دطالبانو په ددو ډلو د ویشلو هڅې او دلیکوالانو کنفیوژن

د عدل ریګولېشن وروسته د طالبانو د لورې د وسلې د نه کیښودلو کړنې دې ډلې ته دومره زیان واړه وه چې نه یوازې په پاکستان ،بلکې په ټوله نړۍ کې هم ددې ټولګي په مخ هغه نوکارې راښکلې دکومو نوکارو په ذریعه اوس دغې څېرې ته په کتو سره د سړي غونی راځیګ کیږي ـ

طالبانو ته شاید دا یوه وړه خبره ښکاري (ځکه چې هغوي ددې نه غټو غټو کارونو سره عادي دي )خو دې کار هغو پوهانو،دانشورانو او لیکونکو ته غټه ضربه ورکړه چا چې تراوسه د طالبانو وکالت کولو ،دهغوي دپاره یې قانوني او منطقي لیارې ویستلې او ددې د جوتولو هڅې یې کولې چې څه طالبان کوي هغه امریکې ته د زیان د اړولو دپاره کوي ـ د بېلګې په توګه که دوي د یو پښتون سر پریکوی نو دا د مسلمان پښتون نه بلکې د یو” امریکايي جاسوس “سر پریکول دي ـ که دوي د پېښور په بازارونو او د شیعه ګانو په امام بارګاوو کې ځانمرګې حملې کوي نو هم په دې امریکا زوروي ـ که دوي د رحمان بابا مزار کې چاودنې کوي نو په دې هم امریکا ته غوسه وروستل غواړي ـ که دوي په هوټلونو حملې کوي نو دا ځکه چې دغو هوټلونو کې د امریکایانو غونډې کیږي ـ که مېرمنې وژني نو هغه هم د امریکا په انجوګانو کې کارونکی وژني ،خو که کومه پېغله یې په کوړو وهلی وي نو هغه هم یو ښه کار دی ـ ددې ټولو دپاره زمونږ د قبیلې دغه لیکوالان قسم ماقسم بهانې او تاویلونه تراشوي او تل خپلو لوستونکو ته دا ډاډ ورکوي چې نن د ی که سبا دی ،دا ملک د زرغون شا دی ـ بس دغه ده د امریکا اقتصاد ماتیدونکی دی او د افغانستان نه امریکا په تېښته ده ـ دوي په عراق کې د امریکا کامیابي هم په ناکامۍ بدلوي او ځان په دې مطمینوي چې ځه که خېر وي امریکا به ځي او بیا به من سلوی وي او زمونږ سر ـ

اوس دا چې ددوی دا ډول لیکنې او کړنې پخپله امریکا ته زیان څومره فایده رسوي دا ځانله موضوع ده ،خو دوي بې چاره ګان خپل “قلمي جهاد” سر ته رسوي ـ(ددوي په فکر قلمي جهاد هم دغه دی

د طالبانو دغه وکالت کونکي د تېرو څو اونیو راهسې ډېر زیات د ذهني کشمکش او کنفیوژن سره مخ دي ـ اوس ددوي سره د لیکولو دپاره څه نشته ـ هغه څه چې دوي د تېرو څو لسیزو راهسې ویل هغه ټول عبادت په یوه هوا برباد شو ـ کله کله خو بې چاره ګان د چا شاعر په کتاب لیکنه او تبصره ولیکي خو خبره په دې نه ختمیږي ـ یو خو دغه لیکوالان یو دوه نه دي دپاکستان د نیمايي نه زیات لیکوالان دي او بل دا چې د روزۍ مسله هم ده ـ که یې نه لیکي نغري کې یې درب راخیژي ، وایي کنه ملنګ وژنه مه ،کچکول ترې مات کړه ـ که د لیکوال نه دې قلم واخیسته حال به یې د ملنګ نه هم زیات وي ـ په دوی کې ځینو حوښیارانو خو ځان شپه په شپه بدل کړو یعنې قلمي سجده سهوې یې وکړه خو ځینې مالومه نه ده ولې دومره ضدیان شوي دي چې اوس زګ ته هم لاس اچوي ـ دې بې چاره ګانو تېرو څو ورځو راهسې یوه اصطلاح ایجاد کړی ده ـ چې ترمخه یې طالبان په څو برخو ویشل غواړي ـ یعنې مېډ ان بابر،میډ ان افغانستان،ایران ساخته،مېډ ان انډیا، میډ ان امریکا وغېره وغېره ـ اوس دا ایډیالوژي په تجربه ګاه کې پرته ده چې کومه تجربه او د کوم هیواد ساخت بریالی شو هغه به راوباسي او بیا پرې خبرې کوي ـ چې فلانکۍ ډله ښه ده او فلانکۍ نا ښه ـ دا تجربه افغان جهادي ګوندونو باندې یو ځل په بریالیتوب سره ازمایل شوې ده ـ

