دوامداره رخصتي د اقتصاد او پرمختګ لپاره زهر دی

صيام پسرلی

له بده مرغه موږ یو له هغو وروسته پاتي هېوادونو څخه یو، چې د پرمختګ، سوله، پیاوړي اقتصاد او د ښه ژوند کولو ارمان لرو ولې کار ورته کم کوو. موږ د ځمکي پر سر یواځینۍ هېواد یو، چې ډېر وخت مو په رخصتیو کې تېریږي.

موږ په کال کې۳۶۶ ورځې لرو چې په دې ورځو کې موږ دوه ډوله رخصتي لرو.

اول: عمومي، دایمي او یا هم پلان شوي رخصتي

دوهم: نا پلان شوي او یا هم اضراری رخصتي

اول: عمومي، دایمي او یا هم پلان شوي رخصتي

۵۲ ورځې جمعه

۵۲ ورځي پنجشنبه: پخوا رسمي رخصتي وو اوس نیمه ورځ کار

۵۲ ورځي د شنبې رخصتي د خارجي او غیر دولتی اداراتو لپاره دی = اوس پوښتنه داده، چې د کوم قانون له مخې په یو هېواد کې دوه ډوله برخورد کېږي؟

۲ ورځي د نوي کال او د بزګر رخصتۍ

۱ ورځ د رمضان مبارک میاشتي رخصتي

۳ ورځي کوچنۍ اختر

۴ ورځي لوی اختر

۱ ورځ لسم د محرم

۱ ورځ میلاد نبی

۱ ورځ ۸ ثور د مجاهدینو د بریا ورځ

۱ ورځ د خپلواکي ورځ

۱ الی ۵ ورځې د احمد شاه مسعود او نورو شهيدانو ورځ

۱ ورځ د روسانو د ماتي لپاره

دوهم: نا پلان شوي رخصتي په لاندې ډول دي:

۳ ورځي انتخابات

۵ ورځي جرګه

۲ ورځي د کابل پروسي برنامه

۵ ورځي په اوسط ډول د som، د اسیا د زړه کنفرانس، ریکا او نورې مهمې ناستی

۳ ورځي د ځینو مهمو سیاسي مشرانو مړینه او یا هم وژل کېدل وټاکو

که دا ټولې ورځې وشمېرو نو په یو کال کې مجموعي رخصتۍ ۱۹۰ ورځي کیږي، دا په دې معنی چې موږ په کال کې ۱۷۶ ورځي کار کوو. د یو وروسته پاتې هېواد لپاره دومره ډېرې رخصتي خطرناکي دي.

په رخصتیو کې موږ د لاندې جدي ستونزو مخ کېږو:

1. حکومتي ادراي رخصت وي، زموږ کارونه ځنډنۍ کېږي.

2. بانکونه او د صرافی مارکیټونه رخصت وی

3. تحصیلي مرکزونه رخصت وي، دوی نه شي کولای چې نصاب پوره کړي.

4. تولیدي او صنعتی مرکزونه رخصت او فعالیتونه په ټپه ولاړ وي.

5. لارې بندې وي انتقالات نه کېږي او د مارکیټ تقاضا نه پوره کېږي.

6. کارمندانو ته معاش، د ځای کرایه، د برق مصرف ورکول او په مقابل کې هیڅ نتیجه لاسته رانه شي. په دې سره واړه او متوسط شرکتونه له منځه ځي.

7. ځیني مهم قراردادونه د لاسه وځي ځکه چې وخت او زمان یې ټاکلی وی.

8. د سیمي د هېوادونو سره زموږ سوداګریز او اقتصادي اړیکي زیانمنی کېږي.

9. سفارتونو او خارجي اداراتو سره زموږ کار ځنډنی کېږي.

10. د وخت او پیسو ضایعه.

11. لوي برنامې، کنفرانسونه او نندارتونونه نه ترسره کېږي.

12. د کارمندانو تنبلي ډېریږي.

13. د کارونو او پروژو پر وخت نه تطبیق کېدل.

14. مالي زیانونه یې د سوداګرۍ او صنایعو خونې له انده په ورځ کې دوه میلونه ډالره اټکل شوی دی

د نور هېوادونو سره پرتله:

1. پرمخ تللي هېوادونه دري الی څلور شفته کار کوي موږ یواځې یو شفت یا وخت کار کوو.

2. په نورو هېوادونو کې نا پلان شوي رخصتي ډېرې کمې وي ولی زموږ په هېواد کې ډېرې دي.

3. نور هېوادونه د خپلو دولتي او رسمي چارو لپاره منظم سیستمونه او ځایونه لري، موږ یې نه لرو.

وړاندیځونه:

1. ټول رخصتۍ باید د قانون په رڼا کې وټاکل شي، دوه ډوله رخصتي باید ختمه شي.

2. د دولتي مراسمو لپاره د مشخصو ځایونو جوړول چې عام خلکو او خصوصي سکټور ته زیان ونه رسوي.

3. د رخصتیو د ورځو کمول.

4. په مراسمو او پروګرامونو کې د هغو دولتي چارواکو چې مستقیما مسوولیت نه لري نه شاملول

5. د دولتي مراسمو لپاره د لارو نه بندول او بدیلي لارې پیدا کول.

یادښت: د کورنۍ تولیداتو د پرمختګ لپاره باید د افغانستان اقتصادي ماشین تل فعاله وساتل شي، امنیت تامین او کاري وختونه له یو شفت څخه باید دري شفتونو ته وغځول شي.