لراوبر ویب پاڼه لراوبر يو افغان – تازه خبرونه
د پښتونخوا ايالت د سوات ولسوالۍ طالبان وروسته له هغه د دې ايالت د بونير سيمي ته ورسېدل، چي تېره مياشت په سوات كي د سولي تړون ورسره لاسليك سو.
خبرونه وايي د مولانا فضل الله تر مشرۍ لاندي وسله وال طالبان له سوات څخه ۱۰۰ كيلومتره ليري د بونير په علاقه كي غرونه ته ختلي او هلته هم د شريعت د نفاذ غوښتنته كوي.
د پښتونخوا ايالتي او د پاكستان مركزي حكومتونو تېره مياشت د مولانا صوفي محمد په منځګړتوب د سوات له طالبانو سره سوله وكړه او په سوات كي يې د اسلامي شريعت تنفيذ ورسره ومانه.
د فضل الله طالبان وايي دا چي د بونير سيمه د ملكنډ ډيويژن برخه ده، نو هلته هم بايد د سوات په شان قانون نافذ سي، او دا په تړون كي د حكومت له خوا ورسره منل سوې وه.
بلي خواته د بونير اوسېدونكو له طالبانو څخه غوښتي چي له سيمي څخه بې ټك او ټوكه ووزي، كه مقاومت وكړي دوى به يې په مخالفت كي له حكومت سره ودرېږي.