخ په تيريدلو يې نه کوم فرد يونان ته لاړ او نه يې اوس دلته ديونانې قوم په نوم څوک شته ، له امپراطورۍ سره ،سره يې فرهنګ او تاريخ هم ختم شو ان دلته نژاد يې لا خلطيت او دهويت بدلون ته اړ شو.
فارسيانو که څومره بريدونه وکړل هغومره يي مقابله شوې ده.
د اسلام تر راتلووروسته، په نړۍ کې خورا خونړى چنګيزې تيرى و چې په وحشت کې يي دتاريخ په هنداره کې مثل نه ليدل کيږي.
دهمدې وحشې تيري په وړاندې هم افغانستان و چې مقابله يي وکړه . دسلطان محمد خوارزمشاه زوى، جلال الدين افغانستان ورته سنګر ونيو او په باميانو کې دچنګيزې وحشي پوځ دزرګونو جسدونو په منځ کې يې دلمسي جسد هم ليدل کېده . دسيف کلا تاريخې مقابله هم هغه تاريخې حماسه ده چې دچنګيزيانو دماغونه يې ورته خراب کړل .
دوروستنيو پيړيو امپراطورې چې دبريتانيا ستره امپراطورې وه ، رښتيا هم له اروپا رانيولي تر اسيا ،افريقا او امريکا پورې يې دومره خاورې نيولې وي چې شپه ورباندې نه راتله ، که به يې په شرقې څنډه کې لمرولويد په غربې څنډه کې به راوخوت. له شرقې اسيا ترامريکاپورې انګريز مسلط و.
خو په افغانستان کې همدا ستره امپراطورۍ ،دهندې پوځونو په ملګرتيا نژدې يوه پيړۍ وجنګېدله ، هغوى غوښتل دافغانستان په خپلولو داستعمارې روسيې پولو ته ځان ورسوي او دمنځنۍ اسيا زيرمې خپلې کړي ،خو دانه چې هلته ونه رسيدل، بلکې دلته يې لا ککرۍ وخوړې. له سلامت پوځ څخه يې يو تن د ډاکټر برايدن په نوم ژوندى پاته سو . بل ځل يې په ميوند کې ککرۍ له ډبرو ولګېدلې او په وروستنې ځل يې دافغانستان داستقلال په رسميت پيژندلو سره يې امپراطورۍ سوړه وکړه. افغانستان لومړنى هيواد ؤ چې ترې ازاد سو او دنورو هيوادونو دازادۍ لاره يې ورته پرانيستله .
روسانو پخوا له دې چې کمونستې بدلون پکې راشي ، لايې دافغانستان نيولو ته بډوګې خوږيدل ، څنډو ته يې ځان رارسولى و او دکمونستانو په رامنځته کيدلو يې دا عمل ګړندى کړ. افغانې پوځ يې په روسې وسلو مجهز کړ ، پوځيان يې وروزل، دملکې محصلينو لپاره يې دروزنې زمينه مساعده کړه ، حکومتې واکمنان يې واخستل. په شاهې کورنۍ کې يې خواخوږې وموندل. دخلق ،پرچم او ستم په نوم کمونستې ګوندونه يې جوړ کړل، اقتصادي پرواګرمونه يې په حکومت وتپل او …
لنډه داچې دکودتا او بيا مستقيم اشغال لپاره يې خورا ډير کار وکړ ،ترڅو يې په ١٣٥٨ هـ کال په لومړي ځل د ١٠٥ زره پوځيانو په بدرګه حمله وکړه ، حکومت يې خپل و، پوځ يې خپل و، خو افغانانو دايمان په قوت ورسره مقابله وکړه . پنځه لکه روسې پوځيان دلته راغلل او ولاړل . سرحدونه ورته خلاص،فاصله يې لنډه وه ، امکانات ورته برابر وو خو چې يوه لسيزه يې لا پوره شوې نه وه ، پښېمانه شول .
په توبو شول ، يو په بل يې خاورې اړولې ، تره کي ،امين او نور کمونست عناصر يې قربانې کړل. ببرک يي ذليل او ګوښه کړ تر څو يې نجيب دې ته اړ کړ چې دټولو کمونستانو په ځاى توبه وکړي ، اسلام او ملت دځان لپاره ډال کړي ،خلک وغولوي او دنظام په بدلون دڅو شپو ژوند واخلي.
خو دعامې کليې په تقاضا ، له استعمار سره يي لاس پوڅې هم ختميږي…
دروسانو هر څه ختم شول ، درسمي ارقامو په حساب يې ديارلس زره جسدونه او پنځه څلوېښت زره زخمې او ناروغ پوځيان بيرته بوتلل او نو رچې ترې ورک سول په هډوکو يې شيلي ډکې شوي . روسانو دجينوا په خبرو ځان ته لاره جوړه کړه ،پاته عسکر يې ووتل خو له سياسې خلکو سره يې پوځيانو هم پښيمانې وښودله او دحيرتان په پله يې دخپلو مشرانو حماقت دوروستې پوځې په ژبه اعلان شو.
عجيبه داده چې له انګريزانو څخه هم افغانستان لومړى استقلال تر لاسه کړ او له روسې کمونستې بلاک څخه هم ؛چې ورپسې يې دوارسلا بلاک هم مات شو. شوروې اتحاد يې ړنګ شو، هيوادونه ټول سره بيل شول .ځينې خو يې لا آن دغرب بلاک، ناتو ته پناه يووړه .
