لراوبر ویب پاڼه لراوبر يو افغان – تازه خبرونه
غرمه مهال يوولس نيمې بجې د ننګرهار نن ددوشنبې ورځ غرمه د ننګرهار پوهنتون د ښوونې او روزنې پوهنځي مخ ته په يوه موټر سايکل کي چاودنه وسوه چي د ننګرهار چارواکو په وينا ۷ خو نورو سرچينو د معلوماتو پر اساس ۱۱ محصلين سربېرن زخميان سويدي .
چارواکو د پېښي پړه پر چا ور وانه چول خو وايي چي د موټرسايکل خاوند چي پخپله هم محصل دی د پوښتنو ګروېږنو په موخه پولیسو بېولی دی.
بله خوا طالبانو د يوې اعلاميې په خپرولو دا پېښه غندلې او په دې پېښه کي يې لاس لرل رد کړيدي.
د يادوني وړ ده چي د تېرو ۳ اوونيو په اوږدو دا دوهمه چاودنه ده چي په ننګرهار پوهنتون کي رامنځته کېږي،تېر ځل ددغه پوهنتون يو استاد په چاودنه کي زخمي سوئ و.