لراوبر ویب پاڼه لراوبر يو افغان – تازه خبرونه
د خوست ولايت ختيځ ته په (ډېرې) نومې سيمه کې د ناټو او افغان ځواکونو د کمپاين پر يوه پيکپ ډوله موټر د وسلوالو طالبانو له خوا راکټي بريد وشو.
د خوست والي ارسلا جمال وويل دغه بريد د کمپاين پر موټر شوی چې ايتلافي ځواکونو ته يې خوراکي توکي لېږدول.
د جمال په وينا په ياد شوي بريد کې ٢ تنه سرتېري وژل شوي او يو تن بل ټپي شوی دی.
ذبيح الله مجاهد چې ځان د وسلوالو طالبانو وياند ښيي رسنيو ته ويلي چې دوی د کمپاين پر موټر بريد کړی او په موټر کې سپاره ٦ سرتېري يې وژلي دي.
خو ارسلا جمال بيا د طالبانو د دغې ادعا په ردولو سره وويل چې د کمپاين په موټرونو کې يوازې دوه يا درې سرتېري سپاره وو.