نن سبا امريکايان راغلي ، تيري يې کړى دى. په خپلو ګوډاګيانو، دشاه شجاع او ببرک تمثيل کوي ، خو امريکايانو ته دروسانو لس فيصده امکانات هم برابر نه دي.نه ورته دخلق او پرچم په څير ګوندونه وفادار دي، نه ورته جوړ پوځ پاته دى ، نه ورته لاره لنډه ده او نه هم سرحدونه ورته خلاص دي. په پاکستان کې يې کاروانونه خوندې نه دي، ايران ورته ددښمنې په سنګر کې ناست دى او له خورا ډيرې مجبورۍ له خپل تاريخې دښمنانو روسانو څخه دلارې مرسته غواړې .خوپه دې امکاناتو ګمان کيږي،د استقرار په ځاى، دفرار فکر ته رسيدلي او که يې فرار ته ترقرارترجيح ورنکړه ،نو بيا خو يې رښتيا هم افغانستان هديره ده . ددې مدعا دثبوت او تائيد لپاره، ديوه امريکايې جنرال دا اعترافونه چې له بهرنيو منابعو څخه ژباړل شوي دی ،وګورئ :
دیو ه امریکایي جنرال اعترافات
افغانستان دمنځنى آسيا هغه هيواد دى چى له څلورو خواو په وچه محاط او سمندر ته لاره نه لري دغه هيواد ته په تاريخى لحاظ دامپراطوریو هديره هم ویل کیږي، دامپراطوریو دهديرې اصطلاح امریکایي جنرال (پيټرياس) هم دافغانستان لپاره استعمال کړى دى کوم چې له څوکلونو راهيسې د ناټو له لښکرو سره یوځای په افغانستان کې دخلکو په وژلو او دهغوﺉ دشتمنيو په لوټولو لګيادى.
نوموړی وایې چى افغانستان ته ولى دامپراطوریو قبرستان ویل کیږي ؟!
ځکه دلته له کال ۲۳ قبل المیلاد څخه تراوسه دنړۍ څو مستکبرې امپراطورۍ له منځه تللې .
اسکندر مقدوني دلته ماتې خوړلې ، صفوي اوچنګیزي لښکرې همدلته تباه شوې اولهغه راوروسته دانګلستان دوخت داستعمارى قدرت نوبت راغى څوځلې چې له افغان مجاهدينو سره په ډغرو شول په زرګونو او لسګونو زرو مړى يې پر يوتل او دوى ترې وتښتيدل .
له انګلستانو وروسته دشوروى اتحاد دکمونستى امپرياليزم دوره راغله او پرافغانستان يې پربنډ تيرى وکړل روسان هم له لسو کلونو جګړو وروسته خپل لسګونو زره مړي، ويجاړ تجهيزات او په سلګونو زره معلولين دجنګ په ډګر کې پريښودل اوله دې هيواده وتښتيدل، مګر په دې ټولو استعماري قوتونو کې يو يې هم بريالى نشو چى افغانستان لاندې کړي…. اوس ديو امریکایي په توګه زموږ په ذهن کى دا پوښتنه راولاړيږي چې موږ دلته څه کوو، څه غواړو اوانجام به موڅه وي؟! اوبامه د څه لپاره هلته نور ۳۰۰۰۰زره تنه پوځ ليږي؟ آيا داضروري ده چې افغانستان دې د امریکایي پوځيانو هم قبرستان جوړ کړى شي؟! لکه چى ويتنام لامخکې د امریکایي پوځيانو دقبرستان وياړګټلى دي!!
جنرال ((پيټرياس)) ويلي دي : (( که په خلاصوسترګو حقايق ووينو موږ يو سلطنت يو او په يو استعمارى جګړه کې ښکيل شوي يو او پريو کمزورى قوم خپل فرهنګ په زور تپل غواړو، سربيره پردې موږ دا هم غواړو چى دهغوﺉ له طبيعى منابعو څخه هم ترخپلې وسې ګټه واخلو، ګوياموږ غواړو هغوﺉ استثمار کړو، لکه چى په تير تاريخ کى هم همدغسې شوي دي، دنورو هيوادونو طلا اوتيل مو لوټ کړ، ځکه چى د امريکا داستعمارى دورى پيل هغه وخت وشوه چې امريکا له هسپانيې سره په جګړه شوه، ١٨٩٩ له هغه وروسته دمنځني او جنوبى امريکا په اړه مو دټوپک دشپيلى ډپلوماسي خپل کړه .
په ويتنام کې له ترخې تجربې له ترلاسه کولو نه وروسته په کار داوه چې استعمارى سياست پريږدو، مګر په دې اړه له مجرمانه غفلت نه کارواخيستل شو، اوبامه ته مناسب ولکه چې څنګه يې په خپل انتخاباتي مبارزو کې ملت ته وعده ورکړې وه دعراق په اړه يې امريکايې استعمارى سياست پريښى واى، اوس مهال زموږ ٧٠٠ زره پوځ دنړۍ په وچه او سمندر کې ميشت دي، که چيرې دوى د امريکا په حدودو کې واى اوله امريکا يى دفاع کړى واى، ټوله نړۍ به يې شاته ولاړه اودغې استراتيژى ته به يې صحيحه استراتيژي ويله، په داسې حال کې چى موږ دنورو هيوادو په حدودو کې دځينو نورو پرضد جنګيږو، بربنډه خبره ده چى موږ تيري کړى په غلط يو، په دوهمه نړيواله جګړه کې موږ معقول دريځ درلود، ځکه موږ تيري کوونکي جرمنان او جاپانيان له خپلې خاورې ويستل او په دې لاره کې جنګيدو… موږ په افغانستان کې اوس مهال له نوى دښمن سره چې مجاهدين يې بولې جنګيږو ، صحيح ده چې دوى به دخپلې عقيدې او نظر يې پراساس نظريات لري داخو په دوﺉ پوري تړلې موضوع ده ، خوایا دوﺉ په ریښتیا د امريکا لپاره خطر دي؟!
دلته بيا هم هماغه پوښتنه راولاړيږي چې آخر زموږ مقصد څه شى دى، موږ نورو څو سوويازرو امريکايانو وينه تويول غواړو چې د افغانستان مځکه پرې خړوبه شي؟! تراوسه پورې به حتماً د امريکايي پوځيانو دومره هډو کي په افغانستان کې راټول شوي وي چې د امريکا دسلطنت هديره ورته ووايو، موږ چې څومره بى ګناه عراقيان او افغانان د امريکا دورلډټريډسنټر دقربانيانو په بدل کې وژلى دي، دوژل شوو افرادو شمير ددى سنټر له قربانيانو څخه څو چنده زيات دى… تر دى وروسته له موږ سره پرته له دى نوره چاره نشته چى دافغان ملت پرټپونو مرهم کيدو، له هغوﺉ نه په دواړو لاسو معافي وغواړو او څومره ژر چې کيږي ځو ړند سرونه افغانستان پريږدو، که په افغانستان کې دافغانانو ترمنځ اختلاف شته هغوﺉ به په خپله خپل اختلافات پای ته رسوي.
