لراوبر ویب پاڼه لراوبر يو افغان – تازه خبرونه
بعضي خلک دا عادت لري چې د يوه کار د پيل په مراسمو کې پټی پريکوي آيا دا کار د پخوانيو مسلمانانو له عاداتو سره څه ارتباط لري ؟
دا کار هيڅ اصل او آساس نه لري بلکه يو بيهوده کار دی . مسلمانانو په تيرو وختو کې دا کار نه دی تر سره کړی بلکې دا د پرديو پيروي ده په اسلام کې د يو کار په پيل کې استخاره ،دعا د الله جل جلاله څخه د کار د انجام د خير او برکت غوښتنه کول ثابت دي .
نو د کار د کاميابۍ د پاره په کار کې اخلاص،له خيانت،ظلم او فريب نه پرهيز د کار لازم شرايط بلل کيږي .
همدارنګه د امانتدارۍ رعايت او دکار په پوره کولو سره د الله تعالی اجر او ثواب په نظر کې نيول او مسلمانانو ته د هغه ګټه رسيدل د هر کار سره ضرور دي بايد په هر کار کې حقوقو الله له هغه جملې عبادات او محرمات په نظر کې ونيول شي .
څوک چې دا ذکر شوي بيانات رعايت کړي په کار کې به کامياب شي او کار به په کاميابۍ سره سر ته رسوي . چې وروسته ته به د عامو او خاصو د محبت سبب شي او دی به په معاملاتو کې په هغه سره تشويق کيږي او هغه ته به ډيره فايده او ډير خير رسيږي .
