پاکه ربه

د نجات لاره پيدا مو په ژوندون کړئ
د سيتم د لاسه خلاص می هر پښتون کړئ
د کينې او بد بختی ټول رابيرون کړئ
هر دښمن مو شرميدلي سر نګون کړئ
ليري پروت ټول مها جر بيرته راستون کړئ
خپل وطن ورته ګلشن غوندی زرغون کړئ
تداوي مو زخمی زړونه هم لړمون کړئ
دی حالاتو لر او بر ټول رابيرون کړئ
يو پښتون و بل پښتون ته دست رسون کړئ
پيدا ئی منځ کی احترام د مينی شتون کړئ
هره ليلا په قسمتو د خپل مجنون کړ ئ
ته ئی خلاص د فراقيو د بيلتون کړئ
ته پيدا ورته معارف ښکلی مضمون کړئ
لور په لوری ورته جوړ علمو پو هنتون کړئ
څوک چی بد کړي خپې ئې ماتي په پاڅون کړئ
مرده باد ئی په هر لوری د پښتون کړئ
پختونخوا می د ژړا نه په خلا صو ن کړئ
و هر کورته امنيت صلحه راستون کړئ
خپلی ژبي طابع داره هر پښتون کړئ
تل ازاد ئی نورو ژبو د بندون کړئ
پاکه ربه نور مو خلاص د غم جنګون کړئ
هر افغان په مينه موړ د خپل ژوندون کړئ
احمدشاه بابا ميدان ته بيا راستون کړئ
د شملو لښکری ډيري تر مليون کړئ
خوشخالخان خټک په تورا بيا بيرون کړئ
و هر لورته دښمنان مو په لړزون   کړئ
څوچی ژوند وی تل اباد زما پښتون کړئ
دغه سوال ربه قبول د خوار لټون  کړئ