سیدسعید
له بده مرغه چي د۲۰۰۹ زکال په وروستۍ (ډسمبر)میاشت کي هم دتېرومیاشتواوکلونوپه څېردافغان ولس په وړاندي دصلیبي تاړاکګرودبمبارنو،وژنو،نیونو،چاپواوډول ډول وحشتونولړۍ روانه وه .هو! پدې میاشت کي هم دهیوادپه ګوټ ګوټ کي دمتمدنوترهګروپه ړندوبمباریواومخامخ ډزوکي ډیري ښځي کونډي ،مندي بوري اوماشومان یتیمان سول اودغه رازدبیچاره هیوادوالوزیات ابادکورونه اودکانونه وران مسجدونه اومکتبونه یې ویجاړاوله خاوروسره برابرسول .دثبوت لپاره به یې په لاندي کرښوکی څوهغه نمونې چي رسنیونشرته سپارلي دي وړاندي کړو.
دډسمبرپر۸مه نېټه رسنیوخبرورکړچي :صلیبي قواوودلغمان ولایت مرکزمهترلام ته څېرمه دهرمول اوقاسم بانډې په سیموکي دیولړعملیاتوپه ترڅ کي «دوولس »تنه ملکي هیوادوال شهیدان کړي او«څلور»تنه نوریې بیابندیان کړي دي چي، په غبرګون کي یې دعامووګړو لخواپه لغمان اونوروسیموکي دبهرنیوځواکونواودولت پرضدپراخ لاریونونه ترسره سو ل اوغوښتنه یې وکړه چي ژرترژره دي دادولس قاتلان محاکمه کړل سي اوپه اینده کي دي دداډول پیښومخه ونیول سي کنه نودملت قهرته دي انتظاروباسي .دغه رازدهمدې میاشتي پر۱۳مه بیادیادسوي ولایت په الینګارولسوالۍ کي دیرغلګروله لوري په ورته عملیاتوکي «پنځه »تنه ملکي وګړي شهیدان سول .رسنیودسیمه ییزوخلګوپه حواله خبرورکړچي وژل سوي کسان ټول ولسي خلګ دي .په وینایې چي دپیښي پرمهال طالبان په یاده سوې سیمه کي بیخي موجودهم نه وو.
دغه رازپر۱۸مه یې بیادارزګان – کندهارپرلویه لاردملکي خلګویومنی موټرپه نښه کړچي ،په موټرکي سپاره« درې »تنه ملکیان یې شهیدان اویوښځه او«درې »ماشومان یې ژوبل کړل .
پر۲۳مه یې دپکتیاولایت دزرمت ولسوالۍ دګلدادخیلوپه سیمه کي دیولرعملیاتوپه ترڅ کي «درې »تنه شهیدان کړي اویوشمېرنوریې بیاپه سپیوداړلي دي .پیښه چارواکي هم تائیدوي اودجزئیاتودورکړي څخه ډډه کوي .خوملکي خلګودپیښي دغندني ترڅنګ ګواښ وکړچي ،که دورته پیښومخه ونه نیول سي نواړدي چي سیمه پریږدي اوپه وسلوال مخالفت لاس پوري کړي .
دغه رنګه ددې میاشتي پر۲۷مه یې بیادکونړولایت دنرنګ ولسوالۍ په باډیل دره کي «دیارلس »تنه ولسي وګړي چي «اته »کسه یې دښونځۍ تنکي زده کونکي ووپه ډیري بې رحمۍ سره شهیدان کړل .دکونړوالي فضل الله واحدي رویټرزاژانس سره په مرکه کي دملکي وګړووژنه تائیدکړه اوزیاته یې کړه چي :داعملیات ددوی دخبرتیاپرته ترسره سوي دي .دکرز ي ادارې داسدالله وفاپه مشرتوب سیمي ته دیادي سوي پیښي دپلټني په موخه یوټیم واستاوه چي معلومه کړي وژل سوي کسان رښتیاهم ټول ملکیان دي اوکنه .نوموړي ټیم دپلټني څخه وروسته په ډاګه کړه چي وژل سوي کسان ټول ولسي وګړي دي .
پر۲۸مه ڼېټه یې بیا دپکتیاولایت دزمت ولسوالۍ دمموزوپه کلي کي دحاجي برات خان پرکور دیوې چاپې په ترڅ کي دنوموړي «دوه »زامن شهیدان کړي اویوبل زوي یې ورژوبل کړی دی .
پر۳۰مه یې بیادهلمندولایت دګریشک ولسوالۍ دمحمدزوپه سیمه کي دشپې لخواپریوکوردحملې په ترڅ کي« اویا»کلن سپین ږیری ژوبل کړی اودهغه «دوه »زامن یې دځانونوسره خپلواډوته بیولي دي .
دغه رقم پر۳۱مه یې بیالښکرګاه ته نژدې دباباجي په سیمه کي دبمباریوپه په پایله کي «اوه»کسه ملکي وطنوال شهیدان کړي چي «دوه »یې ماشومان وواوګڼ نوریې بیا ژوبل کړي دي .دوالي ویاندداوداحمدي پیښه منلې اودپلټني امریې ورکړی دی
دسوله ساتوجګړه مارانوپورتنیوجرمونوته په پام سره نورنوبایدهغه یوشمیرمبصرین اوشنونکي خپله اشتباتکرارنه کړې چي ؛همداوحشي اشغالګروته دسوله ساتوا ودافغان ولس اواسلام ضدرواني نارواجګړې ته یې دترهګرۍ ضدجنګ نوم ورکوي ،بلکي بایدخپل درانه مسؤلیت اورسالت ته په ځیرنه تورته توراوسپین ته سپین یعني اشغال ته اشغال اوپه وړاندي یې رواني ملي مبارزې ته دخپلواکۍ دسپېڅلي جګړې په نظروګوري اونورولارورکوته هم بایدروښانه کړي چي، غربیان افغانستان ته دبیارغوني په نامه ؛خودبیارغوني لپاره نه ،بلکي دخپلوڅرګندواومرموزومقاصدواوشوموموخودترلاسه کولوپه غرض راغلي دي او پرافغانستان یې دنړیوالومنل سوونورمونواوپرنسیپونوخلاف یرغل راوړي دی . نوبناءهرپردین اووطن مین هیوادوال بایددهمدې اشغالګرواولاسپوڅوپرضدیې په روانه سپېڅلې مبارزه کي د شمولیت ویاړترلاسه کړي اودهیواددخپلواکۍ اوښېرازۍ اوداسلامي نظام دحاکمیت په خاطرپه ځان ،مال، ژبه اوقلم سره خپلوهڅوته دوام ورکړي ترڅوافغان کړیدلي ولس یوځل بیادامن ترسپین بیرغ لاندي دارام ساواخلي اوپه نړیواله سطحه په یوه ډاډمنه اوعادلانه فضاکي خپلي چاري سمبال اودیوښه راتلونکي لپاره مضبوط ګامونه اوچت کړي .
