لراوبر ویب پاڼه لراوبر يو افغان – تازه خبرونه
په كندهار كي له نيژدې شلو ورځو څخه پيل سوى د فټبال ټورنمنټ د احمدشاه بابا لوبډلي په ګټه پاى ته ورسېد.
د كندهار د فټبال فدراسيون رئيس محمدنبي نيازي لر او بر ويبپاڼي ته وويل چي دغه ټورنمنټ يې د نشيي موادو سره د مبارزې رياست په مالي همكاري د كوكنارو پر ضد د كمپاين په توګه په لاره اچولى وو.
د دې ټورنمنټ وروستۍ سيالي چي نن د كندهار او احمدشاه بابا ليسې د لوبډلو ترمنځ وسوه، دوه د يوه په مقابل كي د احمدشاه بابا ليسې په ګټه پاى ته ورسېده، چي د لوبي په پاى كي پر لومړي، دوهم، دريم او څلورم مقام لوبډلو بېلابېلي تحفې او لباسونه ووېشل سول.