لراوبر ویب پاڼه لراوبر يو افغان – تازه خبرونه
چمن ګل چې په یاسر باندې مشهور و د خپلو ملګرو سره نن سهار د دولت شاه ولسوالۍ د زرکمر په سیمه کې د منډول د سیمه ییزو پولیسو په یوې امنیتي پوستې حمله وکړه چې وروسته د افغان ملي اردو او پولیسو په ځوابیه ډزو کې په شا وتنبول شول او د بمبوی په سیمه کې تر کلابند کیدو وروسته د خپل یو تن ملګري سره ووژل شو چې جسدونه یې د افغان ځواکونو سره په ولکه کې دي.
د زرکمر، منډول، بمبوی او شاو خوا سیمې د افغان ملي اردو او پولیسو له لوري یو ځل بیا تصفیه او تلاشي شوي او د افغان ځواکونو عملیات چې وروسته له دې پیښې یې پیل کړي اوس هم دوام لري.
په دغه وسلواله نښته کې دوه تنه سیمه ییز پولیس هم ټپیان شوي ول چې د یو روغتیايي حالت د ډاډ وړ دی او بل ئې وژل سوى.