لراوبر ویب پاڼه لراوبر يو افغان – تازه خبرونه
امريکايي ځواکونو د خوست ولايت په ښار کې د يو لړ عملياتو په ترڅ کې د افغانستان د کرکټ پخوانى اتل رحمت ولي وژلى دى .
ائتلافي ځواکونو نوموړى هغه مهال ووژلو ،چې کله ائتلافي ځواکونه دنوموړي کور ته ننوتل او پلټنې يې پيل کړې ، د پلټنو په ترڅ کې يې د کور ټول غړي يوې خواته کړل او رحمت ولي يې د کور يوې خونې ته ورننوېست ، هلته يې په خونه کې بمونه کېښودل او خونه يې په بمونو والوزوله ، چې په ترڅ کې يې رحمت ولي هم په خونه کې مړ شو .
د نوموړي يو بل ورور احمد ولي امريکايي ځواکونو له ځانه سره بندي بېولى دى او ټاکل شوې ده ، چې سبا ته به د خوست ولايت ځوانان د نوموړي د وژنې خلاف په خوست کې په مظاهره لاس پورې کړي .