لراوبر ویب پاڼه لراوبر يو افغان – تازه خبرونه
دعبدالوهاب سرتیردادبی اوشعری فعالیتونوپه ویاړ ادبی غونډه
دصدیق الله فدایی دکنفراسونو تالار په مونشن\آلمان کی
د افغانستان په معاصره شاعرۍ کې زموږ تکړه او خوږ ژبې شاعر ښاغلی عبدالوهاب سرتیر هغه ملي، ټولنیز او ادبي سټه ده چې د ده د نوم سره زموږ د ادب او فرهنګ مینه وال آشنا دي.
ده په رادیوتلویزون کې د شاعرۍ تر څنګ د خپل کار په موده کې په سلګونو لیکنې ، ګذارشونه، مرکې او دیالوګونه لیکلې دي . سرتیر صاحب همداسې یو شمیرښکلې او په زړه پورې رادیویي خپرونې هم جوړې کړې دي . دی په رادیو تلویزون کې د بیلابیلو خپرونو لیکونکئ، ویونکئ، او چلوونکئ وو.
له (۱۳۴۳) لمریز کال راهیسې د ده شعرونه د هیواد په رسنییو کې خپره شوي او خپریږي او ده خپل قلم په دې لاره کې تر نن ورځی اوچت ساتلی دی .
د ښاغلي سرتیر په شاعرۍ کې ملي ولولې اوجذبې، پاک او سپیڅلي وطني احساسات، بشر دوستي، د انسان او انسانیت سره، د پښتون او پښتنولي سره ژوره مینه او خواخوږي د شاعرانه ملي احساساتو په څپو کې له ورایه راڅرګندیږي، او همداسې د ده په شاعرۍ کې د انساني او اخلاقي موضوګانو نور اړخونه په ډیرو ښکلو انځورونو کې ترسترګو کیږي
ټاکل شوی ده چی ښاغلي سرتیر دشنبی ورځ داکټوبر په ۲۰ نیټه دماښام پ ۷ بجو په نومو ړی تالار کی یوپه زړه پوری ادبی اوشاعرانه ما ښامئ دادب اوشعر له مینه والو سره په ګډه جوړاودادب اوکلتور شمعی بلی کړی .
ددغی پرتمنی غونډی اوشاعرانه ما ښامي بهیر به دښاغلی مستقل له خوا چی دهمدغی غونډی دګډون په موخه داسلوله ښار څخه مونشن ته راځی ، په یوټوب کی دافغان ټوب په نامه یوبریښنا یی کانال لری دانتټرنیټ دڅپو له لیاری به یی مينه والو ته خپور کړی .دټولو هیوادوالوشعر اوادب مينه والو څخه هیله کیږی چی په ټاکلی وخت اونیټه په خپل ګډون سره داادبی اوشاعرانه ما ښامئ رنګین او بډای کړۍ .
د زیاتومالوماتو لپاره دښاغلی صدیق الله فدایی سره په لاندی پته اوټیلیفون نمبر اړیکی ټینګولای شۍ :
Machtlfingerstr. 10, 81379 München
U3- Haltestelle: Machtlfinger Straße
Tel: ( 089) 281724
0151-50413594
