لراوبر ویب پاڼه لراوبر يو افغان – تازه خبرونه
د هرات چارواکي د دغه ولايت په ادرسکن ولسوالي کي د يوه ځانمرګي بريد خبر ورکوي.
د شمال غرب زون د پوليسو قومندان جنرال اکرام الدين ياور وايي پېښه د جمعې د ورځ په سهار د هرات او شينډنډ پر لويه لاره رامنځته سوې چي له امله يې د پوليسو يو افسر او درې سرتېري ټپيان سوي دي.
جنرال اکرام الدين بي بي سي راډيو ته ويلي چي د بريدکوونکي موخه د بهرنيو سرتېرو کتار و، خو هغوى د ځاني زيان نه دئ پکښي رسېدلى، بلکي يو موټر يې سوځل سوى دئ.
د نوموړي په وينا په دې پېښه کي د افغان پوليسو يو موټر هم له منځه تللى دئ.
خو د طالبانو وياند قاري يوسف احمدي بيا وايي په دې بريد کي يې اووه افغان پوليس وژلي دي.
دا په ٢٠٠٩ کال کي لومړى ځانمرګى بريد دئ.