لراوبر ویب پاڼه لراوبر يو افغان – تازه خبرونه
د ښوونې روزنې پوهنتون د نامه د بدلون په اړه د مطبوعاتي کنفرانس لنډ رېپوټ
نن سهار لس بجې د کابل په سپين زر هوټل کې د مدني ټولنې د همغږۍ مرکز او د څلور ګونو پوهنتونونو د استادانو او محصلينو له خوا د ښوونې روزنې پوهنتون د نامه د بدلون په اړه يو مطبوعاتي کنفرانس جوړ شو. په دغه مطبوعاتي کنفرانس کې د کابل د ښوونې روزنې پوهنتون، د کابل مرکزي پوهنتون، د کابل پوليتخنيک پوهنتون او د کابل طبي پوهنتون استادانو او محصلينو ګډون کړی وو. په پيل کې د مدني ټولنې د همغږۍ مرکز وياند ښاغلي حيات الله حيات د مرکز اعلاميه ولوسته، ورپسې د ښوونې روزنې پوهنتون استاد پوهاند محمود صافي د استادانو اعلاميه ولوسته او بيا آغلې نظيفې د ښوونې روزنې پوهنتون محصلې د محصلينو پرېکړه ليک وړاندې کړ اوپه پای کې د خبريالانو پوښتنو ته ځوابونه وويل شول. درې واړه اعلاميې تاسې ته په ترتيب سره وړاندې کېږي:
د ښوونې روزنې پوهنتون محصلينو د وروستيو اعتراضونو په اړه
د مدني ټولنې د همغږۍ مرکز اعلاميه
څه باندې دوې اونۍ کېږي چې د ښوونې روزنې پوهنتون تدريسي نظام په بشپړه توګه ګډوډ شوی؛ درسونه په ټپه ولاړ دي او ټولګي له زده کوونکو تش دي؛ هره ورځ له پوهنتونه تر ملي شورا پورې لاريونونه پر لار دي؛ زده کوونکي د ولسي جرګې، چارواکو او متنفذو شخصيتونو او بنسټونو تر منځ لالهانده ګرځي؛ د پوهنتون فضا تاو تريخوالي نيولې ده، ټولګيوال په خپلو کې سره مرور دي، د چا لاسونه مات دي او چاته پوليسو غاښونه ورمات کړي دي، دښار نظم ګډوډ شوی دی . دا ټول ځکه پېښ شوي چې د افغانستان ولسمشر غوښتل ځانګړې کړۍ خوشاله کړي او په راتلونکې سياسي معاملو کې يې ملاتړ ترلاسه کړي. ولسمشر اعتراف کوي چې په دې اړه يې لازمه مشوره نه ده کړې او پرېکړه يې ناسمه وه، خو بيا يې هم د سمون لپاره هېڅ ګام نه اخلي.
زده کوونکو په پوره مدني متانت ثابته کړه چې د دوی اعتراضونه سوله ييز دي، خو له بده مرغه زموږ يو شمېر قانون جوړوونکو او قانون ساتونکو پر دوی باندې له تاوتريخوالي او تشدد ډک ګوزارونه وکړل، قاضي نذير حنفي په موټر ووهل او پوليسو يې هم د ځانګړو کړيو په لمسون لاسونه، پښې او غاښونه ورمات کړل.
د ډېرې اندېښنې وړ خبر دا ده چې د افغانستان په پوهنتوني نظام کې دغه نوی بحران لا هم پای ته نه دی رسېدلی او حکومت نه يوازې د محصلينو او استادانو اعتراضونو ته جدي اهميت نه دی ورکړی، بلکې هڅه يې کړې د پوهنتون په نوي نامه کې د څو کلېمو له زياتوالي سره د محصلينو پر احساساتو او غوښتنو ملنډې ووهي.
