لراوبر ویب پاڼه لراوبر يو افغان – تازه خبرونه
د امريكا د بهرنيو چارو وزيري ډاكټري كاندوليزا رايس پر شمالي كوريا ږغ وكړ، چي ژر تر ژره د خپل اټومي پروګرام د بندېدو په باب راپور چين ته وړاندي كړي.
كاندوليزا رايس وايي چين به پر دې معلوماتو څېړنه وكړي، كه د شمالي كوريا راپور غلت وخوت، امريكا به خپلو اقتصادي بنديزونو ته دوام وركوي.
بلي خوا ته د چين، جاپان، شمالي كوريا، جنوبي كوريا، روسيې او امريكا له هيوادونو د جوړ كمېسون غونډه په چين كي ترسره كېدونكې ده، چي د شمالي كوريا د اټومي پروګرام څېړنه كوي.
دې غونډي ته د امريكا استازى كسټوفرهل هم ورغلى دئ، تمه كېږي نوموړي به د جنوبي كوريا او جاپان له چارواكو سره هم وويني.
په چين كي د امريكا سفارت چارواكي وايي كه شمالي كوريا رښتيا خپل اټومي پروګرام درولى وي، نو ډېر ژر به امريكا له خوا پر دغه هيواد لګېدلي اقتصادي بنديزونه ليري سي.