لراوبر ویب پاڼه لراوبر يو افغان – تازه خبرونه
د روزګان ولايت امنيتي چارواکي وايي چي د دې ولايت سرپرست امنيه قوماندان ګلاب خان وژل سوى.
د چارواکو په وينا چي نوموړى د خپل يوه بل ملګرى سره يو ځاى په مرموز ډول وژل سوى دئ .
د دې ولايت د والي وياند د پېښي پخلى کوي او وايي چي د نوموړي سره يو بل کس هم ورسره وو خو هغه تر اوسه ژوندى دئ .
نوموړى د تېرو دوولسو کلونو راهيسي د دې ولايت د جنايي جرمو په وړاندي مبارزه کوله او تر مطيع الله خان تر وژني وروسته د دې ولايت د امنيې قوماندانۍ سرپرست قوماندان ټاکل سوى وو چي تېره شپه په مرموز ډول وژل سوى دئ.
په دې اړه خپله وسله والو تر اوسه څه نه دي ويلي.