په تېرکي هم دکابل ادارې لخوادملکي وګړودمرګ ژوبلي دپلټني په اړه بې شمېره ټیمونه ټاکل سو ي اوسیمي ته لیږل سوي دي .دراستنیدوسره یاخوټول غیب سوي دي اوبیایې هیوادوالونوم هم نه دی اوریدلی اویاخویې که دپلټني رپوټ وړاندي کړي هم وي نودپیښي داصلي عاملینو(اشغالګرو)لخواپه شدت سره ردسوی دی .ښایې نورنودکابل دواک ددعوه لرونکوغولونکي هڅي هیڅ نتیجه هم ورنه کړي ،ځکه ولس ته په زبات ورسیدله چي دانمایشي واکمنان اوکاغذي اتلان آن دخپلوځانونوواک هم نه لري دنوروپه نغوته چورلیږي اوګړیږي چي ؛څرګندي بېلګې یې دیرغلګرولخواهمدا دښځواوکوچنیانودپرله پسې ډله ییزو وژنواونورونه بخښونکوجنایاتوتکرار اوپه اړه یې ددوی له لوري دمخنیوي مکرري ژمني یادولای سوچي یوه یې هم آن تراوسه لاپوره نه کړه .
شوردی دتکبيـــر،نــــارې غـــوږوتــــــه مي راځي
بيــالکه چي پيل شوه،په سرووينوکــــي بــــازي
دامســــلم ملـــت،دکفــــرجغ په څــــــټ کي نه مني
ځکه پاڅېدلي دي صافي،غلجـــــي،ځــــــاځـــــــي
نــــوردخوږياڼو،شينواروصبرختــــــم شوی دی
نــــــه شـــــي نـــــورمنلـــــی،دکافـــــروغمـــــــــــــازي
ګــــورئ هزاره،ازبک،تاجک راښورېدلي دي
هريـــــولکـــــه ببـــــر،دکابـــــل خـــــواتـــــــــــه راځي
چيغـــې دي،نـارې دي،اوازوکي تکبيرونه دي
ټول راښــــورېدلـــــي ورکــــوي دوکـــــه بــــــــــازي
نـــوردغـــــه غـداراسلام دښمن حکومت نه مني
دې ظالم رژيم کــــــي ترېنــــــــــــه ديــــن اودنياځي
کلک شه نبي خېله! په شاتګ دمسلمان نه وي
نــــن دي سعـــــادت دی که شهيدشوې که غازي
يوموټــــــی یــــواواز ولــــه زلمــــیان وه ستــــــړي ستړي
پـــــه غرو او پــه رودوکــــــي راروان وه ستـــــړي ستــړي
مخونـــــه یې دلمرپــــــه شـــــان لــــــه ورایــــــه ځلېــــــدلـــــه
ښایست یې دسپوږمۍ ولـوځـــوانان وه ستړي ستړي
بګـــــړۍ یې دتورپاج ولې، پـــــه لاس کـــي ټوپکــــونـــــه
ژړ رنګه یې ځوانۍ ،تنکـــــي ګـلان وه ستــــــړي ستړي
ختل وجګـــــوغروتـــــــه ،مور چلـــــــوتـــــه پـــــه ډاډه زړه
بهیـــردشـــــــازلمـــــوولـــــوزمــر یـــــــان وه ستړي ستړي
میدان تــه را وتلي وه په ښکار سترګــــي یـــې سرې وې
(جمال) پـــــه خوب لیدلــــي طالـــــــبان وه ستړي ستړي
سلام وروڼو:
ځینی وروڼو د بهرنیو ځواکونوپه خپل سرو یرغلونو رڼا اچولی ده . د یادولو وړ ده چه دبهرنیو ځواکونو دغه ړانده عملیات ټول افغانستان په کلکه سره غندی او دا اعمال یی ډیر فجیع او نه زغمونکی اعما ل دی چه دوی په تکراری ډول ملکی وګړی وژنی.
خو ددوی په دی اعمالو کی طالبان هم ور شریک دی دا ځکه چی طالبان هم ځینی وختونه په دوی غلچکی حملی کوی او بیا وروسته دملکی وګړو په هستوګنځیو کی پټیږی نو په دی اساس دوی ته هم د خپل حماقت له موجودیت سره سره یو څه بهانه هم ورته پیدا شی چه په دی اساس سره بی ګناه ملکی وګړی په تکراری ډول وژل کیږی.
غوره مثال یی داده: د هیواد په هغو شمالی ولایاتوکی چه د طالبانو فعالیتونه نشته نو هلته خو بهرنی ځواکونه نشی کولای ملکی وګړی ووژنی دا په داسی حال کی چه دغه بهرنیان خو هلته هم شته.
خو په هرصورت د بهرنیانو دغه ړندی بمباری او حملی و هیچا ته دمنلو وړندی او دا ددوی د حیوانی صفاتو څخه شمیرل کیږی.
شپېلۍ مي مه ماتوئ !
شپېلۍ مي مه ماتوئ !
