لراوبر ویب پاڼه لراوبر يو افغان – تازه خبرونه
په ډېره غازي خان کي د مسافرو د بس موټر او مازدا ترمنځ ټکر سوی چي پکي د پاکستاني سرتېرو په ګډون نهه کسان وژل سوي او ګڼ شمېر نور ژوبل دي.
د راپورونو له مخي له مردان څخه کراچي ته روان بس موټر په ډېره غازي خان کي د مازدا موټر سره ټکر سوی او په دغه ټکر کي پنځه پاکستاني سرتېري هم هلاک سوي دي.
په پېښه کي د يو ماشوم په ګډون يوه مېرمن او دوه نور کسانو هم ژوند بايللی دی.
تراوسه مالومه نه ده چي په پېښه کي څوک ملامت دی، خو تر ډېره د ترافيکي پېښو مسؤوليت د موټروانانو لخوا د ترافيکي اصولو نه مراعات ښودل کېږي.