لراوبر ویب پاڼه لراوبر يو افغان – تازه خبرونه
د كورنيو چارو وزارت وايي، د هېواد په بېلابېلو سيمو كې د امنيتي ځواکونو په ګډو تصفيوي عملياتو كې ۲۷ وسله وال طالبان وژل شوي، ۶ تنه ټپيان دي او ۸ تنه نور ژوندي نيول شوي دي.
د دې وزارت مطبوعاتي دفتر څخه نن په خپره شوې خبرپاڼه كې راغلي دي، چې دغه تصفيوي عمليات په تېرو ۲۴ ساعتونو كې د كونړ، غزني، هرات، پکتيکا، پکتيا، کندهار، بلخ او خوست ولايتونو په مربوطاتو كې د ملي پوليسو، ملي اردو او ملي امنيت ځواکونو لخوا ترسره شوي دي چي د يادو کسانو د مرګ ژوبلي ترڅنګ ئې د هغوى څخه يوشمېر وسلې او مهمات هم نيولي دي.
وسله وال طالبان د کورنيو چارو د وزارت دا ادعا ردوي.