لراوبر ویب پاڼه لراوبر يو افغان – تازه خبرونه
د پښتون ژغورني غورځنګ فعاله او د بشري حقوقو ملاتړې ګلالۍ اسماعيل د جون مياشتي له ۲۲ نېټې څخه لادرکه سوې ده.
دګلالۍ اسماعيل پلار پروفيسر اسماعيل وايي، چي د د جون له ۲۲ نېټې څخه ئې د خپلي لور سره تماس نه دی نيولی.
له دې وړاندي د پاکستان ځينو استخباراتي کړيو آغلي ګلالۍ ته اخطارونه ورکړي وه او ورته ويلي ئې وه چي ژوند ته دي خطر متوجې کېږي.
د بشري حقوقو خپلواک کمېسون د مدني فعالي او د پښتون ژغورني غورځنګ د مخکښي ګلالۍ اسماعيل د کورنۍ د ځورولو په هکله سخته اندېښمنه ده او پاکستاني رياست ته ئې ويلي، چي د آغلي ګلالۍ له ځورولو دي لاس واخلي.
د بشر د حقوقو سازمان وايي، پاکستاني استخبارات د مدني فعالانو او هغه کسانو پرضد د تشدد څخه کار اخلي کوم چي په سوله ايز شکل مبارزه کوي او د خپلو خلکو لپاره جائز حقوق غواړي.
ګلالۍ اسماعيل پلار پروفيسر اسماعيل وايي، لور يې د جون میاشتې د دوېشتمې نېټې نه بې درکه ده او دوي سره يې هيڅ معلومات نسته. نوموړي ویلي بيا هم رياستي ادارې وخت په وخت د دوي کور ته ورځي او دوي ځوروي.
د ګلالۍ اسماعيل پلار پروفیسر اسماعیل څو ورځې وړاندې په تويټر تور لګولی چې په ساده جامو کي د پوليسو او امنیتي ادارو کسانو د دوي په کور چهاپه وهلې، دوي ي ځورولي او ورته يې ګواښونه هم ورکړي.
د ګلالۍ اسماعیل پلار پروفيسر اسماعيل زیاته کړې چې د استخباراتي ادارو خلک هره ورځ په اسلام آباد کښې د دوي کور ته ورځي او بې ځايه تپوسونه کوي. نوموړي ویلي که د دوي کوم ميلمه هم دوي کره وي نو دغه خلک ترې پوښتنې کوي او ګواښونه هم ورکوي.
پاکستاني رياست د ګلالۍ اسماعيل پر ضد د ترهګرۍ مقدمه هغه وخت درج کړه، کله چي په اسلام اباد کي د لس کلني پرشتې مړی وموندل سو.
هغه مهال ګلالۍ اسماعيل پوليس په دې تورن کړل چي ددوی د غفلت له امله دا پېښه رامنځ ته سوې ده.
پاکستاني استخباراتو په همدې خبرو باندي د ځان سره بېولې ده او تراوسه ئې درک مالوم نه دی.