لراوبر ویب پاڼه لراوبر يو افغان – تازه خبرونه
شاعــــــــــران يو په نغمو يادوو خدای
هم په ورځو هم په شـــپو يادوو خدای
شېـــخ د کاڼي په تصبو يادوي خـــدای
مـوږ د اوښــــــکو په تصبو يادوو خدای
پرون په لغمان ولايت کې دنوموړي ولايت د کولتور رياست په بلنه او نوښت يوه لويه ، له ولولو ډکه او ازاده مشاعره شوه٠
نوموړې غونډه د ماسپښين پر دوه بجو له دود سره سم د سپېڅلي کلام الله په تلاوت پيل شوه ، ورپسې د لغمان ولايت د >والي او د يوشمېر کولتوري او ادبي ټولنو پيغامونه ولوستل شول،تر پيغامو وروسته دنوموړې غونډې خوږ ژبي وياند ښاغلي نادر مخور دريځ ته د شاعرانو په را بللو د مشاعرې لړۍ پيل کړه ٠
په نوموړې غونډه کې پر لسګونو شاعرانو برسېره بې شمېره مينه والو هم برخه اخيستې وه چې په چکچکو يې غونډه رنګينوله،د برخه والو له خوا د ښاغليو الله يار تلاش، محمدعيسی سعد،عزيز تحريک، عبدالله صداقت، شهزاده شيرين زوی او د جګړه مار نجار شعرونه ډير وستايل شول، دغونډې په اوږدوکې د لغمان ولايت د کولتور رياست د مشر ښاغلي عبدالوکيل اټک له خواد لغمان ولايت درنو اوسېدونکيو ته د نورو ولاياتو په څېر دلغمان ولايت نه هم د يوې مياشتنۍ خپرونې د خپراوي زيری ورکړل شوو٠ همدارنګه پرېکړه وشوه چې په لغمان ولايت کې به هره مياشت د (الفت ادبي بنډار) په نوم يوه غونډه جوړيږي٠
غونډه د ماښام په تيارو کې د عصرېې په خوړلو پای ته ورسېده ٠ ياده دې وي چې ځوان ليکوال او د ختيځ خپرونې مشر عبدالوکيل اټک يوه اونۍ وړاندې دچارواکو له خوا د لغمان ولايت د اطلاتو او کلتور مشر وټاکل شو٠
