لراوبر ویب پاڼه لراوبر يو افغان – تازه خبرونه
د افغانستان د کرکيټ ملي لوبډله د آسيايي هيوادونو ترمنځ د اتلولۍ جام په پايلوبه کي نن د هنکانګ له لوبډلي سره مخ کېږي.
دغه لوبي چي په نيپال کي رواني دي د افغانستان ملي لوبډلي تر دې دمخه پنځه لوبي کړي چي ټولي يې ګټلي دي.
د افغانستان د فټبال ملي لوبډله چي هم په دې وروستيو کي ځلېدلې ده، نن د جنوبي آسيا د هيوادونو ترمنځ د اتلولۍ په جام کي د کوربه هيواد هند سره مخامخ کېږي.
د فټبال ملي لوبډلي په همدې اتلوليو کي له هند سره خپله لومړۍ لوبه يو پر يو مساوي کړې ده، له نيپال او سريلانکا څخه يې ګټلي دي.
بايد وويل سي چي هندوستان له څو کلونو راهيسي د جنوبي آسيا د فټبال اتل دئ، خو د هندي رسنيو راپورونه ښيي چي د هند لوبډله د افغانستان له نوي راپورته سوي لوبډلي څخه اندېښمنه ده.
د لراوبر ويبپاڼي اداره د کرکيټ او فټبال ملي لوبډلو ته برياليتوب غواړي.