دامي دخوږبدن دتېروخت حماسې ږغوي
دادوختونوداتل يوه ويرنه وايي
دزخمي شوي خوژوندي زړګي دهيلواواز
دتوپانونوپه سېلۍ کي چي له هرې خوانه
زمادغربت دغه جونګړه دغضب په کاڼو
په يوځل نه په څوڅوځله ولي
غواړي چي نه ږغېږم
زه مي دبرم کيسه هېره کړمه
زه مي دتېروخت دوياړونونکل
په توروشپوکي دنغري په خواکي
وکوم ماشوم بچي ته ونه کړمه
زه به دانه وايم چي زه يووخت کي
ددې نړۍ داتلانودکتارغړی وم
زماله هيبته دسکندرلښکرې ورپېدې
زماله همته ته دچنګيزلښکرې ولړزېدې
زه په اسياکي دجلال اودکمال نښه وم
زمانيکونوبه په وازکومي په وياړداويل
له ماتل اتل نه شته
زه به نواوس نوره به توبه کاږمه
هادنړۍ داستعماردغلامۍ له ګناه!!!
چي ماهيڅکله په ځان نه منله
داخولاڅه کړې مابه کوردبرنس وسوځاوه
مابه عياراومستکبرمکناټن
دنړۍ خورلښکرله منځه لاس تړلی بوته
مادنړۍ دمغرورانودلښکروچوپې
په کاڼوپوپناه کړې
زه به توبه کاږمه
زه دميونددډګرهاګناهکارزلمی یم
چي زمادتورې ځلاټوله نړۍ هيښ هيښ کړله
په څوګړيوايله نيمه ورځ کي
مادنړۍ داتل پښې ماتې کړې
زمادميوندهغه ملاله به اوس
له خپله سره سورسالوغورځوي
هاغه چي دي دسترميوندپرډګر
په لوړه چيغه چاته داسي ويل :
” ته په ميوندکي ځان شهيدکړه
زه به سورشال ستاپرزيارت وغوړومه ”
هاملالۍ به نوربياهغه ټپې نه ږغوي
هغه به نوردشهادت لپاره
ځوانان دننګ ډګرته نه رابولي
نوربه دننګ اودپيغورهغه زاړه وېيونه
هغه دتوري اودجنګ هامېړني وياړونه
زموږدکورګي دسترقاموس له منځه وايستل شي
اوملالۍ به دګناه دکفارې په توګه
ونړیوالوته دتل پاتي توبې په توګه
هادوياړونونغمه
هاپاروونکې ټپه
هادبري قومانده
نوره له خولې اچوي
نوربه شهيدزمادتروريزم داعي
اتل غازي دنړيوالوياغي
په نوي نوم اونوي راګ يادوي
هوزه هغه يم اوهمدامي ګنا ه
چي پرنړۍ يوسورښامارګرزېدی
په وازه خوله پرهرديارګرزېدی
نه چادبم په زورشړلای شولو
نه یې ټوپک باندي ويشتلای شولو
نه یې داتمه وه چي وبه ګرځي
نه يې خپل ځان ترې پټولای شولو
مادخپل رب اوخپل ايمان په توکل
دخپلواکۍ اواستقلال په تکل
دمېړنوپلرونووياړمن تاريخ مي
تکراراوه په هريوګام هريوپل
لوبه مي وګټله زه شوم اتل
هوزه فاتح شومه يوداسي فاتح
چي نه مي نوم اونه نښان وګاټه
نه مي زخموته چاپټۍ ورکړله
نه مي خپل کورکلی اوځان وګاټه
له سره ښاماره مي نړۍ خلاصه کړه
بس ماايله څيري ګرېوان وګاټه
دهوسونواوقدرت مرېيانو
زمااتلواله په اوبولاهوکړه
زمادګاونډدحريصانوټولۍ
زمادکوردبدبختانوغدۍ
زمایې کلی ړنګ کړزمایې کورپه کنډوالوبدل کړ
زمادکلي دعزت،ناموس بازارولګېد
زماټاټوبی ديتيم،کونډې انځوروګرزېد
زه نورلوټلی اوبې وزله شنوزوتلی غوندي
لکه لارورکی مسافرچي دسيليوپه يوغټ توپان کي
چيري يوغارکي دخلاصون په تمه
په ناهيليولاس ترزنې ناست وي
له ماژړااوخنداورکه وه په ځان حيران و م
زه پراولادمال اوناموس اوپرايمان حيران و م
بيايوه ورځ په يوناڅاپه ډول
زماله غرېوه،زماله درده،زماله له بدې ورځې
زمادافغان همت دوينوتيلو
زمادايمان په نورډېوه بله کړه
زمادخټين جومات په څنګ کي له هاخړې حجرې
درڼاګانويوکاروان تيارشو
په قرآني ګېڼوښايسته زلموټو
لکه دزاڼوکتارونه جوړکړل
لکه غاټول په يوسپېره بيدياکي
په ټوکېدويې ګاشنونه جوړکړل
کاروان موخپل،ساروان موخپل دنېکمرغۍ په هيله
دخپل ويجاړهيواددبيرته ابادۍ په هيله
مټې موبډوهلې څوغداران وشړو
زمادګټلي وياړپلوروونکي خائنان وشړو
دادکورغل اودبل مل ناځوانه
داورانوونکی دکابل ناځوانه
داپه نيتونواوعمل ناځوانه
نوپه دې کلي اودې کوردپاتېدلونه وو
نودشهيدملت له خواهيڅ دبخښلونه وو
نوردالوچه زموږدچم داوسېدلونه وو
دسره ښاماروغلامانوته یې لاس ورکړ
وپرزېدلي کمونيست ته یې بيااس ورکړ
دغليمانولاس وهنوته یې پاس ورکړ
کاروان روان وواورڼایې زياتېدله پسي
دابابيل غوندي په شګویې پيلان شړلو
چيرته چي ولاړپرهغه ځای به یې ګلان شيندلو
دتورتمونودنړۍ په زړه لړزه ګډه شوه
چيغې شوې شورشواوغوغاګډه شوه
دشوپرکوپه ټولۍ کي واويلاګډه شوه
درڼاګانوپه ليدوپتنګا ن وموسېدل
دقربانۍ په تکل ټول مومنان وخوځېدل
لړۍ لړۍ شوه نړۍ
درڼاګانولړۍ
دتورتمونولړۍ
دقربانيانولړۍ
دوحشتونولړۍ
تياره اوس خوځي اورڼاورکوي
شمع رپېږي پتنګان غواړي
پتنګ مجرم شولودشمع په ننګ
رڼاتياره دواړه اخته شول په جنګ
نړۍ تياره شوه درڼاځای شوتنګ
دتوروشپوپه ترږموکي زه پاشلي ستوري
راټولومه ورنه لمرجوړوم
په چيغوچيغوهلته دلته ژاړم
زه مي دورک کاروان رهبرلټوم
دکوم صلورغره پرسردنورپه هيله
درڼاګانوسرلښکرلټوم
زه دشپېلۍ په زړه غوني غږکي
دپلارنيکه دویاړهنرلټوم
شپېلۍ مي مه ماتوئ!
