لراوبر ویب پاڼه لراوبر يو افغان – تازه خبرونه
تېره شپه د میدان وردګو ولایت د دایمیرداد ولسوالۍ د پوهنې مدیریت سوځول شوی دی.
دغه مدیریت چې د شپې پر دوه بجو ورته د وسله والو له لورې اور اچول شوی،له امله یې د دغه مدیریت د ټولو اسنادونو،قرطاسیې او کتابونو سربیره،د ودانۍ دروازې،کړکۍ هم سوزول شوي دي.
په دې اړه لراوبر ته د وردګو ولايت د مطبوعاتي دفتر څخه يوه خبرپاڼه رالېږل سوې چي پکښي د يادي پېښي د پخلي ترڅنګ ويل سوي چي په دې مديريت کي ٤٠ قران شريفونه هم موجود ول.
خو وسله والو طالبانو تر اوسه په دې اړه څه نه دي ويلي چي آيا دا مديريت د دوى له لوري سوځول سوى او کومه بله سياسي موخه لري.