د مدني ټولنې د همغږۍ مرکز، چې په هېواد کې د شاوخوا ۳۰۰ مدني بنسټونو استازېتوب کوي، له دې امله جدي اندېښنه لري چې که دا بحران په معقول ډول پای ته ونه رسېږي خدای مه کړه د محصلينو تر منځ به داسې يو ناورين رامنځته شي چې اور به يې د کابل ټولو پوهنتونو ته خپور شي.
د مدني ټولنې د همغږۍ مرکز په لاندې توګه خپل اعتراضونه او وړانديزونه اعلانوي:
۱ – موږ د افغانستان پر ولسمشر او اوړنده حکومتي چارواکو کلکه نيوکه کوو، چې د محصلينو د سوله ييزو او روا اعتراضونو پر وړاندې يې ډېره بې پروايي ښودلې او روان بحران يې تر داسې بريده رسولی چې ښايي د ځوان پوړ او په ځانګړې توګه د محصلينو تر منځ د نه جبرانېدونکو زيانونو لامل شي.
۲ – موږ د کورنيو چارو وزارت او د پوليسو د مسوولينو هغه چلند په کلکه غندو، چې د محصلينو د اعتراض پر وړاندې يې بې پرېتوب او مسلکي توب تر پښو لاندې کړ او د سوله ييزو لاريونونو پر وړاندې يې له تاوتريخوالي ډک غبرګون وښود. که چېرې پوليس په راتلونکي کې دا ډول چلند بيا تکرار کړي، د ولس تر منځ به يې اعتبار او ملي صبغې ته دروند زيان واوړي.
۳ – موږ د افغانستان پر ولسمشر غږ کوو، چې نور دې ملي مصلحتونه او ارزښتونه د ځانګړو کړيو د خوشالۍ او د خپلو سياسي معاملو لپاره نه قربانوي او په ځانګړې توګه دې په ځوان کهول کې د ملي روحيې نزاکتونو ته جدي پاملرنه وکړي.
۴ – څرنګه چې د ۱۳۵۷ کال د ثور تر کودتا راوروسته پېښو او څېرو د افغانستان پر اوسنيو حالاتو سيوری غوړولی او لا يې هم اغېزې ژوندۍ دي، اوڅرنګه چې د دغو پېښو او څېرو په اړه قضاوتونه د دې پر ځای چې تاريخي اوعادلانه وي تر ډېره بريده سياسي دي، نو له دې امله يې ولس په اړه يوه خوله نه دی. په همدې دليل موږ د اوسني نظام له ټولو ذيصلاح چارواکو او ادارو څخه جدي غوښتنه کوو، چې تر څو په دې اړه تاريخ قضاوت نه وي کړی او ولس يې په اړه يوه خوله نه وي او يا لږ تر لږه د بشري حقونو يو بې پرې کمېسون يې په اړه حقايق نه وي په ډاګه کړي، د يادې دورې د څېرو او شخصيتونو په نومونو دې د سيمو، ادارو، اکاډيميکو بنسټونو، مډالونو، نښانونو او ورځو له نومولو کلکه ډډه وشي او په لوی لاس دې د ملي نفاق او پرديو لاسوهنو لپاره زمينه نه جوړوي.
په پای کې موږ ټينګار کوو، چې د مدني ټولنې د همغږۍ مرکز د ښوونې او روزنې پوهنتون د محصلينو او استادانو د مدني غوښتنو کلک ملاتړ کوي او که چېرې د دوی غوښتنو ته پاملرنه ونه شي، د دوی له حقونو څخه دفاع خپله مدني دنده ګڼي.
اعلامیۀ مطبوعاتی استادان پوهنتون های چارگانۀ کابل
در مورد تغییر نام پوهنتون تعلیم و تربیه
از سه هفته بدینسو محصلین و استادان پوهنتون تعلیم و تربیۀ کابل در اعتراض به تغییر نام این پوهنتون دست به تظاهرات زده اند که متاسفانه هنوزهیچ ارگان ذیصلاح به این اعتراضات حقۀ ایشان گوش فرا ندادند.
