لراوبر ویب پاڼه لراوبر يو افغان – تازه خبرونه
زلمی خليلزاد افغانی الاصله امريکايي چې دا وخت په ملګروملتو کې دامريکا استازۍ دی ويلي دي چېد حامد کرزي سره د سيالۍ په خاطر د افغانستان د راتلونکې جمهوري ریاست په ټاکنو کې برخه اخلي . خبري منابع په عربستان کې د عکاظ ورځپاڼي له قوله خبر ورکوي چې په ملګرو ملتو کې د امريکا نماينده ،په خټه افغان امريکايي خلیلزاد ويلي دي چې په څو راتلونکو مياشتو کې به رسماًد خپلي دندي نه ا ستعفا ورکړي تر څو خپل ځان د افغانستان د جمهوري رياست په انتخاباتي مبارزو کې د ګډون لپاره آماده کړي .
هغه زياته کړېده چې : البته ما مخکې ويلي وه چې په افغانستان کې به و هيڅ کومي دندي ته ځان کانديدنکړم ، خو د افغانستان د ملت د خدمت د پاره حاضر يم په دې عرصه کې حضور ولرم .
و خليلزاد ته نيژدې منابعو ويلي دي چې هغه په جدي توګه دراتلونکي جمهوري رياست په انتخاباتو کې د خپلي نامزدۍ په اړه فکر کوي او خپل څومرستيالان يې هم وافغانستان ته لېږلي دي تر څو دافغانستان د سياسي او قومي مقاماتو ملاتړ ځانته را جلب کړي .