افغان كركټ او په عرب اماراتو كې د اسيا شل اووريزه سيالۍ
	راپور : نعيم مومند	انځوريز البم

څرنګه چې ټولو ته جوته ده د روانې مياشتې په دوه ويشتمه په متحده عربي اماراتو كې د اسيا يي هيوادونو شل اووريزه سيالۍ پيل كيږي ٠ چې د اسيا دولس هيوادونه به پکې ګډون كوي ،او په دوه ډلو وېشل شوي دي ٠ A اوB
A= افغانستان ،چين ،هانګ كانګ، عربستان، سينګاپوراومتحده عربي امارات
B=بحرين ، قطر ، نيپال ، عمان ، كويټ اوماليزيا ٠
افغانستان په الف ډله كې دی او خپله لومړۍ لوبه نن له چين سره ترسره کړه او لوبه يې وګټله ٠
ددې سيالۍ ګټل د افغانستان لپاره ډېر اړين دي ، ځكه  يو خو له خپلې اتلولۍ څخه دفاع كوي او دوهم دا چې درې مياشتې وروسته همدلته په متحده عربي اماراتو كې د 2010 كال د شل اووريزو نړيوالو اتلواليو لپاره د غوراوي سيالۍ پيل كيږي ،چې هغې سيالۍ ته دافغانستان په سر لوړۍ ورتګ به د افغانستان په سيالو ډلو ډېره اغيزه (ډېراغيز) وكړي
دټولو افغانانو يوه هيله او غوښتنه ده چې خپل پياوړي اتلان د نړيوالې اتلولۍ په سياليو كې وګوري ،چې ېه 2010 كال كې  په وېسټ اينډيزکې كيږي ٠
نو ددې هيلې د سر ته د رسېدو پيل د متحده عربي اماراتو له سياليو څخه كيږي٠
دا سيالۍ بايد افغانستان وګټي ،ځكه چې افغان لوبغاړي دشل اووريزو لوبو سره ښه بلد دي او دافغان لوبغاړو خوښيږي چې تېزه او چټکه لوبه وكړي
خو د لوبو ګټلو لپاره بايد ښه پلانونه جوړ شي، ښه او تكړه لوبغاړي غوره شي ٠ موږ په لوبډله كې دوه ډېر تكړه بالران ښا غلى حميد حسن او پاوړى شاپور ځدراڼ لرو ، خو ددوئ تر څنګ په دې لوبو كې د دولت احمدزي او
هستي ګل شتون ډېر اړين دي٠ يواځې شتون يې اړين نه بلكې بايد روغ او رمټ وي ، كله،كله نا روغه لوبغاړى لوبډلې ته ډېر زيان رسوي ٠
او موږ څلورو تېزو بالرانو ته اړتيا لرو چې لوبې په پيل كې د سيالو ډلو لوبغاړي ژر،ژر وسوځوي٠ او همدارنګه د منډو جوړونكو په برخه كې هم بايد ډېر غور وشي چې ، څوک چېرې لوبه وكړي ؟
لكه د پيل لوبغاړو كې نور ځدراڼ په احتياط لوبه كوي نو بايد له هغه سره داسي لوبغاړى، لوبه پيل كړي چې لږ تېزې منډې خوړوي لكه ګران كريم خان او يا ښاغلى شهزاد مومند (محمدي) ٠  په دې سياليو كې افغانستان بايد له سميع الله شينواري څخه ډېره ګټه واخلي، په وروستيو اوورونو كې د هغه چټكه لوبه او تېزې منډې جوړول د افغانستان لپاره ډېرې ګټورې دي ،
كله چې څلور- پينځه اووره پاتې وي او د افغانستان كوم لوبغاړى وسوځيړي نو بايد سميع شينوارى راوباسي چې تېزه لوبه وكړي ٠
ما په خپل اند او سوچ  ددې سياليو لپاره افغان ميلي لوبډله غوره كړې ده هيله لرم چې دافغانستان کرېکټ بورډ  چاواكي به هم همدا لوبغاړي دې لوبو لپاره غوره كړي ٠  : نورځدراڼ ،شهزاد مومند،كريم خان،نوروز منګل ،نبي عيسا خيل ، سميع شينوارى رايس احمدزى ،حميد حسن ، شاپور ځدراڼ ،دولت احمدزى ،هستي ګل  ==++  ميرويس اشراف،که اشرف، اصغر ستانكزى او شفيق شفق او بله خبره زه د افغان لوبغاړو د نومونو په هكله كوم زما په اند هغوئ ښه نومونه لري، خو د نړيوالو  ته لږ ګران او مشكل دي دوئ اوس د خپل كور-كلي زلميان نه دي ، په نړۍ كې يې په سلونو زره خلك پېژني ٠
نو دوئ بايد خپل نومونه لږ اسانه كړي لکه : نور ځدراڼ ، شهزاد مومند يا شهزاد محمدي ، نبي عيساخيل ، كريم خان يا كريم صادق خو كريم خان به ښه وي ، سميع شينوارى ، اصغر ستانكزى ، شفيق شفق ، هستي ګل يا ګل عابد
او دا نومونه سم دي : نوروز منګل،حميد حسن ، ريس احمدزى ، شاپور ځدراڼ ، دولت احمدزى او ميرويس اشراف ٠  : كور مو ودان ستاسو د غبرګون په تمه : په ډېره پښتنه مينه :

يادونه :

لراوبر ويبپاڼي په هالنډ کي د افغانستان کرکيټ لوبډلي د سياليو د مهال هغه ۱۷ بېلابېل ويډيوي کليپونه پرليکه کړي چي ددوی لپاره د يوه ځانګړي پروګرام او نورو چارو په ترڅ کي عکاسي سوي دي ، که څه هم له تخنيکي پلوه به ډير ښکلي نه وي خو د لوبغاړو د مينه والو به ضرور مينه په ماتيږي ځکه هلته له د لوبو د ميدان د بدرګې د په زړه پوري کليپونو تر څنګ د لوبغاړو اتڼونه هم ليدلای سئ  ،په يوټوب کي لراوبر ووهی او دا کليپونه وګوری .

YouTube.Com/Larawbar