لراوبر ویب پاڼه لراوبر يو افغان – تازه خبرونه
اسلام اباد : د پاکستان پلازمېنه اسلام اباد کې د دغه هېواد د څلورو ایالتونو په یو شمېر پوهنتونونو کې په زده کړو بوختو افغان محصلینو پاکستان کې د افغان محصلینو په نوم یوه عمومي شورا جوړه کړه. د شورا غړي وايي خپل دغه نوښت یې پاکستان کې له افغان سفارت سره هم شریک کړی. د اسلام اباد نړیوال پوهنتون محصل عبدالله سعید د دغې شورا د رییس په توګه او د فیصل اباد کرنیز پوهنتون محصل حضرت الله رحیمي د عمومي سکرتر په توګه ټاکل شوي دي. دې سره محصلینو له خپل منځه اووه کسان د مشرتابه پلاوي په توګه د یوه کال لپاره ټاکلي دي.د شورا غړي وايي سیاسي هدفونه نه لري او ځان ته یې یو شمېر اصول ټاکلي، چې د پاکستان مېشته افغان محصلینو تر منځ همغږي او همکاري رامنځ ته کول، د خپلو ستونزو د هواري لپاره ګډې هلې ځلې کول او په شریکه د خپلو ستونزو د هواري لپاره هلې ځلې کول دي. اوسمهال نږدې ١٠ زره افغان محصلین په پاکستان، هند، قزاقستان، ترکمنستان، جاپان، ترکيه، بنګله دېش او يو شمېر نورو هېوادونو کې د ليسانس، ماسټرۍ او دوکتورا پر کچو زده کړې کوي. سربېره پر وړيا بورسونو افغان حکومت هم دې چارې ته په کال کې لس ميلیونه ډالر ځانگړي کړي دي د پاکستان په ستر ښار اسلام اباد کی د افغان محصلینو د مختلفو ټولنو او اتحادیو ریئسانو ،استازو او نمایندګانو د افغان محصلینو عمومی شوراـ پاکستان په نامه شوری را منځته کړه.دپه دې مناسبت په غونډه کې د افغان محصلانو د اسلام اباد په شمول د پاکستان د څلور ګونو ایالتونو پنجاب ،سند، خیبر پښتونخوا او بلوچستان د محصلانو د ټولنو ريیسانو او استازو ګډون کړی وو.
د اطلاعاتو له مخی شورا په خپل منځ کی د یوی کابینې د ټاکلو تر څنګ د شورا لپاره اساسی اصول تعین او پورته ابتکار یی د افغانستان د اسلامی جمهوریت لوی سفارت ته هم معرفی کړ چی د سفارت لخوا پرې خورا مثبت غبرګون ښکاره او د شوری غړو ته د هر ډول ملاټړ ورکړل شو.
د شوری کابینه او د ابتدایی غړو نومونه په لاندی ډول دي.
د شورا غړي چې د دې وروسته د مؤسسينو په نامه ياديږی او يو کال لپاره د شورا غړیتوب لری نومونه یې په لاندې ډول دي؛
* عبدالله سعید، یعقوب بيګ، خالد امرخیل ( اسلام اباد نړیوال پوهنتون)
* حضرت الله رحیمی، عبدالرحیم صافی (فیصل اباد زرعې پوهنتون)
* قاری اعجاز ځلاند ( امام ابوالاعلی مودودی انسټیټوټ لاهور)
* شمس الهدی (حیدراباد پوهنتون)
* هارون زاخیلوال، زاهد الرحمن افغان (پیښور پوهنتون خیبرپښتونخوا)
* محب الله هارون مهمند، محمد اسماعیل کبیر (د افغان محصلینو ټولنه اکوړه خټک)
* نظام الدین، شریف الله (هزاره پوهنتون)
* مصباح الدین صافی (ملاکنډ پوهنتون)
* دولتزئ (سوات پوهنتون)
* هجرت الله، ابراهم، اسد اطهر ( عبدالولی خان پوهنتون ټولې څانګې)
* جمال الدین کبیر، شاکرالله (صوابی پوهنتون خیبر پښتونخوا)
* واکمن صافی (نادرن پوهنتون نوښار)
* عبدالله زرمتی (ګومل پوهنتون ډیره اسماعیل خان جنوبی اضلاع)
* مطیع الله (نمل پوهنتون اسلام اباد)
* امیر زاده ( کویټه پوهنتون بلوچستان)
* ضیاء الله (يونیورسټی اف لاهور)
د شورا غړو د خپل منځ نه د يو کال لپاره مشرتابه هییت وټاکه چی . چې په لاندې ډول دی.
