لراوبر ویب پاڼه لراوبر يو افغان – تازه خبرونه
په قامي اسمبلۍ کي د وزيرستان د خلګو استازی محسن داوړ تېره ورځ پارلمان ته د خړ کمر د پېښي په هکله څرګندوني کولې چي پاکستانۍ ميډيا ئې رسنيز فعاليت بند کړ.
ښاغلي داوړ د خړ کمر په هکله وويل، چي هلته د پوځ لخوا بې ګناه پښتانه ووژل سول او پوځ دا ادعا کوي چي ګڼي محسن داوړ او علي وزير د پوځ پر چک پواينټ ډزي کړي دي.
ښاغلي داوړ وويل، که چيري پر علي وزير او محسن داوړ باندي د يوې ډزي ثبوت هم وموندل سو، نو دوی د پانسۍ سزا ته تيار دي.
د مي مياشتي پر ۲۶ نېټه د شمالي وزيرستان په خړ کمر سيمه کي پاکستاني پوځ د پښتون ژغورني غورځنګ پر کاروان بريد وکړ، چي ۱۶ کسان ئې شهيدان او تر ۳۰ زيات نور ئې ژوبل کړل.
کله چي قامي اسمبلۍ ته محسن داوړ د خړ کمر په هکله حقايق وړاندي کول په دغه وخت کي د پاکستان ملي ټلوېزون او نورو رياستي رسنيو چي د قامی اسمبلۍ خبري پوښښ ئې په ژوندۍ بڼه خپروی يو دم بند سو او د محسن داوړ وينا ئې پر ټلوېزون بنده کړل.
محسین داوڑ اسمبلی میں خڑکمر کے متعلق حقائق بیان کر رہے تھے کہ ریاستی میڈیا نے اسکا کوریج بند کر دیا اور سینسر کردیا۔
اس جھنڈے کے سائے تلے ہم ایک ہیں؟؟؟؟ دیکھ لیا— Manzoor Pashteen (@ManzoorPashteen) September 30, 2019
په دې هکله د پښتون ژغورني غورځنګ مشر منظور پښتين په يوه ټويټ کي ويلي، چي د خړ کمر د پيښي په اړه د حقيقت اورولو سره رياستي ميډيا خبري پوښښ بند کړ، تاسي وګورئ ايا د يوه بېرغ لاندي موږ ټولو ته يو ډول انصاف راکول کېږي؟