لراوبر ویب پاڼه لراوبر يو افغان – تازه خبرونه
دوشنبه،۴،مرغومې،۱۳۹۶
داعش وسله والو کابل ښار د نن سهار ځانمرګي برید مسئولیت چې په شش درک کې د ملي امنیت ودانۍ ته څېرمه تر سره شوی و، په غاړه اخیستی دی.
د داعش ډلې له خوا په خپره شوې خبرپاڼه کې راغلي دي، چې د کابل ښار د شش درک په سیمه کې د نننی ځانمرګي برید په ترڅ کې ګڼ شمېر کسان وژل شوي او ټپیان دي.
یادې ډلې د ځانمرګي بریدګر یو انځور هم خپور کړی او ادعا کوي، چې دغه برید د محسن الخراساني په نوم د اسلامي دولت نومې ډلې اړوند یو وسله وال له خوا ترسره شوی دی.
پیښه نن سهار شاوخوا ۸ بجې د ملي امنیت ریاست یو وداني ته څېرمه رامنځته شوې ده او د کورنیو چارو وزارت چارواکي وایي په دغه برید کې لږ تر لږه شپږ کسان وژل شوي او درې نور ټپیان دي.
د کورنیو چارو ویاند نجیب دانش وایي، بریدګر پلی و او د عمومي سړک پر غاړه یې ځان ته چاودنه ور کړی او د پیښې ټول قربانیان ملکي وګړي دي.