* عبـــــــــــــــــــــدالله سعیــــــــــــــــــــــــــــد (د شورا ریس
* حـــــــــــــــــــضرت الله رحیمــــــــــی (عمومی سکرتر)
* هــــــــــــــــــــــارون زاخیـــــــــــــلوال (لومړی مرستیال(
* مـــــــــحب الله هـــــــارون مهــــمند (دوهم مرستیال (
* خالـــــــــــــــــد امـــــــــــــــــــــــــــــرخــــــــیل ( مالی مسؤل(
* عـــــــــــــــــبدالله زرمـــــــــــــــــــــــــتی (کلتوری مسؤل) هـــــــــــــــــــــــــــــــجــــــــــــــــرت الله (روابـــــــــطو مسؤل (
د شورا د جوړولو تر څنګ د غونډې ګډونوالو د شورا لپاره یو ځو اساسی اصول تعین کړل
۱- د شوریْ نوم د افغان محصيلينو عمومی شورا، پاکستان.
)Afghan Students’ General Council, Pakistan(
۲- شورا هیڅ ډول سياسی موخی نلری. او نه په کوم سياسی، سمتی، قومی او ژبنی تعصب باور لری، یوازی موخه او هدف یې په پاکستان کې د افغان محصلينو ترمنځ اتفاق، هم آهنګی، همکاری رامنځته کول، د افغان محصيلينو د ستونزو لپاره په شريکه آواز پورته کول، او د ورته مشکلاتو نه د وتو لپاره د حل لاری پیداکول دي
ـ د وخت په تیریدو کې به د ټولو مربوطه ټولنو او اتحاديو چې مشران يې د مؤ سسینو څخه دي د انتخاباتو او نوی کابينې په راتلو سره د يادو ټولنو او اتحاديو نوی ټاکل شوې مشران د مربوطه مؤسس او یا موسسینو په واسطه شورا ته د معارفی کیدو له لارې د شورې غړیتوب ترلاسه کوې. د نوی غړو په راتلو سره موسسين خپل غړیتوب له لاسه نه ورکوي. بلکه د شورا د جوړیدو د ورځی څخه به يو کال موده سرته رسوي.
۳- په ټولو هغه پوهنتونونو کې چې ټولنی يا اتحادیې وجود نلری او یا يې نماینده ګان په لومړی مجلس کې حضور نه درلود، د ټولنی په رامنځته کيدو سره او يا د شورا سره د تماس په صورت کې يې ریس يا مشر د شورا د غړو موافقه، د شورا غړیتوب تر لاسه کوي.
۴- که چیرې په کوم پوهنتون کې يا په کومه ساحه کې د يو څخه زیاتی دوه، دری يا ډیری ټولنی او اتحادیې وجود ولری او یا رامنځته شی نو شورا ورسره خپل چلن په لاندې دريځ په اساس کوې.
الف: که چیرې د یاد پوهنتون یا ساحی يو ریس او نماينده د شورا غړیتوب لری او د موسسينو له جملی څخه وی په داسی حال کې چې هلته بله ټولنه او اتحادیه وجود لری او یا رامنځته شی شورا په هیڅ صورت دوهمی يا نوی ټولنی ته غړیتوب نه ورکوی تر څو د شورا د موسسينو څخه هغه غړی چې په ياده ساحه کې د ټولنی استازیتوب کوی موافقه ونکړي.
ب: که چیرې په کوم پوهنتون يا ساحه کې هیڅ ټولنه نه وی او نه په شورا کې غړیتوب لری په يو ځل د نوو څو ټولنو په رامنځته کیدو سره شورا د يو کمیسون په جوړولو د پوهنتون یا ساحی د ټولو ټولنو سره د لیدنی او اړیکو وروسته يوی فیصلی ته رسیږي.
۵- د شورا غړیتوب تر لاسه کول، د غړیتوب موده غزول، د شورا د غړیتوب یا مسؤلیت څخه استعفاء اخستل، منل او ردول د شورا صلاحیت دی چې شورا به یې د غړو په اکثریت باندې سرته رسوې.
۶- د شورا دفعالیتونو د لا ګړندې کولو او دوامدار ساتلو لپاره به وروسته د مؤسسینو د مشورې، د هرې ثبت شوې ټولنې یا اتحاديې د غړیتوب حق را ټولیږې .
۷- د شورا د رهبری هیئت د مؤسسینو په مشوره، د ضرورت په پیښودو، کولای شې اسسنامه کې بدلون راولې.