شپېلۍ مي مه ماتوئ!
دخوست وولسونواومجاهدينوله مرکزي دولت څخه خپلې غوښتنې په ډاګه کړې.
هغه درنه اولويه راټوليدنه ،چې دخوست ولايت دبيلابيلو ولسواليواوسيمو دلسګونوخلکو،جهادي شخصيتونو،قومي مشرانو،ديني عالمانو،دمدني ټولنې فعالينواودګڼوسيمه ييزو ،ملي اونړيوالو رسنيو دخبريالانواوژورناليستانوپه ګډون جوړه شوې وه . په پيل کې دجيدعالم مولوي ګل رحيم لخوا دفرقان مجيد مبارک اياتونه تلاوت شول ،وروسته دافغانستان دمجاهدينودملي يووالي اسلامي شورا ريس قاري عبدالولي عادل دغونډې پيليزې خبرې وکړې اوپه ترڅ کې يې په ۱۴ کلن جهادکې دافغانستان دخلکو بې شميره مالي اوځاني قربانۍ يادې کړې .
قاري عبدالولي عادل دخپلو خبرو په دوام وويل ،چې دمرکزي حکومت لخوا په ځانګړې ډول دلويې پکتيا دمجاهدينواوولسونوونډې اوبرخې ته پاملرنه نه کيږي ،دجهادد لارې دشهيدانواومعلولينوداولادونوروزنې اوپالنې ته توجه نه شته ، مرکزي حکومت دبهرنيانوپه اشاره په داسې حال کې ،چې مجاهدين علمي او اکاډميک شخصيتونه لري ، دحکومت دچوکاټ څخه کرارکرارګوښه کيږي دمرکزي حکومت حتی عادي پوستونو،سفارت خانو،ولايتونواو نوروبرخوکې ددوی ونډه په هيڅ شمارده . وروسته دموضوع په تړاو مولوي ګل رحمن خبرې وکړې اوپه خپلو خبرو کې دجهاد فضايل بيان کړل ، نوموړي وويل جهاد دمسلمانانولپاره دقيامت ترورځې دوام لري اوبايد ټول مسلمانان دجهادد اهدافو په درک سره دافريضه په ښه شان ترسره کړي.
مولوي ګل رحمن په خپلو خبرو کې له مرکزي دولت څخه دخوست دسيمې دخلکو اومجاهدينودونډې غوښتونکی شو .
په نوموړې غونډه کې يوشميرمجاهدينو،همداشان دډاکټرانواوروغتيايي کارکونکو په استازيتوب ډاکټرنوراغا احمدزي ، دژورناليستانودخپلواکې اتحاديې مشر اميربهير،دخوست ټولنيزدفترکوارديناتورنجيب الله الوخېل په خپل وار خبرې وکړې اوپه خپلو تايدي خبرو کې يې له مرکزي دولت وغوښتل ،چې دنوي حکومت په جوړښت کې دې لويې پکتيا دوولسونو ونډه پراخه شي، همداشان دهېواد ساتنې دلارې دشهيدانوداولادونو روزنې اوپالنې لپاره دې وړ شرايط برابر شي .
نوموړې غونډه ،چې دخوست ټولنيزمرکز ميديوتيک دغونډو اوکنفرانسونوپه خونه کې جوړه شوې وه دښاغلي کرزي ددويم ځل ټاکنې اوپارلمان ته دنوموړي لخوا دنوماندې کابينې ترمعرفي کولووروسته دخوست دخلکو لوموړنۍ ولسي غبرګون وو ،چې په نوموړې غونډه کې يې خپلې غوښتنې په ډله ييزه بڼه په ډاګه کړې .
ويناوالوګوتڅنډنه وکړه که چيرې ددوی روا غوښتنې ونه منل شي داساسي قانون دموداو په رڼاکې به په سوله ييزو لاريونونواومظاهرو لاس پورې کړي.
ميديوتيک –دخوست درسنيوکور
مسوول فاروق جان منګل
زاهد
ديره شه ليكنه!
رشتيا جي دوي همداسي دي
ددوي به اند له سرحده هغي لورته مجاهدين دي او دي لورته ورانكاري!!
ديره مننه شه ليكنه دي كري, به قلم دي بركت شه.
وروڼو کوشش کوی چی حقیقت ووایاست د جزباتو تر تاثیر لاندي مه راځئ.
نن مې بیاله مودو مودو وروسته زمادوطن دیواتل بچي اورښتیني مسلمان ملامحمدحسین مستسعد په مبارک نامه سترګې ولګیدې دهغه یادونه مې په ذهن کې راوګرځیدل ښایي ډيرسایټ کتونکي بیابه یې نه پیژني چې زمادغه اتل څوک دی خوزه یې ښه پيژنم تاسوباوروکړئ چې مستسعدنه په قوم راګډدی نه په ولایت اوسیمه اونه مې په ټول ژوندکې له نژدې لیدلی خوماچې دده لیکنې لوستې یامې له ځينوملګرودده دتقوا دیانت للهیت او عزم په اړه متفقه علیهاکیسې اوریدلې نه غایبانه پرې مین وم مادخپل ژوندلپاره نوموړی ایډیال ټاکلی دی اوانشاءالله دده سپیڅلي لارې ته به دوام ورکوم زمادده له انډيولانوهیله چې دده لیکنې اشعار اوناچاپ اثار خپاره کړي ترڅویې کتونکي له فیضه برخمن شي .
