لراوبر ویب پاڼه لراوبر يو افغان – تازه خبرونه
د بریتانیا د لندن ښار یو ډیر شمیر روښانفکرانو او د ټولنیزو او فرهنګی شخصیتونو د افغانستان د ځوان ټولنیز او سیاسی شخصیت اسدالله خالد، چی څه وخت ترمخه د یوه ځانمرګی برید په نتیجه کی ټپی سوی و، د يوې غونډي په ترڅ کي د روغتیا لپاره دعا وکړل.
د دعا په هغو مراسمو کښی چی يکشنبې د مارچ دريمه نېټه د لندن د ښار په یوه افغانی رستوران کی تر سره شول، د قرآن مجید د څو آیاتونو تر لوستلو وروسته فدا محمد نظری د نورو په استازیتوب یوه لنډه وینا واورل او اسداله خالد یی د هیواد یو دروند ځوان ، ملي سیاسی او ټولنیز شخصیت وګانه.
نوموړی د ناروغانو پوښتنه او د هغوی د روغتیا لپاره دعا کول یو غوره اسلامی او افغانی دود و ګانه.
نورو وینا والو هم هر یوه په خپل وار په هیواد کی هغو جنګی شرایطو ته ګوته ونیول چی دغه ډول غمیزی رازیږوی او د دوامداری سولی غوښتنه یی و کړل.
غونډه د دعا په کولو او د ځوان قاری «پښتون نظری» له خوا د پاک قرآن د ز یاتو آیاتونو تر تلاوت او د ډوډی تر خوړلو وروسته پای ته ورسیدل.