از روزی که رئیس جمهوری اسلامی افغانستان، اقدام به تغییر نام پوهنتون « تعلیم و تربیۀ» کابل به نام « استاد برهان الدین ربانی» نموند، نه تنها کارد به استخوان محصلین، استادان و جامعۀ بزرگ اکادیمیک، که قشر فهمیده و دانشمند کشور را تشکیل میدهند، زد بلکه بدون تردید نفاق و شقاقی که بزرگترین درد و مشکل این سرزمین است را بوجود آورد.
حکومت ادعا دارد که دیموکراسی در این کشور حاکم است اما به خواستهای مدنی محصلین و استادان پوهنتون تعلیم و تربیه هیچ پاسخ ارایه نگردیده است که این خود نشان دهندۀ سرکوب نمودن حرکت های مدنی و ضربۀ محکم به روی دیموکراسی است.
طوریکه همه آگاه هستند رییس جمهور کشور حامد کرزی بارها در سخنرانی های خود بر بیطرفی نظام تحصیلی از سیاست تاکید نموده که در فرمان اخیر شان نیز بر دوری جستن محصلین و نهادهای تحصیلی از سیاست تاکید شده است درحالیکه تغییر نام پوهنتون تعلیم تربیه خود نقض صریح این فرمان و سخنرانی های جناب رییس جمهور میباشد.
تغییر نام این پوهنتون باعث شده است تا محصلین از دروس خویش دور بمانند، فضای برادری و صمیمیت بین محصلین به یک فضای خشونت آمیز و دشمنی مبدل گردد و شماری زیادی از استادان این پوهنتون از سوی بعضی افراد تحقیر و تهدید شوند که این همه زمینه را برای خشونت میان محصلین و استادان هموار میسازد.
استادان پوهنتون تعلیم و تربیۀ کابل، پوهنتون طبی کابل، پوهنتون کابل و پوهنتون پولیتکنیک کابل به تغییر نام پوهنتون تعلیم و تربیه به نام استاد برهان الدین ربانی به یک صدا مخالف بوده و از مقامات ذیصلاح جدا میخواهد که نام این پوهنتون را به نام قبلی اش (پوهنتون تعلیم و تربیه ) دوباره تغییر بدهد تا از یک سو از تظاهرات، نفاق بین محصلین و استادان و اختلال جریان درسی جلوگیری نموده و از سوی دیگر نهادهای تحصیلی و اکادیمیک را از سیاست بدور نگهدارند.
اگر به این خواست بر حق استادان پوهنتونهای نامبرده توجه صورت نگیرد این استادان به اقدامات جدیتری که اعتصاب درسی و استعفا از وظایف است دست خواهند زد.
د مدني ټولنې د همغږۍ مرکز،دڅلورګونوپوهنتونواستادانواومحصلینو مشترک کنفرانس
دنوموړي پوهنتون دمحصلینومطبوعاتي اعلامیه
دکابل ښووني اوروزني پوهنتون محصلین پردغه پوهنتون دپروفیسربرهان الدین رباني نوم ایښودل دافغانستان داساسي قانون اونورو اړوندو قوانینواو لوایحو سره دټکرله امله رد وي اوپه بیا بیا ټینګار سره دافغانستان له حکومت څخه په جدي توکه غواړو چي:
دافغانستان اساسي قانون د درنښت
دخلکو ارادې ته داحترام
اودافغانانوترمنځ دنفاق دمخنیوي لپاره دنوموړي پوهنتون نوم بیرته دلاندي دلایلو له مخي پخوانۍ بڼي ته واړوي:
۱ـ دولسمشرحامدکرزي دغه فرمان دافغانستان د اساسي قانون (۶۶) مي مادې له اول بند سره دا ډول واضح ټکرلري:
((جمهور رئیس په دې اساسي قانون کي دراغلو واکونو دعملي کولو په برخه کي دافغانستان دخلکو لوړ مصلحتونه په پام کي نیسي.))
