لراوبر ویب پاڼه لراوبر يو افغان – تازه خبرونه
درزګان چارواکي وايي، په چنارتو اولسوالۍ کې د پوليسو پر موټر د ماين چاودنه سوې چي اووه پوليس ئې وژلي دي.
د چنارتو اولسوال معلم فيض محمد وويل،چي چاودنه پرون غرمه د چرمستان په سيمه کي رامنځ ته سوه.
نوموړى وايي،د پوليسو پر رېنجرموټر په داسې مهال د سړک غاړي ماين وچاودېدى، چي پوليس له اولسوالۍ څخه د ولايت مرکز ترينکوټ ته روان ول.
دغه راز ولسوال وايي،چې په سيمه کې د امنيتي ځواکونو او وسله والو طالبانو تر منځ جګړه پيل سوه،چي دوه طالبان وژل سوي او يو پوليس ټپي دئ.
دا په داسې حال کي ده،چې شاوخوا دوې اوونۍ مخکي په چارچينو اولسوالۍ کي د مځکني ماين په چاودنه کي درې پوليس وژل سوي ول.
تر دې مهاله د دې چاودني مسئوليت چا پر غاړه نه دئ اخستى.