دا مالومه نه ده چې طالبان به ورسره دا مني کنه ـ ځکه چې طالبان ټول یو مسلمانان ورونه دي او د یو امیرالمومنین سره یې بېعت هم کړی دی ـ ددوۍ دښمن شریک دی ، که دوي د دنړۍ په هر ګوټ کې دي امریکا ته “زیان “اړول غواړي خو لکه ما چې مخکې وویل دا بېله خبره چې ددوي دا زیان امریکا ته زیان که فایده رسوي ـ دې لیکوالانو ته چې سړی زیر شي نو زړه یې پرې خوږ شي ،بې چاره ګان خپلو کې سره لاندې وتي دي ،طالبان یې تقسیم کړل که نه خو خپلو کې په ډلو ډلو ویشل شوـ چا ته لېبرل فاشسټ وايي ،چا ته میډیا ټریریسټ او چاته منځ لاري لیکولان وایي ـ دوي کې ځینې لیکوالان په دې شکمن دی چې که چېرې طالبان دوه وی نو اول به ې لکه د حکمتیار او ربانی صېب په خپلو کې سره مالومه کړی وایې ،دوي خو د یو بل خلاف اخباري بیان هم نه ورکوي ـ ددې کنفیوژن نه روسته دوي یو بل سوچ وکړي او وایې راشۍ د دوۍ مثبت اړخونه دنیا ته وښایو ـ خو چې دوربین هم راواخلي یو شی د بېلګې په توګه نړۍ ته نشي وړاندې کولې ،ځکه چې ددوۍ د موکلانو په عملنامه کې ددغي شي سخت کمی دی ـ دوي د خپلو موکلانو دپاره تاویلونو کتلو کې ډېر ماهره دی خو ځېنې وخت ددوي په پوره محنت ددوي موکلان اوبه واچوي او دوي خپلې شونډې چیچي او د ځانه سره وایې

که دشودو لختي پرې مات کړی

نېستۍ وهلی رنګ یې ځایې له نه راځینه

اوس ننداره دا پاتې ده چې دا لیکولان به خپلو لوستونکو ته دا قناعت ورکړي چې ددوي موکلانو کې چا خراب خلق هم ننه ایستي وو او اوس طالبان دوه ډوله دي ـ یعنې یو ډول ښه او بل ترهګرـــ

شاید ددوي لوستونکي د خپلو لیکوالانو سره دا خبره ونه مني خو بیا هم شاید د کوهي چنډیخان به دا خبره ومني ځکه چې د کوهي چنډیخان په زړونو مهرونه او غوږونو او سترګو پردې وي ـ هغوي کله هم د خپل عقل نه کار نه اخلي او تل د بل په اوږه پسې میاشت ګوري ـ دغه ډول خلق په کوم قام کې زیات دي ؟ په پنجابیانو کې؟په سندیانو کې؟ په مهاجرو کې؟ په بلوچو کې ؟ او که پښتنو کې ؟ددې پوښتنې ځواب به لوستونکي وکړي ـ