په هلمند کې اتلس ټنه نشه يي توکي وسوځول شول.

نن له غرمې وړاندې د هلمند ولایت د لښکر ګاه ښار د هوايي ډګر په سیمه کې د دغه ولایت چارواکو اتلس ټنه نشه يي توکي چې په تیرو څو میاشتو کې د مختلفو عملیاتو په ترڅ کې ترلاسه کړي وو ، وسوځول.
د هلمند والي ګلاب منګل پدی اړه جوړی غونډې ته وویل چې دا نشه يي توکي دهلمند په ګڼو سیمو په تیره بیا د نادعلي په ولسوالۍ زیات نیول شوي ، هغه وویل پدی نشه يي توکو کې مورفین، اپين ، جرس او هیروین شامل دی، نوموړي دا ډول وویل چې دعملیاتو په ترڅ کې دوی پنځلس تنه چې یو یې ایرانی هم دی نیولي .
د ملګرو ملتونو د نشه يي توکو او جرمونو سره د مبارزی اداری ویلي چې هلمند ولایت سږ کال یو له هغو ولایتونو څخه دی زیات کوکنار پکې کرل شوي، او دنورو ټولو ولایتونو په پرتله ډیرښت پکې لیدل شوی.