لراوبر ویب پاڼه لراوبر يو افغان – تازه خبرونه
نن سهار د خوست ولایت په عليشيرو ولسوالي کي د ملکي وګړو پر موټر ماین چاودنه سوې او ګڼو کسانو ته چي ښځي او ماشومان هم پکښې دي مرګژوبله اړولې ده.
د خوست امنيه قومندانۍ وايي: “نن سه شنبه د راون لمریز کال د لېندۍ د میاشتې ۲۶ نېټه نن سهار ۵:۰۰ بجې د خوست ولایت د علیشیرو ولسوالۍ ابوښانو خوړ سیمه کي د ملکي خلکو سراچه موټر پسې ماین چاونه سوې ده”.
د چارواکو په خبره، په دغه ماین چاودنه کي لس تنو ته مرګ ژوبله اوښتي ده چي پنځه سړي، دوه زنانه او درې ماشومان دي او د پېښي سیمې ته ملي پولیس رسیدلي یاد کسان یې انتقال کړیدي.
د خوست د والي وياند طالب منګل وایي: “چاودنه د ملکي وګړو په سراچه موټر باندي سوې، چي دوی غوښتل د چرګوټي سیمې څخه لوګر ته د محمد علي په نوم د یو کس جنازې ته ولاړ سي، چې په لاره کي له دې وحشي پېښې سره مخامخ سول.”
په افغانستان کي د سړک غاړي ماين چاودني او هوايي بريدونه هر کال په زرګونوافغانانو ته مرګژوبله اړوي.