لراوبر ویب پاڼه لراوبر يو افغان – تازه خبرونه
په شمالي وزيرستان کي د وروستيو بريدونو په ترڅ کې شپږ تنه پوځيان ووژل شول او ٣٠ تنه نور ټپيان شول.
د پاکستاني پوځ ټپيان سوي پوځيان د پوځي الوتکو په واسطه د درمنلي په موخه لېږدول سوې دي .
په شمالي وزيرستان کې چارواکې واېې چې د چارشنبې په ماښام د امنيتي ځواکونو دنژدې ١٥ گاډو يو کاروان له ميرانشاه څخه دزرمک په لور روان وو چې د لارې په اوږدو کې سيمه ييزو طالبانو له څيرمه غرونو څخه دغه کاروان تر بريد لاندې ونيوه .
چارواکي وايي چې په بريد کې ٨ گاډي په بشپړ ډول ويجاړ شوي دي .
سيمه ييز چارواکي وايي چې له دې بريد څخه وړاندې د ټل کلي په سيمه کې دوه بريدونه وشول چې د پوځ دوه گاډي يې زيانمن کړل خو ځاني زيان يې نه درلود.