لراوبر ویب پاڼه لراوبر يو افغان – تازه خبرونه
نن د ننګرهار د هډې د کلي په لوی جومات کې د انسانيت د ستر لارښود او د اسلام د ستر پيغمبر حضرت محمد ص مبارکه زوکړه د يوې درنې او ديني غونډې په ترڅ کې ونمانځل شوه. په دغې مبارکې غونډې کې زرګونه مسلمانانو ګډون کړی واو د هېواد له ولایتونو سربېره ورته له ګاونډي هيواد پاکستان نه هم جید علما او نعت ويونکي رابلل شوي وو،چې هرتن په خپل وار د نبي کريم ص په سيرت او ژوند خبرې وکړې او نعت ويونکو د شعر په ژبه مبارک ته پیرزونې ډالۍ کړې.په دغه مبارک ميلاد کې دولتي چارواکو ته بلنه نه وه ورکړل شوې او دا ځکه چې کومه ګډوډي رامنځته نه شي. ياده دې وي چې هرکال د يادې سيمې په لوی جومات کې دغه راز پرتمينې غونډې جوړېږي او د ځايي اوسېدونکو لخوا زرګونه مېلمنو ته د غرمنۍ تابیا هم نيول کېږي