لراوبر ویب پاڼه لراوبر يو افغان – تازه خبرونه
په کندهارکي دوو بېلابېلو چاودنو يو ماشومه انجلي وژلې او ١٢ نور ماشومان يې زخميان کړي دي.
چاودني په شاولي کوټ او ژړي ولسواليو کي سوي، په يادو پېښو کي د اوو تنو ماشومانو حالت د اندېښنې وړ دى
نن غرمه مهال د کندهار ولايت د شاولي کوټ ولسوالۍ د کاريزکو په سيمه کي پر کوچنيانو د ماين چاودنه سوې چي پرمال يې ١١ تنه ماشومان زخميان کړي دي.
دغو ماشومانو په سيمه کي بوټي ټولول چي د يادي پېښي سره مخ سول.
دغه ماشومان په ميرويس روغتون کي تر درملني لاندي دي.
د کندهار د والي وياند صميم خپلواک وايې، په همدې ورځ په ژړي ولسوالي کي يوې بلي ماين چاودني يوه ماشومه انجلي وژلي او يو هلک يې ټپي کړى دى.
د پيښي په اړه تر اوسه کومي وسله والي ډلي څه ندي ويلي.