دولت هم دجګړې تاکتیکونه بدل کړي

په دې وروستیو کې دافغانستان په ګڼو سیمو کې جګړې ډېری شوی اودواړه لوری یوبل ته دزیان اړولو دعواکوی طالبانو دنصر ت په نامه عملیات پیل کړی او ایتلافی قواووې اودولت هم دخپلو چاڼیزو عملیاتو خبرې کوی .

په زړه پوری داده چی پرون دجوزا دمیاشتې۱۰ نیټه دغزنی ولایت داندړو ولسوالی دکلاخیلو په سیمه کې ددولت سپیشل فورس دپولیس ځواکونه سیمې ته دښځو په جامه کې په داسې حال کې ورننوتی چی دایتلافی قوواو مرسته هم ورسره وه اوهلته یی دبازارپه مینځ کی په طالبانو او اونورو خلکو ډزی کړی یو شمېر خلک یی وژلی اویو شمیر یی بندیان کړی دسیمی خلک وایی چی داعام وګړی دی خو دولتی لوری وایی چی نه موږ طالبان وژلی اونیولی .

په هرصورت دپولیسو دسپیشل فورس ځواکونه په داسی حال کې چی زنانه کالی یی اغوستی وی دخلکو په مینځ ورتګ یی دجګړی دتاکتیکونو یو نوی بدلون دی .

طالبانو هم څه موده مخکی دخوست په ښار داسې یو عجیب برید وکړی چی ساری یی تراوسه نه وو لیدل شوی دیرش تنه په یووار دخوست ښارته ننوتل چی چی پایله یی ټولوته څرګنده ده .

ددی خبرو مانا داده چی دافغانستان جګړه لانوره هم اوږدیږی او دواړه لوری دجګړی دتاکتیکونو په بدلولوسره غواړی بری ترلاسه کړی خو اصلی خبره داده چی دواړو لوروته افغانان وژل کیږی یولوری خو ادعا کوی چی زه له بهرنیانو سره جګړه کوم نه پوهیږو دابل لوری ځان ته څه امتیازورکوی اوڅه وایی چی ولی جګړه کوی ؟ دکورنیو چارو وزارت اعلان کړی چی دوی به هغه لس ولسوالۍ چی دمخالفینو په لاس کی دی دټاکنو ترمودې پوری دمخالفینو له وجود نه خلاصوی او په دی هکله هغه تاکتیکونه چی دوی به یی په کار یووسی هغه یی پټ ساتلی دی .

زما ویره هم له همدی وه چی یووار دعراق ستونزه افغانستان کې جوړه نشی او موږ یو پر بل ونه وهی چی له بده مرغه همداسې هم وشول .

دپورتنی مطلب دلیلکو هدف دادی چی دپیښو بدمرغی خلکو ته څرګنده شی اودجګړې دتاکتیکونو په بدلون خلک خبرشی خو افسوس چی بیا به دابدبخت افغانان څومره یوبل سره تباه کړی .

کاشکی داسې وای چې ټول افغانان سره متحد وایی او په یوموتی توب سره یی دبهرنیو دښمنانو په وړانې مبارزه کولای بیا به انشاالله داسې ځواک نه وای چی په افغانانو یی قبضه کړۍ وای . خدایه ته موسمې لارې ته هدایت کړی اوهغه څه راپه برخه کړې چې زموږ په کې خیر وی اوستا په کې رضا وی.