مگردلته دافغانستان دخلکولوړ مصلحتونه دیوې سیاسي اوجنگي ډلي ترمصلحتوقربان شویدي.
اوپه دې ملي مسله کي له قانون سره سم ټولپوښتنه نه ده شوې،موږ اوس هم هرډول ټولپوښتني اومناظرې ته حاضریو.
۲ـ دافغانستان داطلاعات وفرهنګ وزیر په یوه ویناکي ویلي: چي په دغه وزارت کي دیوې لایحې له مخي ، د ۱۳۵۷کال دثور ترپېښي وروسته اشخاص متنازعه دي،باید ملي ځایونه او ورځي د دوئ په نومو ونه نومول شي.
۳ـ کله چي معارف وزارت تېر پنځه دیرش کلن تاریخ متنازعه بولي اوپردې اساس یې دمعارف نصاب ته نه ورداخلوي، بیا نومرحوم استادرباني هم ددغه تاریخ یو لوبغاړی دی، باید هیڅ ځای یې په نوم ونه نومول شي.
۴ـ ګمان کیږي، چي ارواښاد استاد رباني دافغانستان دبشري حقونو دخپلواک کمیسیون په ناخپاره شوي راپورکي دبشري حقونو دناقضینوپه لیست کي شامل دی اوتر هغه چي دانتقالي عدالت له لاري سپین شوی نه وي،نشي کیدای چي په نامه دي یې کوم ځای ونومول شي.
له همدې ځایه موږدافغانستان دبشري حقونوپرخپلواک کمیسیون ږغ کوو، چي په دې اړه خپل دریځ روښانه کړي.
دافغانستان اسلامي جمهوري دولت باید دپورتنیودلایلو په وړاندي خپل مدلل اوقانوني جوابونه ووايي اوکه چیري داسي ونکړي اودمحصلینو په وړاندي بې تفاوتۍ، خشونت اودخلکود ارادې ځپلوته دوام ورکړي،نو دکابل دښووني اوروزني پوهنتون محصلین به دافغانستان په ګوټ ګوټ کي پرخلکو،مدني ټولنواوسیاسي ګوندو دملاتړ لپاره ږغ وکړي.
دافغانستان داسلامي جمهوري دولت مشروعیت به ترسوال لاندي راولي،
دافغانستان کونج کونج ته به دخپلو سولییزو تظاهراتو لړۍ وغځوي.
دافغانستان په ولسي جرګه کي به پرولسمشر حامدکرزی باندي به متواتره توګه دافغانستان داساسي قانون دنقض له امله اقامه دعوا وکړي.
دافغانستان دبشري حقونوپرخپلواک کمیسیون اوترممکنه حده نړیوالوبشري سازمانوبه فشار واچوي، چي نور په افغانستان کي دټولوجنګي جنایتکارانو لست افشاء او دانتقالي عدالت پروسې ته یې ننباسي.
له ملګرو ملتونو به کلکه غوښتنه وکړي چي له افغانستان سره دخپل تعهد له مخي دي، دافغان حکومت له خوا داساسي قانون دنقض، دبشري حقونودپایمالیدو او دموکراسۍ دځپلو مخنیوي وکړي.
موږبه داټولي هلي ځلي په سولییز ډول وکړو، خوکه په دې منځ منخ کي دځینو مغرضولاسوهنوله امله هرډول زیان رامنځته کیږي، مسولیت به یې دافغانستان داسلامي جمهوري دولت، اودنورو ټولو هغو اړوندو مراجعو پرغاړه وي.
چي موږ ږغ پرکړی خو دوئ مثبت او قانوني جواب نه وي ویلی،
ومن الله توفیق
دکابل دښووني او روزني پوهنتون محصلین
۲۲-۷-۱۳۹۱