مستسعدځکه په غایب کې زمازړه یووړ چې داسلامي امارت په مطبوعاتوکې اوبیاخصوصاچې کله ده عزم مجله چاپوله نولیکنو یې یوخاص جذابیت او سوزاوګداز درلودچې دهغه دمتل مصداق وې چې که ازدل خیزد بردل ریزد …دده لیکنې همداسې وې دده سرشاره عزم سپیڅلي ارمان خلوص او باطني درد اوکرب ترې په اسانه معلومیده نوموړي ډیرښه صفات درلودل او دواکمنۍ په مهال یې ډیر ې ترشاپریښې دي .دی دوزیرمعاون وه خوکله چې په افغانستان اقتصادي بندیزونه وضع شول نوپه کابل کې به په سایکل ګرځیده اودموترتیل یې نه سول دده دیوه همکار په وینایوه ورځ دپل چرخي له جامع مسجدنه راووت چې ګوري په دروازه کې سوالګرو بیروبارجوړدی دی په زینوکې ورته ودریداوله جیبه یې دپیسونوټونه راایستل او اوپه سوالګرویې ویشل تردې چې ورسره پیسې ټولې خلاصې شوې دغه وخت یې نوواسکټ راوایست دسوالګرومنځ ته یې وروغوځّاوه اوپه خپله یې دسوالګروحال اوخپلې بې وسۍ ته په پام سره په چیغواوژړاپيل وکړاوهمدلته يې ښه زړه تش کړ…
دی په انګلیسي عربي اردواوفارسي ژبوله پوره برلاسۍسره سره ښه شاعرادیب اودلوړودیني اوعصري زدکړو خاوندوه په دې برسیره یوژوراومجذوب صوفي هم وه چې له نقشبندیې طریقې سره یې تړاودرلود.دخدای دغه صالح بنده څوکاله وړاندې دصلیبې یرغل په وړاندې په جهادکې په شهادت ورسیداوافغان مطبوعاتو یې په پوره بې پروایۍ خبرخپورکړچې دطالبانودعلومو داکاډمۍ مشردزابل په شملزوکې ووژل شو خبرنه چې په دې مونږ څومره لویه هستي له لاسه ورکړې وه ..آه خدايه
ګران مستسعده هیڅکله به دې هیرنکړم خواوس مې یوازې همداوس وه
په افغانستان کی تاسی حقیقت ته څه وایاست؟
افغانستان کی به درځو داحال روان یی؟
اى طالبانو اوتروريستانو ترڅو به ددغسي غوړو مقالو په ذريعه دولس په سترګو كي خاوري اچوئ ترڅو به لا داتورتم زموږ پرولس ستاسي دخواڅخه حاكم وي ولي دخدايه نه بيريږئ ولي توبه نه كاږئ كله بۀ دچوكۍ ،موټراوڅلوروښځونشې ستاسي دسره الوزي ولي حق ته غاړ ه نه ږدئ ټوله دنيا اودهيواد نوري حوزي او ښارونه ارام او قراردي خو پښتني سيمي خصوصا جنوب غرب حوزه تاسي دناروا او نامشروع وحشت ښكارګرځولي ده ايا په نورو سيموكي بهرني قواوي نسته كه علما نسته او يا هلته جهاد نه دى روا يوازي پښتانه خداى ددي لپاره پيداكړيدي چه جهاد وكړي هغه دكفاروسره نه دخپل ولس سر ه بچيان يي په ځآن مرګوپريدونو وژنئ ،مكتبونه يي سوزئ معلم ،شاګرد اوماموروژئ وطن مو ټول په كونډيانو اويتيمانو ډك كړ ، بس دى نو رتوبه وكاږئ دخپلو اعمالو څخه لاس پرسر سئ دنړۍ ډيرمسمان هيوادونه اسلامي امارت نلري مګر خداى ساتلي دي او هلته هم داسي جيد علما سته چه په وړاندي چه ستاسي ټول تحريك هم يوځاى سي جواب يي نسي ويلاى ولي هغوى پدي پوهيږي كه دخپلوحكومتونو پرخلاف راپورته سي نو امنيت ګډوډيږي عام خلك او دالله ج پندګان متضرر كيږي او ټولنه دستونزو سره مخامخ كيږي نو هسي نه چه زموږ جهاد دفساد وخواته ولاړ نسي او بيا يي مسوليت موږته راجع سي او دحشرپه ورځ به موږ جواب ګوى يو مګرتاسي دا عقل نلري نو هومره پوهه لري او كه يي وهم لري دځآن اختيارنلري ځكه ټول غلامان ياست دبادار په خوله روان ياست په ملك كي موفساد خپور كړيدى اسلامي خاوره مو دمسلمانانو په وينو سره كړيده خو په دي پوه سي چه الله ته په مخ تورئ ورځئ اوس پرافغان ولس ستاسي اوصليباموهيڅ فرق نسته هغه هم بمونه راباندي اوري اوتاسي هم دكابل كندهارترمنځ سړك چه دوي ورځي مزل غوښت پدي وروستيو كي ۶ ساعته لنډ سوى و هغه مو هم خراب كړ دلكونودالرو پلونو ديوه تانك لپاره تخريب كړ خداى ناترسو دغه سهولت او دغه ابادي مو پردي ولس نه لوريږي هغه موهم دپنجاب دهوس قرپاني كړ
ټولو وروڼو ته سلام!
وروسته له سلام څخه هخه ځینی وروڼو ته چه د پاک قلم په خوله ناوړه خبری لیکی یو وړاندیز لرم چه مونږ باید ځان ته دا حق ورنکړو چه بل ته سپکی سپوری ووایو او نه هم بی له دی چه له یو څه نه پوره خبر نه وو نو د هغه په اړوند یو طرفه قضغوت ونه کړو. په مننه
په افغانستان کې د جنرال مکرنان او جنرال ايکن بيري د ناکامي وروسته تيرکال سپنې ماڼۍ د پنتاګون تر ټولو سفاک جنرال مکرسټال په افغانستان کې د امريکې د يرغلګروپوځيانود عمومي قوماندان په توګه مقرر کړ. که څه هم دسپڼې ماڼۍ چارواکو اعلان کړه چې دغه کاریې په افغانستان کې د بيارغونې اود ړندو بمباريو څخه دولس د ژغورنې لپاره کړي خو په حقيقت کې مکرسټال د انسان وژنې او سړي تښتونې تور تاريخ ترشا لري. نوموړي په عراق کې د امريکې د خاصو عملياتو د قوماندان په توګه په زرګونو بيګناه انسانان تښتولي، ترور او شهيدان کړي دي. دده تر مشرۍ لاندې به د ناماکمپ او د ابو غريب په بدنام زندان کې ، عراقي مسلمانانو او مجاهدينو ته راز راز شکنجې ورکول کیدلې او ددغو جناياتو لويه برخه ترنن پوري د امريکې د ولس مشر اوباما د تيرکال د مي د مياشتي د يولسمي او ديارلسمي نيټې د فرمان په اساس دنړيوالو د انظارو څخه پټ ساتل شوي او ساتل کېږي.
