لراوبر ویب پاڼه لراوبر يو افغان – تازه خبرونه
د افغانستان د معارف وزارت اعلان وكړ، چي د هيواد په جنوبي او ختيځو سيمو كي د هغو ښوونځيو د ساتني دپاره نوى پلان لري، چي د جګړو او طالبانو د ګواښونو له امله تړل سوي دي.
د معارف وزارت اعلان وكړ، چي د ډېرو سيمو له ځايي اوسېدونكو او سيمه ايزو شوراګانو سره يې خبري كړي دي او هغوى د ښوونځيو د امنيت ژمنه ورسره كړې ده.
د معارف وزارت د رسمي شمېرني پر اساس په افغانستان كي تېر كال د جګړو او ګواښونو له كبله ۶۰۰ ښوونځي بندي سوي وې، چي څلور لكه زدكوونكي يې له تعليم څخه بې برخي كړي دي.
بلي خواته د هلمند ولايت د ښووني او روزني رياست اعلان وكړ، چي د دې ولايت په سنګين او كجكي ولسوالي كي يې لس تړل سوي ښوونځي بيرته پرانيستي دي.
د هلمند د معارف چارواكي وايي د دولت له مخالفو وسله والو سره يې خبري كړي او هغوى ژمنه ورسره كړې چي په ښوونځيو، زدكوونكو او استادانو به يې كار نه لري.