لراوبر ویب پاڼه لراوبر يو افغان – تازه خبرونه
واڼا : په جنوبي وزيرستان کې د دريو څارگرو الوتکو د توغندوي بريد په ترڅ کې درې کسان وژل شوي او ٧ ټپيان دي. دا په شمالي او جنوبي وزيرستان کې د امريکا د څارگرو الوتکو څلورم بريد دى. بريد د جنوبي وزيرستان د برمل سيمې باغړ کې سهار مهال ترسره شوى او نهه توغندوي پرې ويشتل شوي. د لومړنيو خبرونو له مخې په بريد کې ٣ کسان وژل شوي او ٧ ټپيان دي. د مړو د زياتېدو اندېښنه هم ده. د سيمه ييزو خلکو په وينا په وژل شويو کې د پاکستان د طالبانو تحريک يو سيمه ييز قوماندان ملا نذير ډله شامله ده.