ليکوال او تاريخپوه حنيف بکتاش په حق ورسېدئ

ټولو دوستانو ته خبر ورکول کيږي چې افغان شاعر، ژورناليست او تاريخپوه حنيف بکتاش په لندن کې د ٥١ کلونو په عمر ومړ.
انالله و انا اليه راجعون.
د اروښاد حنيف بکتاش جنازه د دوشنبه په ورځ( د اکتوبر اتمه) د لندن له ويست هنډن جومات څخه سهار مهال پورته کيږي او په هم هغه ورځ به يې وروسته د فاتحې مراسم پر ځاى کيږي.

اروښاد حنيف بکتاش د دوکتورا تر کچې لوړې زده کړې درلود، پښتو شعر يې وايۀ او له بي بي سي پښتو څانگې سره يې د هلمند په راديويي نوم کلونه کار کړى و.