لراوبر ویب پاڼه لراوبر يو افغان – تازه خبرونه
د امريکا ددفاع وزير رابرګيتس د پاکستان د حکومت له خوا پر پوله په طالبانو باندې د فشار نه راوستلو څخه انديښنه وښوده، همدا راز نوموړې ويلې چې د پاکستان او دهغه هيواد طالبانو د جوړ جاړي وروسته په افغانستان کې ترهګريز بريدونه ډير شوې. نوموړې وايې چې ترهګر نه يوازې دا چې پاکستان او افغانستان ته بلکې ټولې نړۍ ته لوې ګواښ ګڼل کيږي.
. په همدې وخت کې د اتو صنعتي هيوادونود بهرنيو چارو وزيرانو اعلام وکړ چې په قبايلي سيمو کې چې افراطيت او نا امني په کې يو لوې ګواښ دې، د امنيت اوثبات د راوستلو په موخه يو سلو پنځوس پروژې په پام کې نيولې. دغه اته هيوادونو چې امريکا، بريټانيه، فرانسه، کانادا، المان، ايتاليا. روسيه او جاپان په کې شامل دي د جاپان په کيوتو ښارکې د يوې دوه ورځينې غونډه په ترڅ کې په پاکستان او افغانستان کې د ثبات د ټينګښت لپاره د څلورو ملياردو ډالرو مرستې هوکړې ته ورسيدل .
همدا راز په رپوټ کې راغلي چې افغانستان او پاکستان نه يوازې دا چې د خپلو پولو د ساتلو ځواک نه لري، زياتوي چې دغه سيمې اوس مهال د نړيوال تروريسم په يو مرکز اوښتې. همداراز دغه هيوادونو د پاکستان او افغانستان ترمنځ د ګټورو خبرو غوښتونکې شول. دا څرګندونې وروسته له هغې کيږي چې د نړيوالې ټولنې او په ځانګړې توګه امريکا د پاکستان اوطالبانو د وروستې تړون څخه په انديښنه کې و. يو شمير افغان شنونکې وايې چې سره له دې چې ټوله نړې په دې پوهيږي چې د ترهګرې اصلې ريښې د پولې هاخوا دې دا چې ولې اقدام نه کوي د خلکو په ذهنونو کې يې ډيرې پوښتنې پيدا کړي.