دده د همدي اسلام دښمنۍ په وجه ، د امريکې ولس مشر اوباما مکرسټال د جنرال پيتروس په غوښتنه چې هغه هم د مکرسټال نږدي ملګري دي¸ نوموړي په افغانستان کې د پوځ عمومي قوماندان مقرر کړ.
دده تقرر په افغانستان کې د مجاهدينو په برياوو هيڅ ډول اغيز نه دي کړی او نه به یې وکړي خو دومره ورنه څرګنديږي چې امريکا د افغانستان نه علاوه په ګاونډيو هيوادونوکې د سياسي او نظامي مشرانو د تښتولو او وژلو پټ ، شوم او اوږد پروګرام لري.
د همدي د شمنانه عادت سره سم، مکرسټال زمونږ د هيواد په بيلا بيلو برخو کې د شپې له خوا د عامو وګړو له کورونو را ايستلو او په ډيره بي رحمي سره د وژلو لړي پيل کړه. د خوست ولايت د باغ ،خلبيساتو او يعقوبيو په سيمو کې امريکې خاصو قواوو عام ولسي خلک په لارو او کورونو کې شهيدان کړي او بيایې په سپيو داړلي دي.
په دي ورستیوکې د کونړ د نرنګ په ولسوالي کې امريکایې وحشي قواوو د ښوونځي تنکې ځوانان دشپې له خوا له کورونو راوايستل او بيایې شهيدان کړل. سږکال په اوړي کې په پکتيا، پکتيکا، لغمان، هلمند او قندهار کې ديته دورته پيښو رپوټونه ورکړل شوي چې هلته زمونږ په سلګونو هيوادوال د امريکې ديرغلګرو عسکرو له خوا شهيدان او بيا په سپيو داړل شوي دي.
لاکن دغه وحشت، سفاکې او ظلم مکرسټال ته هيڅ بری ور په برخه نه کړ بلکې دی تر خپل سلف جنرال مکرنان نه هم زيات ناکام وخوت.
سږکال د جنرال مکریستال د قومنانداني په دوران کې د هلمند په مجاهد روزونکې خاوره کې ، د خنجر او پړانګ د خپړې عمليات په پرله پسي توګه ناکام شول تردې چې اوس امريکایې او بريطانوي عسکر په لندن او واشنګټن کې د هلمند د نوم نه هم ويريږي. د هلمند ولايت دنوزادپه ولسوالي کې تازه عمليات یې هم د پخوا په څير د ماتې سره مخا مخ دي. د مکرستال انګريز مرستيال بريد جنرال نيک پارکر پخپله وایې چې مونږ د طالبانو په خلاف هرډول ابتکار له لاسه ورکړی دی. همداشان سږکال ، مجاهدينو په نورستان اوکونړ کې د امريکې يو شمير پخې پوځي اډې ونيولې،دکامدیش او برګ مټال ولسوالۍیې فتح کړې. او د کونړ د کوړنګل په دره کې یې دومره امريکايان د مرګ له کومي تيرکړل چې اوس په پنتاګون کې د مرګ ددرې په نوم شهرت لري.
په همدي کال کې د مکرسټال د قومانداني په اوږدوکې دامنيت او پرمختګ نړيوالي موسسې په افغانستان کې يوه سروې ترسره کړه چې د هغې له مخې د افغانستان په اتيا فيصده خاوره کې طالبان وجود لري پداسې حال کې چې ددي موسسې په قول دمکریستال د سلف جنرال مکرنان په وخت کې، مجاهدينو دهيواد په 72 فيصده خاوره کې شتون درلود. ددي موسسي رئيس او څيړونکې نورين مک دونالد وایې مجاهدين ورځ په ورځ په افغانستان کې خپل نفوذ زياتوي.
سږکال مجاهدينو د کابل په زړه کې د ملګرو ملتونو په وداني کې چېري چې د انتخاباتو د څارنې بهرني هئيت اوسيده، بريد وکړاو څوتنه بهرنيان او داخلي ګوډاګيان یې له مينځه يوړل چې د هغه په نتيجه کې ملګرو ملتونو اعلان کړه چې د امنيت د نشتوالي له امله خپل مامورين له افغانستان نه وباسي. په خوست کې د امريکې د سي اي اي د چامپ من په اډه وروستنی فدایي بريد، هغه پيښه ده چې د پنتاګون د قصاب جنرال ناکامي او د مجاهدينو کاميابي په واضح توګه څرګندوي.
په پاي کې مونږ مکرسټال او په پنتاګون کې د هغه نظامي مشرانو او په واشنګټن کې د نويو محافظه کارانو ډلي ته مشوره ورکوو چې تاسي د نويو ستراتژيو په جوړولو او د نويو جنرالانو په مقررولو، په چنګيزډوله وحشت او ظلم د افغانستان اشغال ته دوام نشي ورکولای. افغانستان د افغانانو کور دي ، افغانانانو ته یې پريږدﺉ.
تاسي خو ځان ته ديموکراتان او بشردوستان وایي، زمونږ بيګناه خلک د شپې له خوا له کورونو نه مه راوباسي او مه یې شهيدانوﺉ خو که بياهم خپلې دغې دهشت ګردي ته دوام ورکوﺉ او په دي کې خپل بری ويني، نو په راتلونکې پسرلي کې ولسي او جهادي غبرګون ته تيار شي چې هغه به له هغه څه چې سږکال مو وليدل ډير زيات او شديد وي.