لراوبر ویب پاڼه لراوبر يو افغان – تازه خبرونه
نن سهار د ګلګيت بالستان په ديامر ولسوالۍ کي د ترافيکي پېښي له امله ۲۶ تنه ووژل سول او ګڼ نور کسان ژوبل دي.
د راپورنو په حواله په وژل سويو کسانو کي د پاکستان ديوځ سرتېري هم سته.
دغه پېښه د مسافر وړونکي بس موټر د چپه کېدو له امله رامنځ ته سوې ده، چې د زيات سرعت په خاطر موټر د چلونکي له کنټرول څخه ووتی.
دغه مسافر وړونکي بس تېره شپه د سکردو په نوم سیمې څخه د راولپنډۍ په طرف حرکت پیل کړی و، چي په لاره کي د غره سره ټکر سو.