لراوبر ویب پاڼه لراوبر يو افغان – تازه خبرونه
افغان حکومت وايي، په تېرو لسو کلونو کي د افغان حکومت د غوښتني پرخلاف پاکستان له تروريزم سره خپل ملاتړ ته ادامه ورکړې ده.
د ولسمشر وياند فيضي وويل چي پاکستان له ځينو افراطي وسله والو ملاتړ کوي او بيا يې د تخريبي کارونو لپاره افغانستان ته لېږي.
نوموړى وايي چي په وروستيو ورځو کي د پاکستان پر وړاندې د عامو افغانانو ذهنيتونه حساس سوي دي
د افغانستان ولسمشر حامد کرزي او د امريکا د بهرنيو چارو وزير جان کيري پرون د افغانستان او پاکستان پر روابطو او ځينو نورو مسائلو خبري وکړې.
دا لومړى ځل نه دئ چي افغان حکومت پاکستان د وسله والو پر ملاتړ تورنوي بلکي په سلونو ځله ئې دا تورونه پر پاکستان لګولي او پاکستان ئې په سلونو ځله په جواب کي دا تورونه بې بنسټه بللي.