لراوبر ویب پاڼه لراوبر يو افغان – تازه خبرونه
د میدان وردګو ولایت په چک،سیداباد،جغتو او جلریز ولسوالیو کې تېره ورځ د بېلابېلو پېښو پرمهال اولس تنو ته مرګ ژوبله اوښتې ده.
چک او دایمیرداد ولسوالیو کې د وسله والو طالبانو لخوا د توغول شوي توغندي د لګیدو له امله یوه میرمنه وژل سوې ،یوې نولس کلنې انجلې په ګډون درې نور ماشومان ټپیان شوي دي.
همدا راز په جغتو،چک او سیداباد ولسوالیو کې هم د امنیتي ځواکونو او وسله
والو ترمنځ نښتې شوي،چې په ترڅ کې د یوه قوماندان په ګډون شپږ وسله وال
طالبان وژل شوي دي .
د دغه نښتو په ترڅ کې د ملي اردو یو عسکر وژل سوى او پنځه نور ټپیان شوي دي او له وسله والو مخالفینو څخه زیات شمېر وسلې او مهمات هم ترلاسه شوي دي .
دا په داسې حال کې ده،چې تېره ورځ په دغه ولایت کې د رایې اچونې د بهیر
په ترڅ کې د تقلب په تور د دوو امنیتي منسوبینو په ګډون اته تنه ونیول
شول .
د يادوني وړ ده چي په دې اړه خپله وسله والو تر اوسه څه نه دي ويلي.